Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سابق برطانوی وزیراعظم کیمرون امریکی کمپنی وچ نوکر ہو گئے۔سالگرہ دا تحفہ؟

سابق برطانوی وزیراعظم کیمرون امریکی کمپنی وچ نوکر ہو گئے۔سالگرہ دا تحفہ؟

October 13th, 2017

سوال ایہہ نہیں پئی انہاں نوں کڈی موٹی تنخواہ ملے گی؟ سوال تے ایہہ ہے پئی سب توں پہلے برطانیہ دا نعرہ لاون والی قدامت پرست پارٹی دا وزیراعظم چند ٹکیاں لئی کنج چھال مار کے دوجے بنے ہو گیا۔لیبر پارٹی دے جیرمی کوربن نوں تے اوہ سیاست لئی ان فٹ آکھدے سن پر آپ چھال لاندے ہوئے بھل گئے پئی قدامت پرستاں بارے لوک کیہہ آکھن گے؟ویسے اجہے بندے ساڈے ایتھے وی نیں جیہڑے حب الوطنی دے سرٹیفکیٹ ونڈدے رہے، اہم ترین عہدیاں تے رہے پر فیر اڈاری مارکے سمندر پار اڈ گئے۔
گیارہ سال برطانیہ دی قدامت پرست پارٹی دے پردھان، پنج سال برطانوی پارلیمنٹ وچ لیڈرآف دی اپوزیشن اتے چھ سال برطانیہ دے وزیراعظم رہن والے کیمرون ہوراں کیوں امریکی قبولی، ایہہ سوال دا جواب انہاں توں منگیا جا رہیا ہے۔قوم نوں بریگسٹ وچ دھکیل کے آپ امریکیاں نال جا کھلوتے۔ہورے انہاں اپنے آپ نوں اپنی51ویں سالگرہ تے آپ تحفہ دتا ہے؟ جس امریکی کمپنی وچ کیمرون ملازم ہوئے نیں اوہ سلانہ بارہ کھرب دا کاروبار کردی ہے۔اے ٹی ایم مشیناں اتے ڈیبٹ تے کریڈٹ کارڈ اں نال لین دین کرن والی ایس کمپنی وچ رلن ویلے انہاں آکھیا پئی میں ہی برطانیہ وچ پلاسٹک منی یا فن(فنانشل) ٹیکنالوجی لے کے آیا سی جداں میں وزیراعظم ساں۔
برطانیہ دے سابق وزیراعظم ڈیوڈ کیمرون نے آن لائن ادائیگی توں متعلق اک وڈی امریکی کمپنی دے نال معاہدہ کرلتا۔ میڈیا رپورٹس دے مطابق امریکی کمپنی ڈیٹا فرسٹ کارپوریشن دی ٹیم وچ رلن توں بعدوں کیمرون پورے مہینے وچ صرف دو توں تِن روز کم کرن گے جس دے دوران اوہ کمپنی نوں مشورے دین گے۔ پچھلے سال ستمبر وچ وزیراعظم دا دفتر تے برطانوی پارلیمنٹ دی رکنیت چھڈن دے بعد ایہہ کیمرون دی پہلی ملازمت ہوئے گی۔
news
1- https://www.theguardian.com/politics/2017/oct/09/david-cameron-takes-job-with-us-electronic-payments-firm-first-data
2- http://www.telegraph.co.uk/news/politics/labour/11858320/David-Cameron-Jeremy-Corbyn-is-unfit-to-lead-the-Labour-Party.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels