Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> ٹرمپ دی پاکستان پالیسی

ٹرمپ دی پاکستان پالیسی

December 1st, 2016

پاکستان دے وزیر اعظم نے امریکہ دے نویں چنے گئے صدر ڈونلڈ ٹرمپ نوں ودھائی دیون لئی فون کیتا تے دوہاں آگوواں وچکار چنگی گل بات ہوئی۔ ڈونلڈ ٹرمپ ہواراں دا کہنا سی جو اوہ پاکستان دی اپنے مسئلے حل کرن بارے ہر طرحاں دی امداد کرن گے۔ ایس توں پہلاں الیکشناں ویلے ڈونلڈ ٹرمپ ہوراں کہیا سی جو اوہ پاکستان تے ہندوستان وچکار معاملیاں نوں نجٹھن لئی وچولے دا کم کر سکدے ہین پر جے دوہیں دھراں اوہناں نوں منصف منن۔ سوال ایہہ ہے جو ڈونلڈ ٹڑمپ دی پاکستان بارے کیہہ پالیسی ہووے گی؟
امریکہ تے پاکستان وچ مڈھلا پاڑ افغان طالبان تے خاص کرکے حقانی نیٹ ورک پاروں ہے۔ امریکہ الزام لاوندا ہے جو پاکستان افغان طالبان دے حقانی نیٹ ورک نوں پناہ دتی ہوئی ہے۔ امریکہ دا ایہہ وی الزام ہے جو حقانی نیٹ ورک افغانستان تے کابل وچ جیہڑیاں کاروائیاں کردا ہے اوہناں دی تیاری پاکستان وچ ہوندی ہے۔ ایسے طرحاں امریکہ تے پاکستان وچکار ڈاکٹر شکیل آفریدی بارے وی پاڑ ہے: ڈاکٹر شکیل آفریدی نے اسامہ بن لادن نوں لبھن وچ امریکیاں دی مدد کیتی سی تے پاکستان نے اوہنوں پھڑ کے جیل وچ پا دتا سی۔
جدوں دے امریکہ دے ہندوستان نال سانگے ودھے ہین اودوں دا اوہ اوہناں جہادی گروپاں دا وی مکو ٹھپوانا چاہندا ہے جیہڑے ہندوستان وچ جاکے کاروائیاں کردے ہین۔ اہناں گروپاں وچ جیش محمد تے جماعت الدعوۃ ورگے گروپ وی نیں جنہاں اتے ہندوستانی کشمیر وچ کاروائیاں کرن دا الزام ہے۔ امریکیاں دا ایہہ کہنا ہے جو وچوں سارے جہادی گروپ ملے ہوندے نیں تے پاکستان دا چنگے تےبھیڑے جہادیاں دی ونڈ ٹھیک نہیں۔ پاکستان ایس ونڈ تے اجے تیکر عمل کر رہیا ہے۔
پاکستان ایہہ من چکیا ہے جو اوس نے کجھ طالبان دھڑیاں نوں سہولتاں دتیاں ہویاں نیں۔ ایس بارے سرتاج عزیز ہوراں واشنگٹن وچ اک بیان وچ منیا سی جو پاکستان نے کجھ افغان طالبان نوں پناہ دتی ہوئی ہے۔ پاکستان اجے وی چنگے تے بھیڑے جہادیاں وچ فرق کردا ہے۔ پاکستان صرف اوہناں طالبان تے جہادیاں دےخلاف کاروائی کردا ہے جیہڑے پاکستان دی ریاست دے نال لڑ رہے ہین۔ پر پاکستان اوہناں جتھیاں نوں سہن کردا ہے جیہڑے افغانستان وچ امریکہ دے خلاف لڑ رہے نیں یا ہندوستان دے خلاف کاروائیاں وچ رلتی ہین۔
امریکی پاکستان دی اجیہی پالیسی دے سخت خلاف ہین۔ امریکی کانگرس نے پاکستان دی امداد تے روک لائی ہوئی اے تے اوس دے ایف سولاں طیارے خریدن تے وی اڑچن پائی ہوئی اے۔ ایہہ گل پورے یقین نال کہی جا سکدی ہے جو ڈونلڈ ٹرمپ صدر بن کے امریکی پالیسی نوں جاری رکھن گے۔ سگوں ایہہ ہو سکدا ہے جو اوہ پاکستان تے ودھیر سختی کرن کیوں جے اوہناں نے ہندوستان تے اسرائیل نال نیڑتا دا وعدہ کیتا ہویا اے۔ ایس لئی اوہ وی اوبامہ حکومت وانگ پاکستان تے ایہہ زور پاون گے جو اوہ ہر طرحاں دے جہادی گروپ دا مکو ٹھپے۔اہناں گلاں نوں مکھ رکھدیاں ایہہ کہیا جا سکدا ہے جو ڈونلڈ ٹرمپ پاکستان نال انج ہی نبڑن گے جیویں اوبامہ حکومت نے کیتا ہے۔ پاکستان کول جہادی گروپاں نوں مکاون دی تھاں ہور کوئی راہ نہیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels