Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کالم تے کالمسٹ >> نہرو دے بھیڑا وزیراعظم ہون دیاں 7نشانیاں

نہرو دے بھیڑا وزیراعظم ہون دیاں 7نشانیاں

بھارت( راج گرو)
November 15th, 2016

اج کل بھارتی میڈیا وچ آپدے وڈکیاں اتے بانیاں بارے پٹھی فلم چل رہی ہے۔ ایس فلم دے سپانسر کوئی ہور نہیں سگوں اجوکے بھارتی حکمران نیں۔ اج دی خبر دے وچ نہرو ہوراں دیاں ست غلطیاں دسیاں نیں۔
نمبر1 نہرو پورے 17ورہے اک بادشاہ وانگ حکمرانیاں کیتیاں۔پہلی کابینہ وچ10وزیر سن اتے انہاں وچوں چھ وزیراں نے نہرو تو بغاوتاں کیتیاں۔ایتھوں تک کہ اکلے بھارتی دیسی گورنر جزل راج گوپال اچاریہ ہوراں نوںنہرو توں وکھرے ہو کے نویں سیاسی پارٹی’’سواتنترا پارٹی‘‘ بنانی پئی۔امریکی جنگ آزادی دے ہیرو دو وار صدر بنن توں بعد آپ ہی وکھرے ہو گئے سن پر نہرو بادشاہ بن گئے تے وراثتی سیاست دی نیہاں رکھیاں جس تے اج وی عمل جاری ہے۔
نمبر2 پورے 30سالاںوچ بھارت وچ کوئی وڈی اپوزیشن پارٹی ہی نہ بن سکی اتے پنڈت ہوراں بعدوں انہاں دی دھی رانی اندرا گاندھی نیں گدی سنھبالی۔عملی طور تے بھارت وچ ’’یک پارٹی حکمرانی‘‘رہی جس دا موڈھی نہرو سی۔
نمبر3 جس قدامت پرست معاشی بندوبست دی نیہاں نہرو رکھیاں سن اوہ 1991تک ساڈا کونڈا کر دتا۔انڈین سرکار ڈیفالٹ دے نیڑی اپڑ گئی۔ساڈھے کول غیرملکی کرنسی نہ ہون دے برابر سی۔ ذرا سوچو پئی67ٹن سونا جہازاں تے لد کے بینک آف انگلینڈ تے یونین بینک آف سویئٹزر لینڈ لیجایا گیا تے600ملین ڈالر ریاست نوں لبھے۔اک لیڈر جگت کیتی پئی چندر شیکر ملک ایچدا پیا جے۔فیر نرسیما رائو اگے دی راہ وکھائی۔
نمبر4 ساڈے دو دشمن سن، اک پاکستان تے دوجا چین۔فیلڈمارشل مانک شاہ دا بیان ریکارڈتے ہے پئی1947اکتوبر وچ نہرو کشمیر بارے کوئی فیصلہ نہیں کر رہیا سی پر سردار پٹیل ہوراں نہرو نوں دبایا فیر جا کے کشمیر فوجاں گھلیاں ۔چین جداں حملہ کیتا تاں وی نہرو پراں ول منہ کر چھڈیا تے چین ’’اکسائے چین‘‘ سمیت کڈیاں ہی تھاواں ہڑپ کر گیا۔غیرجانبدار لہر اک مذاق سی کیونجے اساں تے روسی کیمپ وچ ساں۔ساڈا مان روس تے سی پر جداں اوہ ترٹ گیا تاں ساڈی خارجہ پالیسیاں دا جنازہ نکل گیا۔ایہہ پالیسیاں نہرو بنائیاں سن۔
نمبر5نہرو نے 1959وچ آپدی دھی اندراگاندھی نوںکانگرس دا صدر بنوایا اتے ایہہ آکھیا پئی اندرا اْس دی وارث ہے۔ایہہ اک غیر جمہوری وطیرہ سی۔
نمبر6بھارتی آئین وچ پہلی ترمیم لکھن بولن دی آزادیاں(Freedom of Speech) تے حملہ سی اتے نہرو اس دے موڈھی سن۔
نمبر7کشمیر بارے نہرو دہرے معیاراں تے عمل کیتا اتے آرتیکل 370لایا ایہہ دوجیاں انڈین ریاستاں نال دھرو سی تاں مارے امبیدکر ہوراں ایس آرٹیکل دی مخالفت کیتی۔نہرو پاروں کشمیر دا مسئلہ اج تیک پھسیا ہویا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels