Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> افغانستان:چار فریقی گل بات۔ٹرمپ مڑ اوبامہ لائن تے؟ چین مخالف فیر پریشان

افغانستان:چار فریقی گل بات۔ٹرمپ مڑ اوبامہ لائن تے؟ چین مخالف فیر پریشان

October 16th, 2017

اہم گل ایہہ نہیں کہ لمیرے چر بعدوں گل بات مڑ شروع ہو رہی ہے سگوں وچلی گل ہور ہے اتے اوہ ہے چین دا افغانستان وچ کردار۔ سابقہ امریکی صدر اوبامہ ہوری تے ایس کردار نوں منیندے سن پر ٹرمپ دے آون توں بعدوں چین مخالف بیانیے پاروں چین دی ایس آفر نوں لفٹ نہیں کروائی گئی کہ اوہ پاکستان تے افغانستان وچ مسلے حل کروا سکدا ہے۔چیتے رہے پئی ایہہ چار فریقی نیٹ ورک جنوری2016 وچ بنایا گیا سی اتے ایس دا ناں کیو سی جی لکھیا گیا۔ایس گروپ دا وڈا ٹیچا ایہہ سی پئی پاکستان اتے چین آپدا آپدا اثر ورت کے طالبان نوں گل بات لئی اک میز تے امریکہ تے افغانستان نال بٹھاون۔جے ایہہ کم نہ ہوسکے تے چاروں رل مل کے طالبان نوں مکاون۔چین مخالف لابی افغانستان وچ امن پاروں چین دے کردار نوں قبولن لئی تیار نہیں سی۔ایس لابی دے ہرکارے انہاں چاراں ملکاں ہی وچ وادھو نہیں سگوں دلی تے لندن وچ وی تگڑے۔مئی2016 تیک ایس فورم نے پنج اکٹھ کر لتے اتے چاروں ملک ایس گل تے تیار سن پئی امن اتے سیاسی حل نوں پورا چانس دتا جائے۔اپریل وچ افغانستان خوفناک دھماکیاں پاروں لرز اٹھیا سی اتے64 بندے مرے سن تے ساڈھے ترے سو زخمی ہوئے سن۔ایہہ حملہ ایس گل بات تے سی ۔ ایس دے باوجود ایس فورم آپدا پنجواں اکٹھ اسلام آباد وچ مئی دے شروع وچ کیتا جس وچ امریکہ ولوں پاکستان تے افغانستان وچ خصوصی بلارے رچرڈ جی اولسون،افغانستان لئی خصوصی چینی بلارے ڈینگ Xijun. اتے پاکستان تے افغانستان دے بلارے رلتی سن۔ایہہ اکٹھ اٹھارہ مئی نوں ہویا اتے29 مئی نوں بلوچستان نیڑے پاکستان تے افغانستان دی سرحدی تھاں تے طالبان لیڈر ملا منصور ہوری اک ڈرون حملے وچ مار دتے گئے۔اوس دن توں بعدوں چار فریقی فورم مڑ نہ مل سکیا۔ایہہ چین مخالف لابی دی ہی نہیں سگوں امن مخالف لابی دی وی جت سی۔ہن ڈیڑھ سال بعدوں ایس فورم دا چھواں اکٹھ عمان دے شہر مسقط وچ ہو رہیا ہے۔جون توں دسمبر2016 تیک امریکی چوناں پاروں اکٹھ نہ ہو سکیا اتے ٹرمپ ہوری وی دس مہینے ہور کماں وچ گنوا چھڈے۔نویں افغان پالیسی دین توں بعدوں ایس فورم دے اکٹھ نوں مڑ چالو کرنا اک قدم پچھے ہٹن نال جڑیا ہے۔پر وڈی گل ایہہ ہے پئی خطہ وچ امن لئی چین دے کردار نوں من لتا گیا ہے۔پاکستان وچ جیہڑی سیاستاں پچھلے ست مہینیاں وچ ہوئیاں اوس پاروں چین مخالف لابی خش ہے پر ہن ایس چار فریقی گل بات پاروں اوہ فیر پریشان ہو جان گے۔جنج غیر ملکیاں دی بازیابیاں بعدوں ٹرمپ ہوری دہرے بیان دتے اوس دا کوئی چنگا اثر نہیں ہویا۔اجہے رویے دا زیادہ فیدہ چین مخالفاں نوں ہی ہوئے گا۔
reference news more
1-https://www.urduvoa.com/a/qcg-meeting-to-be-held-in-muscat-on-monday-15oct2017/4071070.html
2-https://www.voanews.com/a/afghan-talks/3179577.html
3-https://tribune.com.pk/story/1105906/afghan-peace-talks-quadrilateral-group-agrees-to-give-peace-a-chance/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels