Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایران مخالفتاں:افغان بچیاں نوں ایرانی سرکار شام گھلدی ہے۔:ہیومن ائٹس واچ ۔وائس آف امریکہ دی تشہیراں

ایران مخالفتاں:افغان بچیاں نوں ایرانی سرکار شام گھلدی ہے۔:ہیومن ائٹس واچ ۔وائس آف امریکہ دی تشہیراں

وچار ڈیسک
October 3rd, 2017

افغان جہاد کنج ساڈی تھاواں نوں برباد کیتا اوس وچ امریکہ، برطانیہ تے مغربی یورپی ملکاں دا حصہ وڈا۔مہاجرین دا عالمی ادارہ یو این ایچ سی آر ارباں ڈالر افغان مہاجراں دے ناں توں ونڈ چکیا ہے پر اج 38سال بعدوں سانوں پتہ چلدا ہے پئی انہاں دی تے کوئی پکی رجسٹریشن وی نہیں۔ ایران تے پاکستان دی ریاستاں دے گھاٹے ہون گے پر عالمی ادارے وی جے کسے ہور ایجنڈیاں تے چلدے رہے تے ایس بارے کون گل کرے گا؟ مہاجراں نوں ریاستی تے غیر ریاستی جتھے بندیاں ورتدیاں نیں پر جے عالمی اداریاں انہاں دی پہلے دن توں پکی رجسٹریشناں نوں ٹیچا بنایا ہوندا تاں اجہے مسلیاں توں بچیا جا سکدا سی۔ایہہ عالمی ادارے وطنی ریاستاں دی لڑائیاں وچ حصہ دار نہ بنن اتے عالمی میڈیا وی اجہی سیاستاں توں وکھرا نظر آئے تاں گل اگے ودھ سکدی ہے۔پر ایہہ ہوندا نہیں جس دی ہک مثال وائس آف امریکہ دی ایہہ ہشیار خبر ہے جس دی ٹائمنگ اپنی تھاں اہمیتاں رکھدی ہے۔ ہن تساں ہشیار خبر آپ پڑھو جیہڑی تازی ایران مخالف ٹرمپی مہماں دا پاٹ جاپدی ہے۔

وائس آف امریکہ: عالمی حقاں دے ہک راکھے الزام لایا ہے کہ ایران افغان مہاجراں دے 14 سال توں گھٹ عمر بچیاں نوں بھرتی کرکے شام وچ سرکاری فوجاں دے نال لڑن لئی گھل رہیا ہے۔ ایہہ گل جنگی جرائم دے زمرے وچ آندی ہے۔ اتوار دے روز شائع ہون والی اک تفصیلی رپورٹ وچ نیویارک وچ قائم ہیومین رائٹس واچ نے دسیا ہے کہ ادارے نال تعلق رکھن والے کھوجیاں ایرانی قبرستاناں وچ قبراں تے لگے ہوئے کتبیاں دی تصویراں دا جائزہ لتا ہے جیہناں وچ اٹھ قبراں افغان بچیاں دیاں نیں۔ ہورے ایہہ شام وچ لڑدے ہوئے پورے ہوئے سن۔ رپورٹ وچ ایران دے اسلامی پاسدارانِ انقلاب دستے تے الزام لایا گیا ہے کہ اوہ خاص طور تے شیعہ ہزارہ افغاناں نوں بھرتی کرکے انہاں نوں فوجی تربیتاں دینداہے جو اپنے ملک توں مہاجر ہو کے ایران آباد ہوئے سن۔ ہیومن رائٹس واچ نے دسیا ہے کہ فاطمی ڈویژن وچ 14 سال دی عمر تک دے نوجوان افغان بچے لڑچکے نیں جو خصوصی طور تے اک افغان مسلح جتھہ ہے جس دی ایران حمایت کردا ہے اتے ایہہ شام دی لڑائی وچ سرکاری فوجاں دے نال لڑرہیا ہے۔ عالمی قنون پاروں 15 سال توں گھٹ عمر دے بچیاں نوں بھرتی کرنا ، لڑائیاں تے جنگاں وچ جھونکنا، جنگی جرم شمار ہوندا ہے۔ انسانی حقاں دی صورت حال تے نظر داری رکھن والے ادارے نے توجہ دوائی ہے کہ ایرانی میڈیا وچ چھپن والی رپورٹاں توں وی ایس دی تصدیقاں ہوندیاں نیں۔ گھٹ و گھٹ کجھ کیس سامنے آئے نیں جیہناں توں بھرتی کیتے گئے گھٹ عمر افغان فوجی شام وچ ہلاک ہون دا ثبوت ملدا ہے۔ ادارے دی مشرق وسطیٰ دی سربراہ سارہ لیہ وٹسن نے ایران توں مطالبہ کیتا ہے کہ اوہ گھٹ عمر فوجی بھرتی کرن توں فوری طور تے باز آئے تے جیہناں افغان بچیاں نوں شام روانہ کیتا گیا ہے انہاں نوں واپس بلایا جائے۔افغانستان وچ اک لمیرے چر توں جاری لڑائی پاروں لکھاں شہری مہاجراں وانگ ہمسایہ ایران تے پاکستان وسدے نیں۔ایرانی حکام دے مطابق ملک وچ 25 لکھ دے لگ بھگ افغان مہاجر موجود نیں جیہناں وچ بہوں ساریان کول سفری دستاویزاں وی نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels