Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ہشیار ریفرنڈم:کردستان، بلوچستان ، امریکہ ،اسرائیل تے ساڈی خموشیاں۔ترکی توں سکھو

ہشیار ریفرنڈم:کردستان، بلوچستان ، امریکہ ،اسرائیل تے ساڈی خموشیاں۔ترکی توں سکھو

September 29th, 2017

پاکستان وچ کجھ پردھاناں دی امریکی، سعودی اتحاد وچ رہن دی خاہشاں پاکستان نوں نویں مسلے پا رہی جے۔کرد ریفرنڈم توں بعدوں پاک ایران باڈر دی اہمیتاں وادھو کہ سانوں کسے وی نویں پنگے توں بچنا لوڑی دا ہے۔اج کل ٹرمپ ہوراں دا کرداں نال پیار وادھو پئی نرے اک مسلہ نوں چکن نال شام، ترکی، ایران، عراق اتے پاکستان تیک سب تنگ ہون گے تے امریکہ نوں’’ رحم‘‘ دی درخاستاں کرن گے۔
کرد صلاح الدین ایوبی نوں اپنا پیو آکھدے نیں اتے اسرائیل صلاح الدین ایوبی نوں اپنا ویری آکھدا ہے۔ پر اج صلاح الدین دی اولاد اسرائیل نال رل کے آزادی دی ایس کوڑ مہم دا حصہ۔سوال تے ایہہ ہے پئی اسلامی امہ دے پاکستانی ٹھیکدار کیوں خموش نیں؟کیہہ اوہ خطے وچ انتشاری سیاستاں دی چپ رہ کے حمائیتاں کر رہے نیں؟

ریاست پاکستان در وٹے بیٹھی ہے کہ جے کردستان وچ بلوچستان دا ناں آیا فیر بولاں گے، پر جے ناں آگیا تے فیر دیر ہو چکی ہوئے گی۔
سوال نرا ایہہ نہیں پئی بلوچاں نوں کردستان وچ رلتی کیتا جاندا ہے یا نہیں سگوں وڈا مسلہ ایہہ وی ہے پئی مڈل ایسٹ وچ چار مسلمان ملکاں نوں ڈسٹرب کرن دی ایس کھیڈ تے پاکستان کیوں چپ ہے؟ ایس اگ دا سیک پاکستان تیک اپڑے گا۔جے پاکستان ، ایران تے عراق اک صفحے تے نہیں ہون گے تاں کھیڈ بہوں وگڑ سکدا ہے۔کیہہ ایہہ سعودی امریکی اتحاد وچ رہن دی مجبوریاں نیں؟ساڈا ہشیار تے باخبر میڈیا وی چپ ہے۔پاکستانی مذہبی جماعتاں کیوں خموش نیں ایہہ وی سمجھ آندا ہے۔ترکی دے پردھان طیب اْردگان آکھیا ہے پئی اسرائیل دے جھنڈیاں تلے چلن والی کردستان دی مہماں دا ٹارگٹ خطہ وچ انتشاری سیاستاں نوں ودھاناں ہے۔ایہہ جعلی ریفرنڈم ایس کوڑ پالیسی دا بوتھا ہے۔
جے امریکہ نوں کرداں نال پیار ہوندا تے اوہ روس، چین نال رل کے شام، عراق، ترکی تے ایران نوں اک ٹیبل تے بٹھا کے حل ول ودھدا۔ پر اوہ اتے سعودی عرب قطر پراجیکٹ فیل ہون بعدوں ہشیار ریفرنڈم ول ودھے نیں۔
اسرائیل کیوں خش ہے اتے انہاں دے اخبار کیوں کردستان دی حمائیتاں کر رہے نیں۔اپنی19 ستمبر دی اخبار وچ ٹائمز آف اسرائیل نے اسرائیلی وزیراعظم نیتن یاہو دا کردستان دے حق وچ بیان وی چھاپیا ہے جس دا لنک تھلے دے رہے ہاں۔فلسظینیاں نوں مارن والا کردستان دا ضمائیتی کیوں؟ کیونجے ایہہ مسلہ انتشاری سیاستاں نوں ودھائے گا اتے کرداں نوں تے کجھ ملے گا نہیں سگوں اسروئیل دے ویریاں نوں اوکڑاں آون گیاں۔ایس مسلے تے اسرائیل تے سعودی عرب اک صفحہ تے نیں۔بلوچاں دا مسلہ پچھلے دناں ایویں عالمی پدر تے نہیں مڑ چالو ہویا کہ بلوچ آپ نوں کرد ہی آکھدے نیں۔ایران نال اک صفحہ اتے سعودی امریکی اتحاد دی ہشیار کرد پالیسی توں پچھے ہٹے بغیر ایہو سمجھیا جا سی پئی پاکستان، اسرائیل وانگ ایس انتشاری پالیسی دے حق وچ ہے۔

Israel became the first, and so far only, country to openly voice support for “the legitimate efforts of the Kurdish people to attain a state of its own,” as Prime Minister Benjamin Netanyahu said last week,

https://www.timesofisrael.com/israel-sees-benefits-in-an-independent-kurdistan/



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels