Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت: فصلاں تے کیڑے مار دوائی 20 کسان مار دتے

بھارت: فصلاں تے کیڑے مار دوائی 20 کسان مار دتے

وچار ڈیسک
October 11th, 2017

خبرچی ایجنسی نے بھارتی میڈیا دے حوالے نال دسیا ہے کہ فصلاں تے کیڑے مار دوائی دے چھڑکاؤ دے دوران ساہ دے ذریعے دوائی پھیپھڑیاں وچ جان توں 20 کسان مارے گئے ا تے سینکڑاں زخمی ہوگئے نیں۔ اطلاعات دے مطابق کساناں دی ہلاکت دے واقعات بھارت دی مغربی ریاست مہاراشٹرا وچ مختلف اوقات وچ پیش آئے جو کہ زراعت دے حوالے توں اہم ترین ریاست ہے۔ ہیلتھ ماہرین دا آکھنا ہے پئی کساناں دی ہلاکت دی وجہ حفاظتی اقدامات نہ چکنا تے کیڑے مار دوائیاں دے اسپرے دے دوران معیاری ماسک دا استعمال نہ کرنا ہے۔ کساناں دی مدد لئی قائم کیتی جان والی حکومتی ٹاسک فورس دے ترجمان کشور تیواری دا کہنا ہے کہ اگست توں ہن تک 20 کسان ہلاک ہوچکے نیں جداں کہ سینکڑاں زخمی نیں جیہناں وچ 50 دی حالتاں بھیڑیاں نیں تے انہاں دی اکھاں نوں نقصان پہنچیا ہے۔ کساناں دے حقاں لئی کم کرن والے رضا کاراں دا کہنا ہے کہ کیڑے مار دوائیاں دے حوالے نال غریب کساناں نوں انہاں دی حفاظت لئی سامان فراہم نہ کیتے جان دی وجہ توں ہلاکتاں ہورہیاں نیں۔ کشور تیواری دا کہنا ہے کہ متاثرہ کساناں دے حوالے توں پتہ لگیا کہ جداں اوہ کھیتاں وچ اسپرے کررہے سن تے نہ ہی انہاں نے جوتیاں پائیاں سن تے نہ ہی دستانے اتے نہ ہی ماسک لایا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels