Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹوئٹر نے روسی میڈیا دے اشتہاراں نوں بلاک کردتا۔کوڑ فیصلہ

ٹوئٹر نے روسی میڈیا دے اشتہاراں نوں بلاک کردتا۔کوڑ فیصلہ

October 29th, 2017

سوشل میڈیا نوں خارجہ پالیسیاں لئی ورتن نال اوس دا بوتھا وگڑدا ہے کیونجے سوشل میڈیا تے اک عالمی اپیل رکھدا ہے پر ایس نوں وطنی ریاستاں دی تنگ نظریاں دا سامنا ہے۔ٹوئیٹر تے نفرتاں والا مواد تے پیا ہے، ات گرد تاں مارے سوشل میڈیا نوں ورتدے نیں کیونجے ایس اتے جعلی اکاوئنٹس بناون دی گنجائشاں نیں۔ایس بارے سوچن دی تھاں سوشل میڈیا نوں ملکاں دی پھوکی لڑائیاں وچ حصہ دار بنانا کتھے دی دانشمندیاں نیں؟کیہہ ٹوائٹر تنگ نظر اتے نسلی قوم پرستاں نوں بلاک کرے گا؟وطنی ریاستاں وچ سوشل میڈیا خلاف اک مائنڈ سیٹ کم کر رہیا ہے، کئی ملکاں وچ سوشل میڈیا نوں ڈکن دی کوڑ کوششاں ہوئیاں کہ ٹوائٹر دے ایس فیصلے پاروں اوس مائنڈ سیٹ نوں تھاپڑا ملے گا۔ہن تساں خبر پڑھو تہانوں آپ سمجھ آ جا سی پئی ایہہ آر ٹی اتے سپوتنک توں ایڈا کیوں ڈر دے نیں۔

سماجی میڈیا دے ادارے ٹوئٹر آکھیا ہے کہ انہاں روسی سرپرستیاں وچ کم کرن والے خباری اداریاں سپوتنک تے آر ٹی ولوں دتے جان والے اشتہاراں نوں بلاک کردتا ہے۔ ادارے نیں جمعرات دے روز اپنے بلاگ وچ شامل اک بیان وچ آکھیا سی کہ ایہہ اقدام ساڈے اوس جاری عزم دا حصہ ہے کہ ٹوئٹر استعمال کرن والیاں دی بلند اخلاقی دے تحفظ وچ مدد دتی جائے۔ ٹوئٹر نے انٹیلی جنس اداریاں ولوں جنوری وچ سامنے لیائی گئی اک رپورٹ دا حوالہ دتا ہے جو ایس نتیجے تے پہنچی کہ روسی حکومت نے 2016 دے امریکی صدارتی انتخاب وچ مداخلتاں دی کوششاں کیتیاں سن۔ ادارے دے بیان وچ آکھیا گیا ہے کہ ایس سال دے شروع وچ امریکی انٹیلی جنس کمیونٹی نے آر ٹی تے سپوتنک دا ناں لتا سی کہ اوہ 2016 دے صدارتی چوناں وچ اڑچلاں پاون لئی روسی سر پرستی وچ مداخلتاں دی کوشش کردے رہے جس چیز نوں اسی نہیں چاواں گے کہ ٹوئٹر تے آئے۔ روسی وزارتِ خارجہ دی بلارن ماریاز خارووا نے جمعرات دی شام ایس پابندی نوں امریکہ ولوں آرٹی تے بندش دا اک ہور جار حانہ قدم قرار دتا سی۔ اپنی رپورٹ وچ انٹیلی جنس برادری انتہائی اعتماد دے نال ایس نتیجے تے پہنچی کہ روسی صدر ولادیمیر پوٹن نے ہدایت دتی کہ امریکی جمہوری عمل وچ وگاڑ پیدا کیتاجائے اتے ہیلری کلنٹن نوں نیواں وکھایا جائے اتے انہاں دے انتخاب تے ممکنہ صدارتی عہدے تک پہنچن دے امکاناں نوں نقصان پہنچایا جائے۔
Read more news regarding this cyber ban
https://www.rt.com/news/407861-twitter-policy-rt-accounts/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels