Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سوشلزم دا چینی ماڈل:کیمونسٹ پارٹی مذہبی انتہا پسندیاں،علیحدگی پسندیاں اتے ات گردیاں خلاف

سوشلزم دا چینی ماڈل:کیمونسٹ پارٹی مذہبی انتہا پسندیاں،علیحدگی پسندیاں اتے ات گردیاں خلاف

وچار ڈیسک
October 19th, 2017

سرمایہ داری نوں ورتدے ہوئے سوشلزم لئی رستہ کڈہن دا ول اوسے چینی کیمونسٹ پارٹی نے کڈہیا ہے جس پچھلی صدی دے پہلے ادھ وچ مارکسٹ ریت توں ہٹ کے مزدوراں دی تھاں کساناں نوں آپدے انقلاب دا وڈا دھرا بنایا سی۔پر ساڈے ایتھے اجہی بدعتاں دا گھاٹا کہ اساں دلتاں، مصلیاں، شودراں دے حقاں نوں ایتھے دے انقلاب دا وڈا اتے وچلا دھرا بناون دی تھاں زیادہ تر مزدوراں اتے کتھے کتھے کساناں راہیں انقلاب دا رستہ کڈہدے رہے۔بدعتے چینی کیمونسٹاں1980دے دہاکے وچ اک ہور بدعت کیتی اتے اج دا چین اوسے بدعت دا لشکارا ہے۔چینی کیمونسٹ پارٹی دے پردھان دی تقریر وی چھاپاں گے پر ایتھے تساں پارٹی کانگرس بارے خبر پڑھو۔
چین دی کمیونسٹ پارٹی دی سب توں وڈی سیاسی تقریب بیجنگ وچ شروع ہوگئی جے۔ ایس پروگرام وچ پارٹی رہنماواں توں اڈ 2,000 توں وادھو چینی کیمونسٹ تقریراں کرن گے۔ بند دروازیاں وچ ہون والی ایہہ پارٹی کانگرس کیمونسٹ ریت پاروں ہر پنج سال بعد ہوندی ہے۔ایہہ چینی کیمونسٹ پارٹی دی 19 ویں کانگرس ہے۔کانگرس وچ ایہہ متھیا جاندا ہے پئی کمیونسٹ پارٹی دا گلا پردھان تے دوجے لیڈر کون ہو سن اتے اگلے پنج سالاں دے ٹیچے کیہہ ہو سن۔صدر شی جن پنگ 2012 وچ پارٹی دے پردھان چنے گئے سن۔انہاں بارے امید کیتی جارہی ہے کہ اوہی پارٹی سربراہ رہن گے۔ کانگرس اگلے پنج سالاں لئی ملک دے روڈ میپ دے بارے وچ فیصلے کرے گی اتے اگلے ہفتے تک چلے گی۔ کانگرس مکن ویلے پارٹی آپدے فیصلہ ساز ادارے پولٹ بیوروراہیں روڈ میپ دا اعلان کرے گی۔ چین دے صدر شی جن پنگ نے اج گل بات کردے ہوئے اپنے دور حکومت وچ حاصل ہون والی کامیابیاں بارے دسیا اتے آکھیا کہ چین سوشلزم دے نال اک نویں دور وچ داخل ہویا ہے۔ انہاں نے پارٹی ممبراں نوں آکھیا کہ اساں ہمیش لوکاں دی بہتر زندگی بارے کم کیتا۔ اساڈا ٹیچا 2050 ہے اتے سارے منصوبے پارٹی دے متھے ایس ٹیچے نال اگے ودھ رہے نیں۔چینی کیمونسٹ پارٹی مذہبی انتہا پسندیاں،علیحدگی پسندیاں اتے ات گردیاں خلاف جے۔کانگرس کیونجے اگلے لیڈراں نوں چننا ہے تاں مارے انہاں پارٹی ورکراں نوں کرپشن خلاف چوکنا رہن دا آکھیا اتے ایہہ وی آکھیا پئی اجہے لیڈر چنو جیہڑے پارٹی لئی شرمندگیاں دا بوتھا نہ بنن۔
انہاں دا کہنا سی کہ چین دنیا لئی اپنے دروازے بند نہیں کرے گا۔چینیاں ایہہ سبق روسی ماڈل والے آئرن کرٹن توں سکھ چکیا ہے۔انہاں ایس نوںChinese Way of Socialism یعنی سوشلزم دا چینی رستہ آکھدے ہوئے دنیا بھر دے کیمونسٹاں نوں ایہہ سنہیا دتا پئی اوہ آپدی آپدی زمینی حقیقتاں نوں چیتے رکھن اتے بدعت یعنی Inovationنوں نہ بھلن۔پر ہورے اساں تے تقلیدی اتے منقولی لوک ہاں۔
مغربی عالمی میڈیا تے کدوں دا سوشلزم تے کیمونزم نوں بغیر فاتحہ پڑھے دفنا چکیا ہے پر چینی کیمونسٹ پارٹی دے پردھان انہاں نوں گوچیا سبق فیر یاد کروایا ہے پئی دنیا وچ اجہے بندے موجود نیں جیہڑے اج وی سرمایہ داریاں نوں انساناں دا ہمیش لئی مقدر منن نوں تیار نہیں۔
Photos of the CPC National Congress
http://www.chinadaily.com.cn/china/19thcpcnationalcongress/2017-10/18/content_33407847.htm
Proceedings of 19th session
http://www.chinadaily.com.cn/china/2017-10/19/content_33428169.htm


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels