Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> شام دے مستقبل وچ اسد دا کوئی کردار نہیں: ٹلرسن۔فیر اوہی نڈی رونا

شام دے مستقبل وچ اسد دا کوئی کردار نہیں: ٹلرسن۔فیر اوہی نڈی رونا

وچار ڈیسک
October 27th, 2017

روس، چین، ایران، ترکی، قطر تے یورپی یونین والے ایہہ نہیں آکھ رہے جو امریکہ آکھ رہیا ہے۔صدام تے قذافی نوں ہٹا کے کیہہ رزلٹ نکلیا جس وچ برطانیہ ،فرانس تے امریکہ ورگے ملک رلتی سن۔
امریکی وزیر خارجہ ریکس ٹلرسن نے آکھیا ہے کہ شام دے صدر بشارالاسد تے انہاں دے اہل خانہ دا ملک دے مستقبل وچ کوئی کردار نہیں ہے۔ اپنے موجودہ دورے دی آخری منزل جنیوا وچ ٹلر سن نے اخباری نمائندیاں نوں دسیا کہ امریکہ متحدہ شام دے حق وچ ہے پر مستقبل وچشامی سرکار دے موجودہ پردھان اتے حافظ السد دے پتر بشارالاسد دا کوئی کردار نہیں ہو سی۔ بقول انہاں دے اسد خاندان دی حکمرانی مکن والی ہے۔ صرف اک ہی معاملہ باقی ہے کہ ایہہ مرحلہ کس طراں آندا ہے۔ ٹلرسن نے ایہہ بیان اقوام متحدہ دے ایلچی برائے شام استفان ڈی مستورا توں گل بات بعدوں دتا۔ حالیہ دناں دے دوران روسی حمایت یافتہ فوجاں دی مدد نال لڑائی دے میدان وچ ہون والی برتری نوں مد نظر رکھدے ہوئے، مستورا آئندہ کجھ ہفتیاں وچ اقوام متحدہ دی سرپرستی وچ امن گل بات لئی اکٹھ کرن والے نیں۔ ٹلرسن دے کثیر ملکی دورے دے اختتام تے اوہ جنیوا پہنچے نیں جس دوران پیر نوں انہاں نے بغیر اعلانیہ عراق تے افغانستان دا دورہ کیتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels