Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹرمپو دی اوکڑاں: امریکی قوم پرستی ونڈاں ول۔اوبامہ تے بش

ٹرمپو دی اوکڑاں: امریکی قوم پرستی ونڈاں ول۔اوبامہ تے بش

وچار ڈیسک
October 22nd, 2017

ٹرمپ، مودی، بریگسٹ ، عمران خان اتے یورپی نسلی قوم پرستاں کنج آپدے آپدے ملکاں دی اوکڑاں نوں ودھا رہے نیں اوس دا پرچھاواں تساں بش، اوبامہ دی گلاں توں لا سکدے ہو۔پارسائی دے دعویداراں توں رب سب نوں بچائے کہ ایہہ ونڈاں نوں ودھاندے نیں۔ تساں آپ خبر پڑھو
نیویارک وچ اپنے خطاب وچ جارج ڈبلیوبش نے آکھیا ہے کہ ساڈی عام زندگی وچ دھونس تے تعصب قومی رویے دی صورت اختیار کرگیا ہے ہے جو بے رحمی تے منافقت دی راہ ہموار کردا ہے تے ساڈے بچیاں دی اخلاقی پرورش تے اثر انداز ہوندا ہے۔ شہری اقدار دی پاسداری دا اک ہی اصول ہوندا ہے۔ اوہ ایہہ کہ مثال پیش کیتی جائے۔ انہاں نے ایہہ گل آزادی فری مارکیٹ تے سکیورٹی دے موضوع تے بش انسٹی ٹیوٹ دے قومی فورم نال خطاب کردے ہوئے آکھی۔ بش نے معاشرے نوں ونڈن دی سیاسی روش بارے افسوس دا اظہار کردے ہوئے آکھیا ہے کہ کدی اینج لگدا ہے کہ سانوں ونڈن والی طاقتاں سانوں رلاون والی قوتاں توں ڈھیر تگڑیاں نیں۔ اسی دیکھدے ہاں کہ بیزاری دے عالم وچ ساڈے مکالمے نوں مسترد کرن دی روش چل پئی ہے۔ دلیل بہت تیزی نال دشمنی دا روپ دھار لتا ہے۔ نااتفاقی بدکلامی وچ بدل گئی ہے اتے منافقت زور پھڑن لگی ہے۔ اینج لگدا ہے کہ ساڈی سیاست سازشی گمان نوں وزنی بناندی ہے جو شکوک دی نذر ہوکے اک سفید جھوٹ والی کہانی بن جاندی ہے۔ دوجے پاسے اک ہور سابقہ امریکی صدر براک اوبامہ نے وی کجھ انہاں خیالات دا اظہار کیتا۔ موقع سی ورجینیا دے گورنر دے امیدوار، لیفٹنینٹ گورنر، رالف نور تھام دی انتخابی ریلی ۔ اوہناں نے آکھیا کہ برعکس ایس گل دے کہ ساڈی سیاست ساڈے اقدار دا مظہر بنے اسی مختلف برادریاں تے اپنی سیاست تھوپ رہے ہاں۔ انہاں لوکاں دا مذاق اڑایا جاندا ہے جو اختلاف رائے رکھدے نیں۔ ماضی دے سربراواں چوں کسی نے وی امریکی صدر ڈونالڈ ٹرمپ دا ناں نہیں لتا پر انہاں دی گلاں دا اشارہ انہاں ول ہی سی۔ نیویارک وچ بش نے آکھیا کہ بطور اک ملک ساڈی شناخت ہے جو جغرافیہ ، نسل ،زمین یا رنگ دی وجہ توں طے نہیں ہوندی۔ ایس دا مطلب ایہہ ہویا کہ ہر نسل، مذہب، قومیت توں تعلق رکھن والے مکمل تے مساوی طور تے امریکی نیں۔ ایس دا مطلب ہویا کہ ہٹ دھرمی تے سفید فارم برتری، کسی وی شکل وچ امریکی شناختاں نال کھیڈن والی حرکت ہے۔ انہاں نے آکھیا کہ اکثر اسی دوجیاں نوں بدترین مثالاں دی بنیاد تے پرکھدے ہاں۔ جداں کہ اپنے آپ نوں پارسائی والے جذبات نال ویکھدے ہاں۔ سانوں چاہیدا ہے کہ دوجے شخص نوں خدا دے پرتو دے طور تے ویکھئے۔ اوبامہ ہوراں نے ورجینیا ریلی نوں دسیا کہ جے لوکاں نوں ونڈکے تساں انتخابی مہم جت لیندے ہو تے تسی ایس طراں حکمرانی نہیں کرسکدے۔ بعد وچ تسی انہاں نوں اکٹھا نہیں رکھ پاؤ گے۔ اسی ایس وقت ہی چنگے ہاں جداں اسی اک دوجے نوں نیواں نہیں وکھاندے سگوں سب نوں نال لے کے چلدے ہاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels