Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارتی گندم:7گھیپاں ایران توں افغانستان جا سن۔ پاکستان فارغ

بھارتی گندم:7گھیپاں ایران توں افغانستان جا سن۔ پاکستان فارغ

وچار ڈیسک
November 11th, 2017

کوڑ افغان پالیسی اتے سعودی اتحاد وچ رلت توں فیدہ کوئی چک رہیا ہے پر قیمت پاکستان ادا کرے گا۔وزیراعظم نواز دے چینی دورے بعدوں گوادر تے چاہ بہار نوں اک ساحلی زون بناون تے ایران نوں سی پیک نال جوڑن دی گلاں ہورہیاں سن پر ہن جنوری 2018نوں بھارت ولوں ست گھیپاں وچ گندم چاہ بہار راہیں افغانستان اپڑن دا اعلان ہو چکیا ہے۔ پاکستانی معیشت نوں سیکورٹی دے گھمے نال چلاون دا انجام سامنے آ گیا کہ معیشت دی ایس ناکامی دا کون ذمہ وار ایہہ پچھن دی گل نہیں۔امریکہ وچ ایران مخالف لابی نوں ایس تے ڈاڈھا مسئلہ ہے پر واشنگٹن دے تھنک ٹینک دی ہیریٹیج فاونڈیشن دے جنوبی ایشیائی ماہر جیف سمتھ دا آکھنا ہے پئی امریکہ ایس ایرانی بھارتی ڈیل نوں ڈکے گا نہیں۔ بھارت ایس نوں معاشی ڈیپلومیسی آکھدا ہے اتے پہلاں ہی چاہ بہار وچ پورے500ملین ڈالر دی سرمایہ کاریاں دا اعلان کر چکیا ہے۔جے پاکستان نوازشریف دے راہیں اک پاسے بھارت نال سانگے نرم کر لیندا، سعودی اتحاد وچ رلن دی تھاں یمنی قراداد تے کھلوتا رہندا اتے چین نال رل کے ایران نوں سی پیک دا حصہ بناون ول ٹردا تے اج اوہ اکلا نظر نہ آندا۔پر ایہہ سب نہیں ہون دتا گیا۔بھارتی سرکار نے انڈیا گلوبل پورٹس لمیٹڈ (آئی جی پی ایل) دے ناں توں کیہڑی کمپنی کھڑی کیتی ہے اوس اپریل وچ ایرانیاں نال گل بات پوری کر لتی سی پر اساں اوس ویلے نواز ہٹاؤ پراجیکٹ وچ پھسے ہوئے ساں۔دلی دورے وچ امریکی خارجہ وزیر بھارت ایرانی ڈیل تے سدھی گل کرن دی تھاں انہاں نوں نرا پاسداران انقلاب توں ڈرایا سی۔جنج حقانی نیٹ ورک سانوں سدھا رکھن دا چھینٹا ہے اینج ہی بھارت لئی پاسداران انقلاب والا ایرانی جتھہ۔ایرانیاں نوں ایہہ وی چیتے ہے پئی بھارت کنج گیس پائپ لائن ڈیل توں وکھرا ہویا سی۔پر پاکستان دوجیاں دے گھاٹیاں وادھیاں تے انحصاری پالیسی بناون وچ وڑیا جاپدا ہے۔امریکی تے سی پیک دے خلاف نیں تے بھلا انہاں نوں ایس وچ ایران دی رلت کنج وارا گھائے گی؟ایس اہم ویلے پاکستان دا سعودی اتحاد وچ جانا اتے اپنے سابقہ آرمی چیف نوں اوس دا پردھان بنانا اج پٹھا پئے گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels