Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ دا سب توں وڈا دیہاڑ،تھینکس گوونگ( Thanks Giving)

امریکہ دا سب توں وڈا دیہاڑ،تھینکس گوونگ( Thanks Giving)

وچار ڈیسک
November 24th, 2017

میلے ٹھیلے ہر سوسائٹی دا انگ پئی جنج اساں بکرے، گاواں وڈی عید تے وڈدے ہاں تے امریکی شہری ’’ٹرکی‘‘ جنور نوں لمیری گنتری وچ اک متھے دن وڈدے نیں۔ایس بارے وائس آف امریکہ والیاں اک رپورٹ چھاپی ہے تسی وی پڑھو۔ایہہ دیہاڑ امریکہ، کنیڈا تے کریبین سمندری جزیریاں وچ منایا جاندا ہے۔ کنیڈا وچ ایہہ اکتوبر دی دوجی سوموار نوں منایا جاندا ہے تے امریکہ وغیرہ وچ نومبر دی چوتھی جمعرات نوں منیندے نیں۔بسنت تے ویساکھی وانگ ایہہ اک سیکولر تہوار ہے۔ہن تساں خبر پڑھو۔
ہر سال نومبر دی چوتھی جمعرات نوں امریکہ بھر وچ تھینکس گوونگ دا تہوار منایا جاندا ہے۔ ایس تہوار نوں امریکی معاشرے وچ انتہائی اہم مقام حاصل ہے۔ زیادہ تر امریکی ایس موقع نوں اپنے خاندان تے عزیز و اقارب نال ملن، انہاں دے نال کجھ وقت گذار ن تے رل بیٹھ کے کھانا کھان دا اک ذریعہ سمجھدے نیں۔ تھینکس گوونگ دی چھٹیاں وچ وڈے پیمانے تے سفر کردے نیں تے شاہراواں تے گڈیاں دی خوب بھیڑ ہر تھاں نظر آندی جے۔ تھینکس گوونگ دا تہوار سترہویں صدی دی اک ایس اہم اکٹھ دی یاد وچ منایا جاندا ہے جس وچ امریکہ آن والے برطانوی نوآباد کاراں نے اپنی بوئی ہوئی مکئی دی پہلی فصل دی کٹائی کیتی سی۔ ایس موقع تے انہاں دے گورنر ولیم بریڈ فورڈ نے اک وڈے کھانے دا بندوبست کیتا جس وچ ایس نے مقامی ریڈ انڈین قبیلے دے پردھان میسا سوئٹ سنے بہوں لوکاں نوں سدیا سی۔ کجھ مورخاں پاروں ایہہ پروگرام تِن دن تک جاری رہیا سی ا تے اوہ پہلا تھیکنس گوونگ دیہاڑ سی۔ ایس وچ خدا دی دتی ہوئی نعمتاں دا شکرانہ ادا کیتا تے مقامی قبائل دے نال رل مل کے رہن دا عزم کیتا گیا۔ ایس دور دی بہوں گھٹ معلومات محفوظ نیں تے ایہہ علم نہیں ہے کہ ضیافت وچ کیہ کجھ پیش کیتا گیا سی ۔پر روایت ایہہ ہے کہ ایس وچ’’ ٹرکی‘‘ دے گوشت، مکئی تے پھلیاں دی ڈشاں شامل سن۔ تے شاید ایہو وجہ ہے کہ انہاں چیزاں نوں اج تھیکنس گوونگ دے ڈنر دا اک لازمی حصہ سمجھیا جاندا ہے، خاص طور تے ٹرکی نوں۔ ٹرکی مرغ دی قسم دا اک وڈا پرندہ ہے جس دا وزن 15 توں 20 پونڈ تے بعض اوقات ایس توں وی زیادہ ہوندا ہے۔ تھینکس گوونگ تے کھان دی میز تے سب توں نمایا ڈش ٹرکی ہوندی ہے تے ایس تہوار دے موقع تے امریکہ بھر وچ لکھاں ٹرکی قربان کیتے جاندے نیں۔ نیشنل ٹرکی فیڈریشن دا کہنا ہے کہ امریکہ بھر وچ ایس دن چار کڑوڑ 50 لکھ ٹرکی کھا لتے جاندے نیں۔ ایس تہوار دی خاص گل اوہ ڈنر ہوندا ہے جس لئی گھرانے دے سب لوک اکٹھے ہوندے نیں۔ پر گھٹ آمدنی والے لوکاں لئی تھینکس گوونگ دا روایتی ڈنر تیار کرنا آسان نہیں۔ ایس لئی بہوں سارے فلاحی ادارے تے افراد کھان دی چیزاں تیار کردے نیں یا اکٹھی کردے نیں تے علاقے دے گھٹ آمدنی والے واسیاں نوں فوڈ باسکٹس فراہم کردے نیں۔ جیہناں وچ یوم تشکر دے روایتی کھانے دی چیزاں جس طراں کرین بیری ساس، پمپکن، تازہ سبزیاں تے ٹرکی ہوندیاں نیں تاکہ غریب لوک ایس دن دے روایتی ڈنر توں وانجھے نہ رہ جان۔ تھینکس گوونگ دے موقع تے امریکہ وچ عام تعطیل ہوندی ہے تے ملک بھر دے شہراں تے قصبیاں وچ قومی یکجہتی دے اظہار لئی پریڈاں ہوندیاں نیں۔ ایس سلسلے دی سب توں وڈی پریڈ نیویارک وچ ہوندی ہے جس وچ فنکار، معروف بینڈ، وڈے وڈے غبارے، کارٹون کیریکٹرز تے فلوٹ شامل ہوندے نیں۔ پریڈ دے ڈھائی میل لمبے رستے تے ایس نوں ویکھن لئی لکھاں لوک موجود ہوندے نیں۔ تھینکس گوونگ امریکہ وچ گویاچھٹیاں دے موسم دا نقطہ آغاز ہے۔ ایہہ تہوار منان دے بعد اکثر امریکی کرسمس دی تیاریاں وچ مصروف ہوجاندے نیں۔ تھینکس گوونگ دے بعد دفتراں دی حاضری گھٹ تے مارکیٹاں دی رونقاں ودھ جاندیاں نیں کیونجے کرسمس تے اپنے رشتے داراں وغیرہ نوں تحفے دینا امریکی روایت دا اک اہم حصہ ہے۔ امریکہ وچ Thanksgiving یعنی شکرانے دا تہوار سفر دے لحاظ توں سال دا مصروف ترین دن ہوندا ہے کیونکہ لکھاں افراد کاراں یا ٹریناں وچ یا ہوائی سفر کرکے اپنے گھرانیاں دے نال رل کے ایس دن دی ضیافت کھاندے نیں، تے خدا دا شکر ادا کردے نیں ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels