Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سعودی اوکڑاں وادھو۔اقوام متحدہ دی یمن بارے رپورٹ منن توں انکار۔سعودی اتحاد بلیک لسٹ

سعودی اوکڑاں وادھو۔اقوام متحدہ دی یمن بارے رپورٹ منن توں انکار۔سعودی اتحاد بلیک لسٹ

وچار ڈیسک
October 7th, 2017

اقوام متحدہ دی یمن بارے رپورٹ گمراہیاں والی ہے۔اساں ایس رپورٹ نوں نہیں منیندے۔ایہہ گلاں اقوام متحدہ وچ کم کردے سعودی سفیر عبداللہ ہوراں نوں آکھنیاں پیاں کیونجے آپدی تازی رپورٹ وچ اقوام متحدہ سعودی اتحاد نوں بلیک لسٹ کر دتا ہے۔رپورٹ وچ سعودی اتحاد دے نال نال حوثی قبیلے ولوں کیتیاں جان والی انانی حقاں دی خلاف ورزیاں بارے وی گل کیتی گئی ہے پر سعودی حکومت نوں رپورٹ بعدوں آپدی ڈگدی عزت بچانا اوکھا لگدا ہے۔سعودی پادشاہ کدی روس نوں رام کرن لئی ماسکو جا کے اسلحہ خرید رہے نیں تے کدی برطانیہ تے امریکہ نال اسلحہ دے سودے کر رہے نیں۔سعودی عرب دا سافٹ امیج وکھاون دا پراجیکٹ وی چل رہیا ہے پر یمن وچ مردے بچیاں دی ہک فوٹو سارا امیج برباد کر دیندی ہے۔ورلڈ ہیلتھ پروگرام والے تیکھپ پا ہی رہے سن پر یو این رپورٹ نے اک لوہار والی دے ماری۔پچھلے سال وی اقوام متحدہ دے سابقہ سیکٹری جنرل بانکی مون سعودی عرب تے تنقیداں کیتیاں سن اتے سعودی اتحاد نوں عارضی طور تے بلیک لسٹ کر دتا سی۔سعودی سفیر آپدے ردعمل وچ آکھیا پئی یمن دی بھیڑی حالتاں دا ذمہ وار ایران ہے۔اقوام متحدہ نے سعودی اتحاد دے نال نال حوثی قبیلے نوں وی بلیک لسٹ کیتا سی پر سعودی سفیر دے ردعمل نال لگدا ہے پئی شاہی خاندان دی اوکڑاں ودھ رہیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels