Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت دا پاکستانی بچی نوں میڈیکل ویزہ دین دا علان:خزاں وچ بہار

بھارت دا پاکستانی بچی نوں میڈیکل ویزہ دین دا علان:خزاں وچ بہار

وچار ڈیسک
September 28th, 2017

بھارت دی وزیر خارجہ سشما سوراج نے دل دے عارضے وچ مبتلا اک پاکستانی بچی نوں بھارت دا ویزہ جاری کرن دا اعلان کیتا ہے۔ ست سالہ ماہا شعیب دی والدہ نے ٹوئٹر دے ذریعے بھارتی وزیر خارجہ نال ایس ماملے وچ تعاون دی درخاست کیتی سی۔ انہاں دے ٹوئٹ دے جواب وچ بدھ دی صبح سشما سوراج نے اک ٹوئٹ وچ بچی دی والدہ ندا شعیب نوں مخاطب کردے ہوئے آکھیا کہ انہاں نوں بھارت دا ویزہ جاری کیتا جارہیا ہے۔ اپنی ٹوئٹ وچ بھارتی وزیر خارجہ نے بچی لئی نیک تمنا دا اظہار کیتا سی۔ ماہا شعیب دے دل دا آپریشن ہونا ہے جس لئی ایس دے والدین نے پچھلے مہینے بھارتی ویزے لئی درخاست دتی سی۔ پاکستان تے بھارت دے سانگے پچھلے اک سال توں بہوں وگڑے ہوئے نیں۔ ایس صورتحال وچ بماریاں پاروں سستی تے بہتر سہولتاں لئی بھارت جان دے خاہش مند پاکستانیاں نوں اوکڑاں دا سامنا ہے۔ جولائی وچ سشما سوراج نے آکھیا سی کہ علاج لئی بھارت آن دے خاہش مند پاکستانیاں نوں ایس وقت دے پاکستانی مشیرِ خارجہ سرتاج عزیز نال خصوصی خط درکار ہوئے گا جس دا حصول بداتِ خود اک مشکل مرحلہ سی۔ پچھلے مہینے بھارت دے یوم آزادی دے موقع تے بھارتی وزیر خارجہ نے اعلان کیتا سی کہ انہاں دا ملک اجہے سارے پاکستانیاں نوں میڈیکل پاروں ویزے جاری کردے گا جیہناں نے درخاستاں جمع کرا رکھیاں نیں۔ پچھلے مہینے دے آخر وچ ہی اک نومولود پاکستانی بچے روحان نوں وی دل دی تکلیف دے علاج لئی بھارتی ویزہ جاری کیتا گیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels