Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اسرائیلی وزیر اعظم دادورہ: پاکستان,ایران، چین تے امریکی دبا؟کارگل وچ وکھالا

اسرائیلی وزیر اعظم دادورہ: پاکستان,ایران، چین تے امریکی دبا؟کارگل وچ وکھالا

January 15th, 2018

گاجرتے سوٹیاں والی پالیسی جاری کہ اسرائیلی وزیراعظم دے بھارتی دورے دے نال بل گیٹس فاونڈیشن ولوں پاکستان دی امداداں ودھان دی ہشیار خبر وی آئی جے۔اسرائیلی وزیراعظم اتے امریکہ رل کے وی فلسطین دے مسلے تے بھارت نوں حمائیتی نہیں بنا سکے سن اتے نہ ہی بھارت نوں برکس توں کڈوا سکے نیں۔چھ دناں دے دورے اتے پردھان استقبالاں مگر سوچ ایہو ہے کہ میڈیا وچ وڈا رولا پئے جائے پرمڈھلی گلاں ول دھیان نہ جائے۔ بہوں ملکاں وانگ اسرائیل دی نظر وی 40کڑوڑ بھارتی مڈل کلاس دی جیب تے ہے پر بھارت وی جاندا ہے کہ اسرائیل ایس دے جواب وچ اوس نوں کجھ نہیں دے سکدا۔جتھے تیک امریکی دربار وچ حاضریاں دا سوال ہے اوہ تے بھارت نوں بش ویلے توں مل گیاں سن۔اقوام متحدہ وچ تے امریکہ، اسرائیل آپ ہار چکے نیں تے اوہ بھارت نوں سلامتی کونسل دا ممبر کنج بنا سکدے نیں؟ بھارت نوں چین مخالفت تے ایران مخالفتاں ول لاون لئی اوہ کیہہ آفر کر سکدے نیں ایس بارے گل گول ہی سمجھو۔چیتے رہے پئی بھارتی سیکورٹی ماہر بی رامن ہوری اپنے ریسرچ آرٹیکل وچ لکھ چکے نیں پئی بھارتی خفیہ ادارے نیں پنڈت نہرو دے پورے ہون توں بعدوں اسرائیلی خفیہ والیاں نال سانگے بنانے شروع کر دتے سن تے انہاں نوں فلسطین بارے انڈین سٹینڈ پاروں سیاسی لوکاں توں لکایا ہویا سی۔اوہی لابیاں نیتن یاہو دے دورے نوں چک رہیاں نیں۔پر مودی ہوری ایران تے چین مخالفتاں دا سودا کس لین دین تے کرن؟ ایس پاروں ہی سارازور دکھاوے تے کماں تے رہے گا یا پاکستان مخالفتاں تے اسلامی ات گرداں دے گھمے نوں مڑ گھمایا جائے گا۔کل ہی چین تے نیپال رل مل جس نویں فائبر آپٹک سسٹم دا اعلان کیتا ہے اوس پاروں ہن نیپال نوں انٹرنیٹ رسائیاں پاروں بھارتی محتاجیاں توں چھٹکارا مل جائے گا۔پاکستان وچ سی پیک تے ایران نوں گوادر چابہار رلویں بندرگاہواں دی چینی آفر تے وی بھارت دی نظر ہے۔ہن تے برطانیہ وی امریکہ نوں سب توں اہم اتحادی نہیں آکھدا۔مطلب پئی چین تے ایران مخالفتاں دے ایجنڈیاں پاروں افغان جہاد یا نو گیارہ وانگ ساری دنیا رل کے چین یا ایران دے خلاف نہیں۔ نیتن یاہو نوں تے سارے امریکہ دی حمائیتاں وی نہیں اتے کل نیویارک ٹائم اوس دے جان بارے خبراں لائیاں۔ہن ایسا وزیراعظم پک نال کیہری گل کر سکدا ہے۔ ہاں البتہ خفیہ والیاں نوں چین، ایران تے پاکستان خلاف پراکسی جنگاں تیز کرن دا ٹاسک سنے فنڈ مل سکدا ہے پر ایس پاروں ایران تے چین ولوں جیہڑا ردعمل آئے گا اوس لئی مودی نوں اج کارگل وچ اشارے مل گئے نیں جتھے اسرائیلی وزیراعظم دے پتلے ساڑے گئے۔اسرائیل لئی ایران، امریکہ لئی چین تے بھارت لئی پاکستان وڈا مسلہ، پر مڈھلا سوال ایہہ ہے پئی بھارت چین تے ایران دا پورا بائیکاٹ نہیں کر سکدا تے امریکہ پاکستان نوں راسی، چینی کیمپ ول جاون توں ڈکنا چاہندا ہے۔ ایہہ ہے اوہ کھڑچ کنڈل جس وچ سب پھسے نیں۔ پاکستان وچ کجھ لابیاں اوہی کر رہیاں نیں جو ایوب، ضیا تے مشرف ویلے پاکستان نوں کروایا گیا سی کہ بس لمے پئے جاؤ۔چینیاں خلاف خبراں وی پاکستانی میڈیا وچ ودھ رہیاں نیں۔28جولائی بعدوں انہاں دا ایجنڈا اگے ودھ رہیا ہے اتے ہن تے کالمچی وی بلوچستان وچ تبدیلی بعدوں بول اٹھے نیں۔کیہہ چین تے ایران مخالفتاں وچ پاکستان تے بھارت دی دوستی دا ہشیار کارڈ بنایا جا رہیا ہے؟ ایس لابی نوں تے یمنی قرارداد تے کھلوتی پارلیمنٹ بہوں بھیڑی لگدی ہے۔کیہہ فیض آباد دھرنا تے نویں دھرمی جتھے بندی سب نوں ڈراون دا لشکارا سی؟ نویں سال دی سویرے ٹرمپ نوں پاکستان تے ایران کیوں یاد آئے سن پئی ہن اوہ کہانی سمجھ آندی ہے۔جے ساڈے پالیسی سازاں نوں ملکی پدر تے اتھل پتھل توں ویہل ہوندی تے انہاں چھ دناں وچ اوہ فلسطین تے عالمی کانفرنس کرواندے تے روس، چین، ایران، قطر تے ترکی نوں سدھ کے جواب دیندے، پر ایتھے تے عالمی ایجنڈیاں پاروں اندرونی مسلے فکس کیتے جا رہے نیں۔ جے بھارت تے اسرائیل شو کیس سجا رہے نیں تے اساں کیہہ کر رہے ہاں؟
رل مل رولا پاو
لوکاں نوں کراہے پاو



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels