Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> آسلام آباد ہائی کورٹ :مجاہد پرویز نوں امریکہ دے حوالے کرن توں ڈک دتا۔30 ملین ڈالر؟

آسلام آباد ہائی کورٹ :مجاہد پرویز نوں امریکہ دے حوالے کرن توں ڈک دتا۔30 ملین ڈالر؟

وچار ڈیسک
November 1st, 2017

کیہہ کسی نوں نری دوجی حکومت دی درخاست تے پھڑیچ کے جیل گھلیا جا سکدا ہے؟مجاہد’’پیٹر‘‘ ہوری کدوں دے پھڑیچے گئے سن ؟سوال ایہہ نہیں کہ اوہ پاکستانی پچھوکڑ رکھدا ہے یا نہیں سگوں ایہہ گل اہم ایہہ ہے پئی اوہ شہری کس ملک دا ہے۔اسلام آباد ہائی کورٹ اخیر اک 30 ملین ڈالر دے ملزم نوں جیل رکھن خلاف ہے یا اوس نوں امریکہ گھلن خلاف؟ ایس تے فارن آفس دی اوکڑاں ودھن گیاں؟ ملزم تے نیویارک دی عدالت وچ کیس چل رہیا ہے اتے اوس تے میڈیکل انشورنس وچ فراڈ دا الزام ہے۔ ملزم ایہہ نہیں آکھیا کہ اوس تے الزام غلط ہے سگوں اوس نے 1972دے قنون دا آسرا لتا ہے جس پاروں، ہورے ،پاکستان تے امریکہ وچ اجیہا کوئی معاہدہ نہیں ؟
اسلام آباد ہائی کورٹ دے جسٹس محسن اختر کیانی نے ضلعی انتظامیہ تے جیل حکام نوں کرپشن الزامات وچ امریکہ نوں مطلوب گرفتار پاکستانی نژاد امریکی شہری مجاہد پرویز نوں امریکہ دے حوالے کرن توں روکدے ہوئے وزارت داخلہ دا نوٹیفکیشن معطل کردتا ہے۔ پیر نوں اسلام آباد ہائی کورٹ وچ مجاہد پرویز نے اپنے وکیل میاں احمد خان اتے علی نواز کھرل دے ذریعے درخاست دائر کیتی سی اتے اوس وچ موقف اختیار کیتا گیا سی کہ مجاہد پرویزہوری امریکی حکومت دی درخاست تے اڈیالہ جیل وچ قید نیں۔وکیلاں ایس کیس وچ ایف آئی اے،سیکٹری داخلہ اتے اڈیشنل ڈپٹی کمشنر عبدالستار عیسانی راہیں فیڈریشن توں جواب منگیا ہے۔وکیلاں عدالت نوں دسیا ہے پئی ملزم مجاہد ’’پیٹر‘‘ نوں پیر دے دن ہی امریکہ گھل دتا جائے گا تاں مارے عدالت ٹیلی فون کر کے سپریڈنڈنٹ اڈیالہ جیل نوں عدالتی حکم بارے دسیا سی۔ایس بارے ایکسپریس ٹربیون 31 اکتوبر نوں خبر چھاپی سی۔مجاہد پرویز 30 ملین ڈالر دی کرپشن الزاماں وچ امریکہ نوں مطلوب ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels