Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت:پجاریاں نال ویاہ کرو اتے ترے لکھ سرکار دے سی۔کانی ونڈ

بھارت:پجاریاں نال ویاہ کرو اتے ترے لکھ سرکار دے سی۔کانی ونڈ

وچار ڈیسک
October 22nd, 2017

مدد کرن دے وی کوئی اصول ہوندے نیں؟ جداں پاکستان وچ خیبر پی کے دی سرکار اک مخصوص مدرسے نوں کڑوڑاں روپیئے دتے سن تے ایہو سوال اٹھایا گیا سی۔ جے مدد غریباں دی کرنی ہے تے سارے غریباں دی کرو، جے رقم دھرمی سکولاں نوں دینی ہے تے ساریاں دھرماں تے مسلکاں والیاں نوں دیو۔کانی ونڈ شکوک ودھاندی ہے ۔ ہن خبر پڑھو
ایہہ اعلان تلگانہ برہمن فلاح و بہبود کونسل ولوں کیتا گیا ہے۔ اعلان بعدوں معاشرے دے مختلف حصیاں چوں ردعمل سامنے آیا ہے۔ اپنے ایس فیصلے دی حمایت وچ جتھے بندی تلنگانہ برہمن کلیان دا کہنا ہے کہ پجاریاں دے ویاہ نہیں ہو رہے۔ اسی لئی انہاں نوں مالی مددد دین دا اعلان کیتا گیا ہے۔ برہمن پریشد یعنی کونسل دے صدر کیوی رمن چاری دا کہنا ہے کہ جداں تک پجاری موجود نیں ایس وقت تک مندر تے ایس دا نظام جاری رہے گا تے ایس فیصلے توں سب نوں فیدہ ہے۔ مہا برہمن سنگھم دے سیکرٹری اودھانولا نرسمہا شرما کہندے نیں کہ غریب برہمناں دی مدد تے انہاں دی فلاح دے نال (ہندو) رہتل نوں فروغ دین لئی ایس قسم دے فیصلے لوڑی دے نیں۔ چیتے رہے کہ تلنگانہ حکومت نے 2016 دے اپنے بجٹ وچ برہمناں دی فلاح و بہبود لئی 100 کڑوڑ روپے متھے سن۔ بعض پجاری غریب ہوسکدے نیں تاہم ایس فیصلے تے سماج دے بعض حلقیاں ولوں تنقید اں ہورہیاں نیں۔ سماجی ترقی کونسل دی ڈائریکٹر کلپنا کننابھرن دے مطابق ایس طراں دے فیصلے آئینی اصول توں ہم آہنگ نہیں نیں تے (برہمن) کونسل اپنے فیصلے نوں لُکان لئی انتظامیہ دی ہدایت دی آڑ لے رہی ہے۔ کسی دی شادی ریاست دی ذمہ واری کس طراں ہوسکدی ہے؟ جے کسی دا ویاہ نہیں ہو رہیاتاں کیہ ایہہ حکومت دا مسئلہ ہے؟ انہاں نے آکھیا کہ ایس قسم دی مالی مدد توں اک ہی گروہ دے مفاد پورے ہوندے نظر آرہے نیں۔ انہاں نے سوال کیتا آئین دے مطابق معاشرے دے پسماندہ گروہاں لئی تعلیم تے روزگار دے موقعے پیدا کرن لئی فیصلے کرنے لوڑی دے نیں نہ کہکسے ہک گروہ لئی۔ کیہ بغیر پیساں دے ویاہ نہیں کرائے جاسکدے؟ کلپنا نے ایس فیصلے نوں تنقید اں دا نشانہ بناندے ہوئے آکھیا کہ ایس طراں دے منصوبے ڈھیندے ہوئے سماجی رسم و رواج دا بوتھا نیں اتے اجہی مدد نال سماج وچ ذات پات نوں مضبوط کردے نیں۔ ایس معاملے تے ہائی کورٹ دی اک وکیل رچنا ریڈی نے آکھیا ایہہ منصوبہ ہندو میرج لاء دی خلاف ورزی ہے۔ سماجی کارکن دیوی کہندی ہے کہ ایس منصوبے توں اینج لگدا ہے کہ پجاریاں نوں جہیز دتا جارہیا ہے۔
 News published in BBC


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels