Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ودھدی ہوئی انتہا پسندیاں تے وادھے، گھاٹے (ریڈیو پروگرام)

ودھدی ہوئی انتہا پسندیاں تے وادھے، گھاٹے (ریڈیو پروگرام)

لوک لہر۔ایف ایم 103
January 19th, 2018

انتہاپسندیاں کسے وی لہر یا فکر وچ ہوسکدیاں نیں۔ فرانس دے انقلاب دی مثال ویکھو۔ اوس وچ جو مارا ماری ہوئی اوہ کیہہ سی؟ گلوٹین دے سامنے زنانیاں سوئیٹراں بن رہیاں ہوندیاں سن تے دوجے پاسے انساناں دی گردناں کٹ کٹ ڈگ رہیاں ہوندیاں سن۔ جداں ڈائیلاگ مک جائے تے گال مندا شروع ہوجاندا ہے تے گل مار دھاڑ ول ودھ جاندی ہے تے انتہاپسندیاں دا راج ہو جاندا ہے۔ایہہ گلاں اشفاق سلیم مرزا تے نین سکھ ریڈیو شووچ کیتیاں۔ریکارڈنگ دا لنک تھلے دے رہے ہاں۔
اشفاق سلیم مرزا: پاکستان بنن توں پہلاں ہی عقل نوں منن والیاں تے قدامت پرستاں وچ ونڈ صاف نظر آندی سی۔ایہہ سب اگست1947بعدوں وی جاری رہیا سی۔ہورے اٹھارہ فروری1948نوں مولانا مودودی نے پنجاب یونیورسٹی دی لا کالج گراونڈ وچ جیہڑی تقریر کیتی سی اوس دے پہلے ترے پوائنٹس اوہی سن جیہڑے قرارداد مقاصد وچ رلتی ہوئے۔ جمعیت علما اسلام نے پاکستان وچ عدالت مکا کے قاضی القضات بناون دا مطالبہ کیتا سی۔مذہبی تے قدامت پرستاں بڑے دھیان نال اپنا بیانیہ بنایا پر لبرل حلقیاں ایس بارے کوئی پک نہ کیتا۔میں تے آکھنا ہاں پئی ساڈے ترقی پسنداں اپنی حالتاں دا معروضی تجزیہ نہیں کیتا۔اج پاکستان وچ کوئی ایک ادارہ ایسا نہیں جتھے مذہبی انتہاپسندیاں کسے نہ کسے شکل وچ نہ ہون۔انتشاری صورتحال کسے اک پاسے توں نہیں آندی۔ ایہہ ہو رہیا ہے تے اسی بھگت رہے ہاں۔انتہاپسندیاں دی بہوں ساری شکلاں نیں اج ساڈے آل دوال۔اک سہمی ہوئی اکثریت اوس دا حصہ بن چکی ہے۔انتہاپسند قوم پرستیاں تے انتہا پسند مذہبیتاں اکو سکے دے دو رخ نیں۔انتہا پسندیاں دا کوئی وی روپ ہوئے اوہ کوڑ جے۔جس قوم پرستی نوں ساڈے ایتھے چکیا جاندا ہے اوہ تنگ نظری تے قدامت پسندیاں تے اساری گئی ہے اتے کھبے پکھ نے اوس نوں سپورٹ کر کے کوڑ کم کیتا۔اصلاحواں یا ریفارمز دا کم نرا حکم نال نہیں چل سکدا۔ مینوں یاد ہے بھٹو ہوراں دی اوہ تقریر جیہڑی بلوچستان وچ سرداری بندوبست مکاون دا اعلان سی پر اوہ اج تیک مک نہیں سکیا۔ ایہہ سرداری بندوبست سنڈیمن بنایا سی۔ اوس توں پہلاں سردار ایڈا طاقتور نہیں ہوندا سی۔
نین سکھ: دلیل دی موت اصل وچ سانجھ دی موت ہوندی ہے تے فیر کٹردا یعنی انتہا پسندیاں دا ہی راج آ جاندا ہے۔جے تساں لبرل ہو تے دلیل نہیں دے رہے تے تساں وی انتہا پسند ہی ہو۔انتہا پسندیاں ملکاں تے ریاستاں دی پدر تے وی ہے اتے بندیاں دی پدر تے وی۔ جنج اساں گھر وچ بچیاں نوں چپ کروادیندے ہاں، نوجواناں دی گل نہیں سندے تے ایہہ سب انتہا پسندیاں دی ہی شکلاں نیں۔انگریزاں دے زمانے توں اج تیک جداں جداں نرا حکم جاری کر کے ریفارمز لیاون دے کم چھوئے گئے اوہ توڑ نہ چڑھ سکے۔البتہ لہراں یا تحریکاں دا اثر ہور ہوندا ہے پر اوس وچ وی بہوں ویلہ لگدا ہے۔
ریڈیو شو دا لنک
https://punjabpunch.blogspot.com/2018/01/roots-of-extremism-gapes-strengths-what.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels