Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چلی: پوپ نوں ٹاکی کڈ ماری، پر اوہ ہسدے رہے(ویڈیو ویکھو)

چلی: پوپ نوں ٹاکی کڈ ماری، پر اوہ ہسدے رہے(ویڈیو ویکھو)

وچار ڈیسک
January 18th, 2018

پوپ فرانسس266ویں پوپ نیں اتے مسیحاں دے سب توں وڈے فرقے کیتھولک دے پردھان وی ۔اٹھویں صدی توں بعد اوہ پہلے غیر یورپی پوپ نیں۔دسمبر1936وچ جمے پوپ فرانسس اپنی وکھری ٹائپ دی گلاں پاروں مشہور نیں۔دھرمی ڈائیلاگ تے پکے پوپ فرانسس نے ہلے پچھلے دناں امریکی صدر دے بیت المقدس بارے فیصلے دی مخالفتاں کیتیاں سن۔ اوہ دو دن پہلاں چلی دے وچلے شہر اپڑے سن جتھے پادریاں تے جنسی زیادتیاں دے وادھو الزاماں پاروں چرچاں تے حملے وی ہوئے سن۔انہاں کجھ پادریاں نوں ہٹایا وی اتے لوکاں نال معافیاں منگن آئے سن۔معافیاں منگدے ہوئے انہاں آکھیا پئی اساں پک کریے کہ مڑ اجہے کم نہ ہون اتے مجرماں نوں وی معافیاں دے دینی چاہیدیاں نیں۔پر کجھ حلقے مجرماں نوں سزاواں دوانا چاہندے نیں۔ جان کارلوس وی اجہے لوکاں وچ رلتی ہے اتے اوس نیویارک ٹائمز نوں آکھیا پئی میرے نال ہک پادری جنسی زیادتی کیتی سی جداں میں17ورہیاں دا ساں۔پوپ دے دورے تے وکھالے کرن والے بہوں لوک پھڑیچے وی گئے۔لوکاں دا آکھنا سی پئی چلی وچ ہک اجیہا پوپ لایا گیا ہے جس تے جنسی زیادتیاں دے الزام نیں۔انہاں حرکتاں پاروں چلی دے گرجیاں وچ حاضریاں گھٹدیاں جا رہیاں نیں۔اوہ اج جداں اپنی گڈی وچ ہتھ ہلاندے پبلک وچ جا رہے سن تے کسی نے ٹاکی لپیٹ کے انہاں دے منہ تے ماری۔انہاں خلاف وکھالے کرن والیاں وچ وکھ وکھ دھڑے رلتی نیں۔اک پاسے جنسی زیادتیاں پاروں پادریاں خلاف وکھالے کرن والے نیں تے دوجے پاسے اوہ دھڑے جیہڑے ڈھڈ ڈگاون دے حق وچ نیں۔جداں انہاں نوں ٹاکی وجی تے انہاں اپنے آپ تے قابو رکھیا اتے ہسدے تے ہتھ ہلاندے رہے۔ تساں ویڈیو وی ویکھو
https://www.rt.com/news/416182-object-thrown-at-pope/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels