Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سپین: علیحدگی پسنداں دی چھٹی۔کیہہ سپین توں بدلہ لتا جارہیا ہے؟

سپین: علیحدگی پسنداں دی چھٹی۔کیہہ سپین توں بدلہ لتا جارہیا ہے؟

October 29th, 2017

الجزائر تے لبیا نوں برباد کرن والیاں نوں کاتالونیاں دی آزادیاں نال کڈا پیار۔سپین پیسے، کلچر اتے رقبعیاں پاروں یورپ دا ہک تگڑا ملک،جی20وچ وی رلتی اتے یورپی یونین دا راکھا کہ جداں اوس جبرالٹر تے برطانیہ دے قبضے نوں مکاون تے اپنے تریخی حصہ نوں واپس لین دی گل کیتی تے جواب وچ کاتا لونیاں دے مسلہ نوں مغربی میڈیا چک ماریا۔جداں کاتالونیاں والیاں آزادیاں دا اعلان کیتا تے کسے اک ملک وی انہاں نوں تسلیم نہ کیتا۔مسلہ سپین نوں تنگ کرنا سی اتے ایس لئی کاتالونیاں والیاں نوں ورتیا گیا۔جبرالٹر اٹلانٹک سمندر توں رومی سمندر وچ وڑن، نکلن دا یورپی بوہا اتے جمہوریت دی ماں آکھوان والیاں دا اوس نمانی تھاں تے نجائز قبصہ۔جیہڑے ہر جلسے وچ برطانیہ دی تعریفاں کردے نیں اوہ کاٹھے انگریز جبرالٹر تے برطانیہ دے قبضے بارے مرکے وی کدی گل نہیں کرن گے۔ جبل الطارق (طارق دا پہاڑ)دا ناں جبرالٹررکھن نال قبضہ قنونی نہیں ہوندا۔سپین نوں کاتالونیا دی شکل وچ یورپی یونین دی حمائیتاں اتے جبرالٹر نوں واپس لین دی ڈیمانڈ دی سزا دتی جارہی ہے۔وڈا مسلہ ایہہ وی ہے پئی سپین نے یورپی یونین دے فیصلیاں پاروں آف شور کمپنیاں نوں رمکے رمکے پورے ٹیکس نیٹ وچ لیجاون دا فیصلہ کیتا ہویا ہے پر ٹیکس چور اشرافیہ ہن ہر اوہ کم کر رہی ہے جس نال سپین دی اوکڑاں ودھ جان۔اخیربرطانیہ وچ بریگسٹ وی تاں مارے کروایا گیا سی کہ اشرافیہ نوں فیدے دتے جان جیہڑے برٹش ورجن آئس لینڈ ورگی تھاواں تے کمپیناں بنائے بیٹھے نیں۔ہن تساں خبر وی پڑھ لو
سپین نے کاتا لونیا دی علیحدگی پسنداں نوں نکرے لاندے ہوئے علاقے دا براہ راست کنٹرول سنبھال لتا ہے۔ ہفتہ دی سویر نوں بانگاں ویلے کیتے اعلان دی لوڑ اوس ویلے ودھ گئی سی کیونجے کاتالونیا دے قنون سازاں جمعہ نوں سپین توں آزادی دے حق وچ قرار داد منظور کیتی سی۔ سپین دے وزیراعظم ماریا نوراہوئے نے کاتالونیا دی مقامی پارلیمان نوں توڑدے ہوئے 21 دسمبر نوں ایس خطے وچ مڑ چوناں کروان دا اعلان کر چھڈیا۔ انہاں تازے فیصلیاں خلاف تاحال کاتا لونیا دے اعلیٰ عہدیداراں ولوں کوئی ردعمل سامنے نہیں آیا تے صرف ایس خطے دی پلس دے سربراہ نے اک بیان وچ آکھیا کہ اوہ مرکزی سرکار دے ایس حکم تے عمل کرن گے۔ جمعہ نوں کاتالونیا دی پارلیمان نے جداں سپین توں آزادی دے حق وچ ووٹ دتا سی تے ایس تے بارسلونا وچ ہزاراں لوک جشن مناندے ہوئے سڑکاں تے وی نکل آئے سن۔ پر مرکزی سرکار دے حق وچ وی وڈے جلوس کاتا لونیا وچ نکلن بارے میڈیا رپورٹ کیتا ہے، پر ایس ہشیار خبروچ ایس بارے ہک لائن وی نہیں سی۔

Gibraltar IS British: Catalonia backs UK's claim to the Rock in swipe at Spain
http://www.express.co.uk/news/world/871683/Catalonia-Spain-Gibralatar-Sergi-Marcen-Alfonso-Dastis

Offshore companies in Spain https://www.expatica.com/es/employment/Offshore-companies-in-Spain_108048.html

Pro-unity Catalans rally to reject declaration of independence from Spain

http://www.telegraph.co.uk/news/2017/10/29/pro-unity-catalans-rally-reject-declaration-independence-spain/




Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels