Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> آسٹریلیا :دہری شہریتاں پاروں نائب وزیرِاعظم سنے پنج ممبر اسمبلی نااہل۔سرکار ٹٹ جا سی؟

آسٹریلیا :دہری شہریتاں پاروں نائب وزیرِاعظم سنے پنج ممبر اسمبلی نااہل۔سرکار ٹٹ جا سی؟

وچار ڈیسک
October 27th, 2017

عدالت دا کہنا ہے کہ ایس سال جولائی وچ ہون والیاں چوناں وچ چار دوجے اسمبلی ممبر اتے نائب وزیراعظم چوناں لڑ ہی نہیں سکدے سن پر ہورے انہاں آپدی دہری شہریتاں لکائیاں ہوئیاں سن۔ آسٹریلیا دے آئین پاروں دہری شہریتاں والے چوناں نہیں لڑ سکدے۔پاکستان سنے بہوں ملکاں وچ ایہو قنون ہے پر پاکستان وچ کجھ پارٹیاں ایس نوں ہورے کس ایجنڈے پاروں بدلوانا چاہندیاں نیں۔ بارنبی تھامس جوئس دے کول آسٹریلیا تے نیوزی لینڈ دی سانجھی شہریتاں سن، جداں اوہ چوناں لڑ رہے سن۔انہاں اگست دے مہینے وچ  نیوزی لینڈ دی شہریت چھڈ دتی سی جیہڑی انہاں نوں آپدے پیو پاروں ملی سی۔پر عدالت آکھیا ہے کیونجے چوناں لڑن ویلے اوہ ڈبل شہری سن تاں مارے انہاں دی چوناں مڑ ہون گیاں۔ انہاں دے جان توں حکومت نوں حاصل اک نشست دی برتری مک گئی ہے اتے حکومت ٹٹ سکدی ہے۔بار نبی ہوراں دسمبر وچ ضمنی چوناں لڑن دا اعلان کر دتا ہے۔دہری شہریتاں والے مسلے تے اسمبلیاں دے ست ممبر اں تے عدالت کیس چلایا جنہاں وچ چھ سینیٹر وی سن۔انہاں وچوں پنج نا اہل ہو گئے تے دو ہورے پہلے ہی اسمبلی چھڈ گئے سن۔کیونجے ایہہ مودمہ بغیر کسی تعصباں دے چلیا اتے نا اہلی وچ اپوزیشن والے وی رگڑے گئے تاں مارے عدالت نوں کسے نے وی نہیں رگیدیا۔بار نبی ہوراں فیصلے دے بعد آکھیا میں عدالت دے فیصلے دا احترام کردا ہاں۔ اسی اک شاندار جمہوریت وچ رہندے ہاں جتھے سانوں آزادیاں توں لطف اندوز ہون لئی بعض پاندیاں دا وی سامنا کرنا پینداہے۔ میں عدالت دا شکریہ ادا کردا ہاں پئی انہاں ایس مسلہ بارے جھات ماری۔اوہ اک ایسی سیاسی جماعت دے لیڈر نیں جیہڑی اج کل حکومتی اتحاد وچ نیں۔اوہ اپنے اونترے خیلاں پاروں مشہور نیں۔دہری شہریتاں دے پاکستانی حمائیتیاں لئی ایہہ چنگی خبر نہیں کہ دنیا دہری شہریتاں نوں اسمبلی ممبراں لئی پسند نہیں کردی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels