Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> کیہ صدارت دی ذمے واری ٹرمپ دی خود پسندی نوں ختم کر سکدی ہے؟

کیہ صدارت دی ذمے واری ٹرمپ دی خود پسندی نوں ختم کر سکدی ہے؟

November 28th, 2016

امریکہ دیاں صدارتی چوناں مک گئیاں ہین پر ڈونلڈ ٹرمپ دا سنگھرش ہجے شروع ہی ہویا ہے۔ مسلہ ایہہ ہے پئی ٹرمپ کتاباں پڑھن دے بجائے لوکاں نال گل بات کر کے ہی سکھدے ہین۔ بہت ہی گھٹ لوکاں دا خیال سی بھئی ٹرمپ صدارتی چوناں جت جان گے۔ ایس کارن جیہڑے لوکی اوہناں دوالے اکٹھے ہوئے سن اتے جیناں دی گل اوہ سندے سن، اوہناں دی گنتری بہت ای گھٹ سی۔
پر ہن جدکہ اوہ صدارتی چوناں جت گئے ہین، اوہناں نوں وکھ وکھ لوکاں دیاں گلاں سننیاں پے رہی اہن۔ اوہناں اک انٹرویو وچ دسیا پئی بل گیٹس اتے ایپل دے پردھان ٹِم کُک نال اوہناں دی فون اتے گل بات ہوئی ہے اتے ٹرمپ ہوراں اوہناں نوں بار بار دسیا پئی اوہ سفل ہونا چاؤندے ہن۔ اوہناں دسیا پئی اوہ ایہہ ملاقاتاں صدر دے طور تے چنگا کم کرن لئی کر رہے ہن۔
پچھلے دناں ڈونلڈ ٹرمپ نیویارک ٹائمز دے دفتر آئے اتے ایڈیٹوریل عملے نال لنچ تے گل بات کیتی۔ ایس ملاقات چ اوہناں ایہ دسن دی کوشش کیتی پئی اوہ موسمی تبدیلی وانگ وڈے تے اہم مدیاں تے اپنے انتہا پسند خیالاں وچ بدلاؤ لیان لئی تیار ہن۔ حقیقت ایہ ہے پئی اگلے چار ورھیاں وچ ٹرمپ نوں بہت سارے وڈے فیصلے کرنے پین گے۔ ہو سکدا ہے پئی اوہناں مگروں آؤن والے صدر اوہناں دے زیادہ تر فیصلیاں نوں بدل دین پر اک فیصلہ ایہو جیہا ہے جو اوہ شید نئیں بدل سکن گے اتے اوہ ہے بالن لئی کولے نوں پاسے کر کے صاف بالن دا چناو کرنا جیدے پاروں دنیا کاربن ڈائی آکسائیڈ دا اخراج اوس پدھر توں گھٹا دیوے گی جتھے ایہہ موسم دے سائیکل چ انہونے اتے وڈے بدلاو دا کارن بنے۔ آپنی صدارتی مہم دوران ٹرمپ نے آکھیا سی پئی اوہ موسمی تبدیلی بارے سمجھوتے نوں دھوکہ سمجھدے ہن۔ پر نیویارک ٹایمز دے نال ماقات وچ اوہناں آکھیا پئی ہن اوہ ایس بارے غور کر رہے ہن اتے اوہ سمجھدے ہن پئی صاف بالن ساڈی حیاتی لئی بہت ضروری ہے۔ جدوں پتر کاراں نے اوہناں نوں پچھیا کہ اوہ آپنی صدارتی مہم دے دوران ات وادیاں نوں اذیت دین لئی واٹر بورڈنگ وانگرے طریقیاں نوں چنگا سمجداے ہن، اوہناں نے آکھیا کہ سنٹرل کمانڈ دے ریٹائیرڈ جرنیل جیمز میٹس نال ملاقات مگروں اوہناں نے ایس بارے آپنا خیال بدل لیا ہے کیوں جے جیمز میٹس کہندے سن کہ اوہناں دے تجربے انوسار ایہوجہی اذیت نال چنگے نتیجے نہیں لبھدے۔ ات وادیاں کولوں جانکاری پراپت کرن لئی ایس توں ودھیا طریقے موجود ہن۔ ٹرمپ نے آکھیا کہ اوہ جیمز میٹس دے خیالاں نال متفق ہن۔
صدارتی مہم دوران اوہناں کہیا سی پئی اوہ امریکی کمپنیاں نوں مجبور کرن گے کہ اوہ اپنی پیداوار ملکوں بار کرن دے بجائے امریکہ اندر ودھان کیوں جے ایتھے نوکریاں ودھن۔ کجھ سوجھواناں دا خاسل ہے کہ جے ٹرمپ چاہن، اوہ آپنی مہم دے گھٹ و گھٹ ایس وعدے اتے کم کر سکدے ہن کیوں جے پیداواری شعبہ امریکی معیشت دا سب توں وڈا شعبہ ہے۔ پر کیہ اوہ سلگ ہو سکن گے؟ ایس بارے ایس ویلے کجھ نئیں کہیا جا سکدا۔
میرا خیال ہے پئی ٹرمپ بے وقوف نئیں ہن۔ اوہناں لئی لوکائی دے فیدے دے بجائے آپنا فیدہ اتے خود پسندی زیادہ ضرری ہے۔ پر کیہ کرئیے، گھٹ و گھٹ سارے ای سیاستدان بڑی حد تکر خود پسند ہوندے ہن ۔ ایس لئی وڈا سوال ایہ ہے پئی کیہ صدر دی ذمہ واری اوہناں دی خود پسندی نوں تھوڑا بہت ای سہی، بدل سکدی ہے یاں نئیں؟ مینوں جاپدا ہے پئی اقوام متحدہ لئی امریکی سفیر دا چناو، ڈیموکریٹک پارٹی دے تلسی گیبارڈ اتے سینڈرز وانگے لوکاں نال رابطے کرنا واوا چنگے سائن ہن۔ آشا ہے پئی فرائیڈمین دی گل سچی ثابت ہوئے گی کہ ٹرمپ صدر دی گدی تے بیٹھن مگروں آپنی خود پسندی یاں آپنے فیدے توں اگاں ودھ کے امریکہ دی کل لوکائی ول ویکھنا شروع کرن گے۔ اسانوں ایہہ آشا وی کرنی چاہیدی ہے پئی اوہ آپنی کابینہ لئی جیہڑے بندیاں دا چناو کرن گے، اوہ اوہناں نوں پوری ایمانداری نال چنگی صلاواں دین گے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels