Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ’’کم‘‘ مینوں بڈھا آکھیا۔میں تے اوس نوں گٹھا اتے موٹا نہیں کہیا۔ ٹرمپ دی دہائیاں

’’کم‘‘ مینوں بڈھا آکھیا۔میں تے اوس نوں گٹھا اتے موٹا نہیں کہیا۔ ٹرمپ دی دہائیاں

November 12th, 2017

شمالی کوریا اونج ہی امریکہ نال کر رہیا ہے جنج کدی کاسترو اتے کیوبا کردا سی۔عالمی سیاسی شطرنج تے اسرائیل، کیوبا اتے ہن شمالی کوریا ورگیاں دے کردار امریکہ،روس تے چین ولوں کھیڈ دا حصہ۔اتوار نوں اپنی ہک ٹیوٹ وچ امریکی صدر ڈونلڈ ٹرمپ شمالی کوریا دے پردھان بارے گلہ کردے ہوئے آکھیا پئی ’’کم‘‘ ہوراں مینوں بڈھا آکھ کے میری بے عزتیاں کیتیاں۔فیر جوابی وار کردے ہوئے ٹرمپ اپنا غصہ ایہہ آکھ کے لایا کہ میں اوس نوں کدوں گٹھا اتے موٹا آکھیا ہے۔ اینج ٹرمپ نہ آکھدے ہوئے جوابی وار کر دتا۔پر ایس جوابی وار توں اوس اپناقد ہور نکا کر لتا۔ٹرمپ دی ایہہ بے عزتیاں ہورے ویتنام وچ ہوئیاں نے جتھے اوہ ایشیا پیسفک اکنامک کوآپریشن دے اکٹھ وچ گیا سی۔ویتنام وچ تے امریکیاں دی بے عزتیاں پہلے ہی بہوں ہو چکیاں نیں ہن نواں اصافہ ’’کم‘‘ ہوراں کر دتا۔ کجھ دن پہلاں ٹرمپ ہوراں چین دے دورے تے وی شمالی کوریا دی شکائیتاں لاندا رہیا سی پر چینی صدر بڑے آرام نال ٹرمپ نوں 1950دے دہاکے دی کورین جنگ چیتے کروائی سی۔اوس جنگ پاروں ہی کوریا نوں ونڈیا گیا سی۔امریکہ نوں اونج ہی ’’کم‘‘ نوں برداشت کرنا ہو سی جنج دنیا اسرائیل نوں برداشت کر رہی ہے۔تاں مارے ٹرمپ اپنی ٹویٹ وچ ایہہ خاہش لکھی پئی ہورے کدی میں تے ’’کم‘‘ دوست ہی بن جان۔ جے ٹرمپ چین نال پنگا لینا بند کرے اتے بھارت نوں چین نال لڑاون دے کسنجری پروگرام نوں ڈک دے تاں اوس نوں’’کم‘‘ نال دوستی دی لوڑ نہیں رہے گی۔ پر ہشیار ٹرمپ تے روس نوں چین توں توڑن اتے بھارت نوں چین نال لڑاون تے رجھیا ہویا ہے۔تاں مارے اوس دی ’’کم‘‘ نال یاری نہیں ہونی۔جڈے میہنے اوہ ’’کم‘‘ نوں ماردا ہے اوس دا وی پٹھا اثر ہوندا ہے اتے دوجے ملک امریکہ دا مذاق بنادے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels