Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> یمن: سعودی اتے یو اے ای حمائیتیاں وچ جھیڑے وادھو،کون کیہہ کر رہیا ہے؟

یمن: سعودی اتے یو اے ای حمائیتیاں وچ جھیڑے وادھو،کون کیہہ کر رہیا ہے؟

وچار ڈیسک
January 28th, 2018

عالمی میڈیا تے یمن دے بندرگاہی شہر عدن اتے دوجی تھاواں تے جھیڑیاں دی خبراں وادھو، پر پاکستانی میڈیا ہلے ستا ہویا ہے۔جنوبی یمن نوں وکھرا کرن دے حامیاں نوں متحدہ عرب امارات(یو اے ای) ہشیاریاں نال مدد دے رہیا ہے اتے انہاں دو دناں توں عدن وچ ات چکی ہوئی ہے۔وکھرچیاں عدن وچ مار دھاڑ کیتی اتے بہوں دفتراں تے قبضے کر لتے۔فساداں وچ ہن تیک بارہ بندے مر چکے نیں تے دو درجن توں وادھو زخمی نیں۔سرکاری فوجاں نوں سعودی عرب دی حمائیتاں نیں۔ وزیراعظم یمن الزام لاندے ہوئے آکھیا ہے پئی جنوبی یمن دے حامیاں نوں یو اے ای دی مدد ملدی ہے۔اج یمن وچ جو ہو رہیا ہے اوس پاروں یمن دی سلامتیاں نوں خطرے وادھو۔ثنا وچ حوثی اتے عدن وچ وکھریچی اک ہی ایجنڈے تے، دو پٹھی پکھاں توں حملے کر رہے نیں۔جنوبی یمن نوں وکھرا کرن والے سرکار تے حکمراناں تے کرپشن دا اوہی الزام لا رہے نیں جس دا اجکل رواج وادھو۔چیتے رہے پئی یمنی سرکار مڈھلے شہر ثنا دی تھاں عدن وچ چل رہی ہے کیونجے ثنا وچ حوثیاں دا قبضہ جے تے یمنی سرکار عدن وچ ہے۔سعودی اتحاد وچ تے یو اے ای تے سعودی عرب رلتی نیں پر یمن دی تکونی لڑائیاں دے بنے نہ لگن پاروں اینج جاپدا ہے انہاں وچ پاڑ ودھ رہیا ہے۔کیہہ یمن دے ایجنڈے وچ نواں ٹرن آن والا ہے؟فساداں پاروں بندرگاہی شہر وچ سکول، دفتر بند تے ٹریفک گھٹ گئی ہے۔کیہہ یو اے ای ہن یمن دی ونڈ تے کھلوتا ہے؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels