Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> نسل پرست قوم پرستاں پاروں یورپی یونین ٹٹ رہی جے؟

نسل پرست قوم پرستاں پاروں یورپی یونین ٹٹ رہی جے؟

December 4th, 2016

برطانیہ پہلاں وٹّہ ماریااتے مگروں ٹرمپ آیا۔ فرانس اٹلی وی اْتاولے ہو رہے نیں پر روسی انہاں ساریاں تے ہسدے نیں۔ ایہہ یورپ والے لڑدے بڑا نیں، پر سانوں شکسپیر، روسو، والٹئیر،صنعتی انقلاب اتے نشاط ثانیہ دا یورپی چہرہ ہی وکھاندے رہے۔ دنیا وچ ہون والیاں دونویں وڈیاں جنگاں، آہو، ورلڈ وار ون اتے ٹو، یورپی ملکاں دے آپسی جہیڑے ہی سن۔کسے زمانے وچ پرتگالی تے ولندیزی لڑدے سن پر پچھلے 200سالاں توں فرانس، جرمنی تے برطانیہ۔پہلی وڈی لام برطانیہ والیاں جرمناں دے خلاف لڑی تے فرانس نوں نال رلا لتا اتے دوجی وڈی لام وچ جرمناں ہلا بول دتا۔مساں مساں کر کے دوجی جنگ دی تباہیاں بعد کجھ عقل موت آئی پر اس ویلے وی ادھا یورپ روس دے تھلے لگیا سی۔1950دے دہاکے دے اخیری سالاں وچ مغربی جرمنی، فرانس تے کجھ ہور یورپی ملکاں رل مل کم شروع کیتا پر 1985وچ جداں برطانیہ وی ایس وچ رلتی ہویا تاں اک اْمید بنی پئی یورپ پرانی کرتوتاں چھڈ دے گا۔کجھ ملکاں ویزے دی پابندیاں وہ مکا دتیاں اتے لیگسمبرگ دی تھاں شین جین وچ سمجھوتا کر لتا۔ سویت یونین دے ٹٹن نال کم ہور اگے ودھیا پر جرمنی دے مشرقی تے مغربی ٹوٹے رلن نال برطانیہ مْڑ چوڑ ہوندا گیا۔ ویسے وی ویزیاں والے شین جین سمجھوتے تے نہ برطانیہ راضی سی نہ آئرلینڈ۔فیر وی یورپی یونین دا منہ متھا 1999تیک نکل آیا سی۔کل 28ملک ایس دے ممبر اتے یورپی یونین نوین دنیا دا بوہا۔ پر ایس نوں نظر لگ گئی۔ اج ہی برطانیہ دے پچھلے وزیراعظم کیمرون ہوراں آکھیا ہے پئی جے نسل پرست قوم پرستاں دی حمائیتی، لی پن فرانس وچ جت گئی تاں یورپی یونین دے پراجیکٹ نوں بہوں وڈا دھچکہ لگ سی۔ایہہ اینج دا ہی بیان ہے جنج ڈکٹیٹر مشرف دا وزیر شیخ رشید، جمہوری دور وچ، جمہوریت دے گھاٹیاں تے گل کرے۔ایہہ بیان لی پن دے حق وچ ہے نہ کے خلاف۔ویزیاں تے کرنسیاں نوں وکھرا رکھ کے برطانیہ یورپ نوں اک مک ہون نہیں دتا۔فیر بریگسٹ نال یورپی یونین نوں رگیدیا تے ہن کہیڑے منہ توں فرانس نوں تلقیناں کریندے ہو۔چھ مہینیاں توں تساں آرٹیکل 50 تے کجھ نہیں کیتا پر بریگسٹ دا ردعمل ویکھ کے تساں اْتاولے ہو رہے ہو۔یورپی یونین دا ایہو قصور کہ انہاں آف شور ’’جنتاں‘‘ بارے گل چھوئی سی اتے آکھیا سی پئی ہر سال ارباں ڈالراں دی چوری ہوندی ہے نرے یورپ وچ۔ہن ایہہ سب ٹیکس چور نسل پرستاں نوں ہلاشیریاں دے رہے نیں۔اینج جاپدا ہے پئی برطانیہ بریگسٹ راہیں بقی یورپ نوں بلیک میل کرنا چاہندا سی پر ایہہ بلیک میلنگ اس نوں پٹھی پئے گئی ہے۔نسل پرست قوم پرستیاں دے سہارے اگے ودھ رہے نیں۔ہر تھاں عالمگیریت تے باہروں آون والیاں اتے پناہ گزیناں دی سر توڑ مخالفتاں نیں۔ایس سارے چاک چکر دا جرمناں تے وی اثر ہوئے گا۔ یورپیاں دے آپسی جہیڑیاں دا فیدہ ہمش وانگ باہرلیاں نوں ہو سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels