Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سابق امریکی صدر کارٹر دی شمالی کوریا جان دی پیشکش۔ٹرمپ سوچی پئے گیا

سابق امریکی صدر کارٹر دی شمالی کوریا جان دی پیشکش۔ٹرمپ سوچی پئے گیا

وچار ڈیسک
October 24th, 2017

امریکہ دے سابق صدر جمی کارٹر نے آکھیا ہے کہ اوہ کشیدگی نوں گھٹ کرن لئی ٹرمپ انتظامیہ ولوں شمالی کوریا جان تے تیار نیں۔ ایہہ گل سابق صدر نے امریکہ دے پردھان اخبار نیویارک ٹائمز نال اک انٹرویو وچ آکھی۔ اتوار نوں نیویارک ٹائمز دی ویب سائٹ تے شائع ہون والے انٹرویو دے مطابق جداں 93 سالہ کارٹر توں ایہہ پچھیا گیا کہ کیہ ایہہ شمالی کوریا دے نال اک ہور سفارتی کوشش دا وقت نہیں ہے تے کیہ اوہ صدر ٹرمپ ولوں اینج کرسکدے نیں ؟ انہاں نے آکھیا جی ہاں میں شمالی کوریاں جان لئی تیار ہاں۔ کارٹر جیہناں دا تعلق ڈیموکریٹک جماعت توں ہے اتے اوہ 1977 توں 1981 تک امریکہ دے صدر رہے۔ انہاں نے آکھیا کہ ٹرمپ دے سلامتی دے مشیر لفٹیننٹ جنرل ایچ آر میک ماسٹر نال انہاں دی گل کیتی ہے پر ہن تک کوئی انہاں نوں مثبت جواب نہیں ملیا۔ نیویارک ٹائمز نے کارٹر دے حوالے توں دسیا کہ میں انہاں (ٹرمپ انتظامیہ) نوں دسیا ہے کہ انہاں نوں ضرورت ہوئے گی تے میں حاضر ہاں۔ جداں انہاں نوں ایہہ دسیا گیا کہ واشگٹن وچ بعض حلقیاں نوں ٹرمپ تے شمالی کوریا دے رہنما دے درمیان لفظی جنگ تے تشویش ہے تے کارٹر نے آکھیا میرے لئی وی ایہہ صورت حال پریشان کن ہے۔ کارٹر نے آکھیا کہ اوہ اپنے اقتدار نوں بچانا چاہندے نیں تے اسی سمجھے ہاں کہ شمالی کوریا تے چین دا بہت زیادہ اثرو رسوخ ہے۔ انہاں نے مزید آکھیا کہ میں نہیں سمجھیا کہ اوہ کدی چین گئے نیں، انہاں دے نال کوئی تعلقات نہیں نیں۔ کم جونگ ال گئے سن تے اوہ انہاں دے بہوں نیڑے سن۔ کارٹر نے انٹرویو وچ شمالی کوریاں دے رہنما نوں اینج دا شخص قرار دتا جس دے بارے وچ کوئی پیش گوئی نہیں کیتی جاسکدی ہے تے کارٹر نوں ایس گل تے تشویش ہے کہ جے کم نے ایہہ سوچ لتا کہ ٹرمپ انہاں دے خلاف کوئی اقدام کرسکدے نیں تے اوہ ایس دی پیش بندی وچ کجھ وی کرسکدے نیں۔ کارٹر نے آکھیا کہ میں سمجھدا ہاں کہ ہن انہاں دے کول جدید جوہری ہتھیار نیں جو جزیرہ نما کوریا تے جاپان تے بحرالکاہل وچ ساڈے دور افتادہ علاقیاں حتیٰ کہ ساڈی سرزمین نوں تباہ کرسکدے نیں۔ نیویارک ٹائمز نے اپنی رپورٹ وچ آکھیا ہے کہ کارٹر نے 1990 دی دہائی وچ صدر بل کلنٹن دے اعتراض دے باوجود پیانگ یانگ دا دورہ کیتا سی تے جس دے بعد موجودہ رہنما دے دے دا دے نال اک سمجھوتہ طے پا گیا سی جس دی وجہ توں جوہری بحران دا خطرہ ٹل گیا۔ اسی وجہ توں 1994 وچ اک متفقہ فریم ورک وی طے پایا جس دے تحت شمالی کوریا نے مدد دے بدلے وچ اپنے جوہری پروگرام نوں ختم کرن تے اتفاق کیتا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels