Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سعودی بادشاہ دی روس اگے حاضریاں:کویلے دی ٹکراں؟

سعودی بادشاہ دی روس اگے حاضریاں:کویلے دی ٹکراں؟

وچار ڈیسک
October 5th, 2017

سعودی عرب دے پادشاہ شاہ سلمان روس دے دورے تے ماسکو اپڑے نیں کہ ایہہ تگڑی ہوندی شامی سرکار دی جت ہے؟روس کردستان دی آڑاں وچ کھیڈے جاون والے ڈرامے دا مخالف،قطری تے یمنی جھیڑیاں وچ سعودی مداخلتاں دا ناقد،ایران، ترکی تے قطر نال رل کے شامی سرکار دا مدد گار تے فیر سعودی شاہ ہوری ماسکو کیہہ لین گئے نیں؟ ایس سوال دا جواب سعودی عرب دے خفیہ ادارے دے سابقہ آگو ترکی الفیصل نے روسی میڈیا سپوتنک نوں اک تازے انٹرویو وچ دتا ہے۔انہاں دا آکھنا ہے پئی روس ہن ایران، ترکی، شام، سعودی عرب تے امریکہ نوں اک ٹیبل تے بٹھائے۔ جداں روس دو سال پہلے ایہہ آکھیا سی اوس ویلے سعودی عرب کیوں تیار نہیں سی؟ ایس دا جواب ہشیار ترکی الفیصل کول وی نہیں۔ہن جداں روسی مدد نال بہوں ساری جنگ مک رہی ہے اتے شامی سرکار دا کنٹرول ودھ گیا ہے تاں سعودی عرب پرانی پالیسی بدلن تے مجبور ہو چکیا ہے۔کیہہ ایہہ سعودی امریکی اتحاد وچ ایہہ پہلی دراڑ ہے؟طالبان دی سرکار نوں منن(1990دے دہاکے توں) توں لے کے آستانہ پراسس(2016) تیک سعودی عرب اتے پاکستان جنج دی پالیسیاں تے چلدے رہے نیں اوس نال بربادیاں ودھیاں اتے جے اوہ اج انہاں کوڑ پالیسیاں نوں آپدی آپدی قوم اگے وہ من لین تاں دوجے ملکاں اگے حاضریاں دا کجھ فیدہ ہو سکدا ہے۔ورنہ انہاں دے اجہے دوریاں نوں کویلے دی ٹکراں ہی آکھیا تے سمجھیا جائے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels