Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> کیہہ امریکہ شامی اپوزیشن نوں ورت رہیا ہے؟ وائس آف امریکہ دی ہشیار خبر

کیہہ امریکہ شامی اپوزیشن نوں ورت رہیا ہے؟ وائس آف امریکہ دی ہشیار خبر

وچار ڈیسک
January 27th, 2018

امریکی کدی آمراں نال کھلوندے نیں تے کدی اپوزیشن نوں ہشیاریاں نال ورتدے نیں کہ پاکستان توں شام تیک ایجنڈا سب دے سامنے۔شام وچ جداں روس دی مدد اتے ایران تے ترکی دی ٹیک نال شامی سرکار تگڑی ہو رہی ہے تے دولت اسلامیہ نوں پچھے ہٹا دتا گیا ہے تے امریکہ اقوام متحدہ دے رول مگر لک کے اپنے مفاداں نوں پورا کرن تے رجھیا ہویا ہے۔ فلسطین بارے تے ٹرمپ اقوام متحدہ دی پروا نہیں کیتی پر شام وچ اوس نوں یو این چیتے آ گئی۔ایہہ سب اوہ ہشیار، لکیا پر ننگا کھیڈ جس نوں سب ویکھ رہے نیں پر وائس آف امریکہ نوں ایس دی خبر نہیں۔ اپوزیشن اوہی زبان بول رہی ہے جس پاروں امریکی مفاداں نوں پورا کرن وچ مدد ملے۔روس ہن شامی مسلے دا حل کڈرہی ہے اتے ایران تے ترکی اوس دے نال نیں اتے چین خموش حمائیتاں کر رہیا ہے پر امریکہ، برطانیہ تے اسرائیل نوں ایہہ چنگا نہیں لگ رہیا۔ شامی اپوزیشن کس دا کھیڈ کھیلدی پئی ہے ایہہ دسن دی لوڑ نہیں۔ہن تساں وائس آف امریکہ دی ہشیار خبر پڑھو۔
روس نے آئندہ پیر تے منگل نوں گل بات لئی اکٹھ اپنے شہر سوچی وچ بلایا ہے۔ شامی ینگ مین ایسوسی ایشن کمیشن (ایس این سی) دے بلارے یحییٰ العرضی نے ہفتہ نوں آکھیا کہ شامی حکومت تے ایس دے اتحادی روس نے اپوزیشن دے گروپ نوں ایس گل بات بارے پہلاں نہیں دسیا تے انہاں دا آکھنا ہے پئی اینج امن معاہدے لئی اقوام متحدہ دی کاوشاں نوں گھٹاون دی اک کوشش ہے۔ ہن تیک ایہہ پک نہیں پئی گروپ دا ایہہ فیصلہ اخیری ہے یا فیر ایس دے راہنما ہن وی کجھ یقین دہانیاں چاہندے جے۔ایہہ وی پتہ نہیں چلیا کہ جے ایہہ گروپ سوچی وچ ہون والی گل بات وچ رلت نہیں کردا تے ایس توں ایس عمل تے کنج دا کوڑ اثر ہو سی۔ ماسکو ولوں کیتی جان والی ایس کوشش تے مغربی دنیا دی اکثریتاں پہلے ہیمشکوک ہے۔ اقوام متحدہ خانہ جنگی دے شکار ملک شام دے مسئلے دے سیاسی حل دی تلاش لئی اپنے طور تے کوششاں جاری رکھیاں نیں۔ روس نوں ایس گل بات لئی ایران تے ترکی دی وی حمایتاں نیں پر ایس عمل نوں اقوام متحدہ دی کوششاں نوں رگیدنا وی آکھیا جا سکدا ہے۔ اک فرانسیسی سفارتی افسر نے ناں ظاہر کیتے بغیر خبر رساں ایجنسی اے ایف پی نوں دسیا کہ ایس وچ اقوام متحدہ نوں ہی مڈھلی حیثیتاں ہونی چاہیدیاں نیں تے کسے ہور گل بات پاروں اقوام متحدہ نے رول نوں گھٹانا نہیں چاہیدا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels