Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> قطر داعش دے شدت پسنداں نوں لیبیا گھل رہیا ہے: سعودی اتحاد دا نوں الزام

قطر داعش دے شدت پسنداں نوں لیبیا گھل رہیا ہے: سعودی اتحاد دا نوں الزام

وچار ڈیسک
October 28th, 2017

کیونجے قطر سعودی ایجنڈے تے نہیں چلدا اتے وکھرا پیر پاندا ہے تاں مارے پاکستان، امریکہ تے مڈل ایسٹ وچ قطر خلاف اک وڈی لابی کم کر رہی ہے۔جس پک نال سی آئی اے دے پردھان قطر تے الزام لایا ہے اوس توں ایہہ جاپدا ہے پئی کسے زمانے وچ ایہہ دونوں رلویں پراجیکٹ کریندے ہون گے ہورے۔لگدا ہے کردستان دے مہرے پاروں امریکہ تے سعودی عرب نے عراق نوں توڑ لتا ہے اتے شام دے مسلے نوں حل ہوندا ویکھ کے ہن اوہ مڑ قطر دے مگر پئے گئے نیں۔قطر نوں قطر توں باہر ذلیل کرنا ایس پراجیکٹ دی ہک ہشیار پالیسی ہے جس دی بدبو پاکستان وچ وی نظر آندی ہے۔پاکستان وچ سی پیک پراجیکٹاں اتے ایل این جی خلاف جو کم پائے جارہے نیں انہاں وچ چین تے قطر مخالف لابیاں دا ہتھ ہے۔ہن تساں خبر پڑھو
عرب میڈیا نے قطر تے الزام لایا ہے کہ اوہ شام تے عراق دے نال نال داعش دے شدت پسنداں نوں جنوبی لیبیا گھلن وچ سہولت کار دا کردار ادا کررہیا ہے۔ قطر دے خلاف لگن والے الزاماں دا ایہہ نواں سلسلہ ہے۔ ایہہ الزام اتحاد وچ شامل جن ملکاں لایا ہے انہاں وچ سعودی عرب مصر بحرین تے متحدہ عرب امارات رلتی نیں ۔ دہشت گرداں دی حمایتاں دے الزام تے جون وچ اتحاد نے قطر دے خلاف پابندیاں لائیاں سن۔ ایہہ الزام لگن دے بعد لیبیا دے کجھ ہمسایاں دے قطر دے نال تعلقات وچ وگاڑ آیا۔ اگست دے آخر وچ چاڈنے نجامنا وچ قطر دا سفارت خانہ بند کردے ہوئے قطر تے چاڈ جھیل دے نشیبی علاقے تے ساحل دے ملکاں وچ وگاڑ پیدا کرن دا الزام لایا سی۔ چاڈ دے وزیر خارجہ ابراہیم حسین طاحہ نے انہاں دی حکومت دے مخالفاں دی حمایت دا الزام لاندے ہوئے آکھیا کہ دوحہ نے قطر تے لیبیا وچ چاڈ دے مخالف گروہاں دی سرپرستی جاری رکھی ہے۔ ایس مہینے دے شروع وچ لیبیا دی قومی فوج دے ترجمان نے جس دی کمان جنرل خلیفہ ہفتار کردے نیں عرب میڈیا نوں دسیا کہ داعش دے دہشت گرداں لئی قطر دی حمایتاں خاص طور تے رقماں دینیاں ہلے بند نہیں ہوئیاں۔ انہاں نے قطر تے الزام لایا کہ اوہ لیبیا دے عوام دے خلاف دوجے جرائم وچ ملوث ہے جیہناں وچ شام تے عراق توں داعش دے شدت پسنداں نوں سوڈان تے فیر لیبیا گھلیا جاندا ہے۔ امریکہ دے اک سابق وزیر دفاع تے سی آئی اے دے سربراہ لیون پنٹیا نے وی ایس ہفتے آکھیا ہے کہ قطر دی ایہہ تاریخ رہی ہے کہ اوہ دہشت گردی دی حمایت کردا آیا ہے۔ بقول انہاں دے صاف الفاظ وچ قطر دا رلیا ملیا ریکارڈ رہیا ہے۔ سانوں پتہ ہے کہ اوہ حمایت کردے رہے نیں جس وچ رقماں دینیاں وی رلتی ہے۔قطر والے اخوان المسلون نوں رقماں دیندے سن تے دہشت گردی دے حوالے نال حماس، القاعدہ تے طالبان ورگیاں دی وہ قطر مدد کردا رہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels