Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> عراق وچ لڑن والے ایرانی ہن گھر جان۔ٹیلر سن، امریکی خارجہ وزیر

عراق وچ لڑن والے ایرانی ہن گھر جان۔ٹیلر سن، امریکی خارجہ وزیر

وچار ڈیسک
October 23rd, 2017

سعودی عرب دے مرکزی شہر ریاض وچ اج امریکی خارجہ وزیر عراق تے سعودی عرب دے سانجھے اجلاس وچ رلت کیتی اتے بعدوں ہک پریس کانفرنس وچ گل بات کیتی۔ انہاں آکھیا پئی ویلہ اپڑ گیا ہے کہ عراق وچ ات گرداں خلاف لڑن لئی آون والے ایرانی ہن واپس آپدے ملک ٹر جاون۔چیتے رہے پئی ایہہ ایرانی2014توں آیت اللہ سیستانی ہوراں دے آکھن اتے عراقی سرکار دی مرضیاں نال دولت اسلامیہ نال لڑن لئی عراق آئے سن۔انہاں ایرانیاں نوں عراقی سرکار رقماں وی دیندی ہے۔ انہاں وچ ایرانیاں دی گنتری وادھو ہے پر دوجے ملکاں توں آئے لوک وی رلتی نیں۔پاپولر موبلائزیشن یونٹ آکھوان والے انہاں جنگجواں دا گنتری ،ایران دی حامی نیوزویب سائٹ مڈل ایسٹرن آئی پاروں اک لکھ تے 20ہزار ہے۔ٹیلرسن دا ایہہ دورہ ایران نوں اکلا کرن دی کوششاں دا لشکارا ہے اتے عراقی عزیراعظم وی ایس اکٹھ نوں سپورٹ کر دتا ہے۔ایہہ الزام وی دہرایا گیا ہے پئی عراق وچ لڑن والے ایرانی گروپ فرقہ وارانہ کماں وچ وی رجھے ہوئے نیں۔پہلے انہاں نوں صدام حسین خلاف ورتیا گیا اتے ہن انہاں نوں فرقہ پرست آکھیا جا رہیا ہے۔جے ایہہ بیان ٹیلرسن دی تھاں عراقی وزیراعظم دیندا تے گل ہور سی پر ٹیلرسن دے بیان توں گل ہور ہو گئی ہے۔ ہورے ایہو ٹرمپ ایجنڈا ہوئے۔ہن ایہو ٹیلرسن ہوری کل قطر اتے پرسوں پاکستان آ رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels