Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ترک باشندیاں دی گمشدگیاں:گولن دے سجن یا کجھ ہور۔داخلہ وزیر جواب دین۔مسلہ تکنیکی یا سفارتی؟

ترک باشندیاں دی گمشدگیاں:گولن دے سجن یا کجھ ہور۔داخلہ وزیر جواب دین۔مسلہ تکنیکی یا سفارتی؟

وچار ڈیسک
October 1st, 2017

اک خبر ایہہ آئی پئی انہاں دا ویزہ مک چکیا سی پر ایہہ مڑ ترکی جان لئی تیار نہیں سن؟انہاں دے بارے دتی ایس خبر توں جاپدا ہے پئی انہاں دا فتح اللہ گولن نال سانگا سی۔بی بی سی تے خبر نوں مڑوڑنا ہی ہے تاں اوس اندر دی گل گول کرنی سی۔جے سرکار پاکستان چپ رہے گی تاں لوک ایس ہشیار خبر نوں سچ من لین گے۔مسلہ تکنیکی ہے یا سفارتی، سرکار نوں ایس بارے ابہام نہیں رکھنا چاہیدا۔
پاکستان دے صوبہ پنجاب دے شہر لہور توں ہورے اغوا ہون والے اک ترک خاندان دا تاحال کوئی سراغ نہیں مل پایا ہے تے ایس واقعے توں خوفزدہ ہون والے انہاں دے دوجے ساتھی ترک باشندیاں نے پاکستانی حکومت تے عوام توں مدد دی اپیل کیتی ہے۔ گھٹ عمر بچیاں دے ہمراہ ترک مرد تے عورتاں نے جمعہ دے روز لہور پریس کلب وچ میڈیا دے سامنے منگل دی رات اغوا ہون والے کچماز خاندان دی گمشدگی دے خلاف احتجاج کیتا۔ بی بی سی دے نامہ نگار عمر دراز ننگیانہ دے مطابق پاک ترک سکول دے کجھ سابق پاکستانی اساتذہ تے طالب علم وی انہاں دے ہمراہ سن۔ خیال رہے کہ منگل دی رات پاک تر سکولاں دے سابق ڈائریکٹر مسعود کچمار نوں انہاں دی اہلیہ تے دو کم سن دھیاں سمیت مبینہ طور تے واپڈا ٹاؤن دے علاقے وچ انہاں دے گھر توں زبردستی منہ تے کپڑے لپیٹ کے اغوا کرلتا گیا سی۔ واقعے دے عینی شاہد تے مسعود کچماز دے ہمسایہ فاتح نے بی بی سی نوں دسیا سی کہ مسعود تے انہاں دے خاندان نوں سادہ لباس وچ ملبوس دس مرد تے پنج عورتاں نے انہاں دے کرایے دے مکان توں چکیا سی تے کسی نامعلوم مقام تے منتقل کردتا سی۔ احتجاج کرن والیاں وچ مسعود کچماز دی اک دھی دی سکول دی ہم جماعت نِبل نوین توسن نے اردو زبان وچ اپنی دوست تے انہاں دے خاندان والیاں دی بازیابی لئی اپیل کیتی۔ مِس مسعود تے ایہہ سمجھدی سی جس طراں پاکستان انہاں اپنا ملک ہے تے تسی لوک انہاں نوں چُک کے گئے، ایہہ ناانصافی ہے۔ انہاں دا مخاطب کون سی ایہہ شاید انہاں نوں وی نہیں پتہ۔ تاہم احتجاجی پوسٹر تھامے دوجے بچیاں تے عورتاں وچ گھری نِبل نے آبدیدہ آواز وچ پاکستان دے عوام تے حکومت نوں مخاطب ہوکے مدد دی اپیل کیتی۔ جے انہاں نوں ایس وقت ترکی گھل دتا گیا تے انہاں نال کیہ ہوئے گا ایہہ سوچ کے مینوں خوف آندا ہے۔ اوتھے دیاں تے جیلاں وی بہت سخت نیں۔ اردوہی وچ اپنے بیان نوں جاری رکھدے ہوئے انہاں دا کہنا سی کہ انہاں نوں اپنے ملک ترکی دے بارے وچ تے نہیں پتہ کہ اوہ کیسا ہوئے گا یا اوتھے دے لوک کیسے نیں کیونکہ انہاں دی زیادہ عمر پاکستان وچ گزری ہے۔ تاہم پاکستان دے لوکاں دے بارے وچ اوہ جاندی ہے کہ اوہ چنگے لوک نیں۔ کچماز خاندان دے دوجے دوستاں نے وی ملے جلے الفاظ وچ تے جذبات دے نال انہاں دی خیریت دے حوالے توں خدشات دا اظہار کیتا تے حکومت پاکستان توں اپیل کیتی کہ انہاں نوں ترکی نہ گھلیا جائے۔ تاہم نال ہی احتجاج کرن والے ترک باشندیاں دے الفاظ وچ ان کہے اوہ خدشات سن جیہناں دا اظہار مسعود کچماز دے اک دیرینہ دوست تے سابقہ پڑوسی سعد اللہ بیاضیت نے بی بی سی نال گل کردے ہوئے کیتا۔ کیہ پتہ اگلی واری کس دی ہوئے گی؟ ہوسکدا ہے جبری گمشدگی دا کوئی سلسلہ ہوئے جس دا آغاز مسعود کچماز دے خاندان توں ہویا ہوئے؟ انہاں دا کہنا سی کہ اوہ مسعود کچماز نوں پچھلے کئی سالاں توں جاندے سن۔ اوہ محض اک استاد تے معلم سن جو پاکستان وچ تعلیم لئی کم کررہے سن۔ انہاں دے حوالے توں ایہہ تاثر دینا غلط ہے کہ اوہ گلان تحریک دے حوالے توں پاکستان وچ کم کررہے سن۔ انہاں نے کدی وی غیر قنونی کم نہیں کیتا۔ ایس دے باوجود پچھلے کجھ مہینیاں وچ پاکستان دی ایجنسیاں دے اہلکار متعدد بار انہاں توں پچھ گچھ کرچکے سن جس تے کدی کدار اوہ کوفت دا اظہار وی کردے سن۔ تاہم انہاں دے خلاف غیر قنونی کم وچ ملوث ہون دے کوئی شواہد نہیں ملے۔ یاد رہے کہ ترکی وچ پچھلے سال ہون والی ناکام فوجی بغاوت دے بعد ترکی دی درخاست تے پاکستان وچ قائم پاک ترک سکولاں نوں نومبر وچ بند کردتا گیا سی جداں کہ اوتھے کم کرن والے ترک باشندیاں دے ویزے منسوخ کرکے انہاں نوں ملک چھڈن نوں آکھیا گیا سی۔ ترکی وچ صدر طیب اردگان دی حکومت ناکام فوجی بغاوت دا ذمہ دار فتح گولن نوں قرار دیندی ہے۔ تاہم مسعود کچماز تے انہاں دے کئی ساتھیاں نے اقوام متحدہ دے ادارہ برائے پناہ گزین یعنی یو این ایچ سی آر توں پاکستان وچ پناہ حاصل کرن دا سرٹیفیکیٹ تجدیدرواں سال نومبر وچ ہونا سی۔ سعد الہہ بیاضیت دا کہنا سی کہ اوہ پچھلے 20 سال توں پاکستان وچ رہائش پذیر نیں۔ کدی انہاں نوں سکیورٹی دا کوئی مسئلہ نہیں ہویا۔ 20 سال وچ پہلی وار پاکستان وچ خود نوں غیر محفوظ محسوس کررہیا ہاں۔ انہاں دا کہنا سی کہ کچماز خاندان دے نال جو ہویا انہاں نوں ڈر ہے کہ انہاں نال یا انہاں دے باقی ساتھیاں دے نال وی ہوسکدا ہے۔ انہاں نوں ترکی گھلن دا مطلب ہے کہ انہاں نوں جیل گھلیا جارہیا ہے۔ ساڈے جو ساتھی ایس توں پہلے ترقی گئے انہاں دے نال کیہ ہویا؟ اوہ سیدھے جیل وچ گھل دتے گئے۔ انہاں دا کہنا سی کہ اوہ تے انہاں دے ساتھی علاقے دی پلس دے کول وی گئے پر اوتھے انہاں دی شنوائی نہیں ہوئی۔ تاہم وکیل عاصمہ جہانگیر دے ذریعے ترک اساتذہ نے لاہور اساتذہ نے لاہور ہائی کورٹ وچ درخاست دے رکھی ہے جس دے جواب وچ عدالت نے حکومت نوں 6 نوممبر تک کچماز خاندان دے حوالے توں معلومات مہیا کرن تے انہاں نوں ملک بدر نہ کرن دی ہدایت کررکھی ہے۔ پاکستان وچ 1995 وچ پاک ترک فاؤنڈیشن دے تحت بنن والے پاک ترک سکول تے کالجز دے 28 کیمپس نیں تے تقریباً 11 ہزار بچے ایتھے زیر تعلیم نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels