Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹوئٹ دی حد 280 اکھر تک ودھان تے غور۔فیس بک دا کوئی جوڑ نہیں

ٹوئٹ دی حد 280 اکھر تک ودھان تے غور۔فیس بک دا کوئی جوڑ نہیں

وچار ڈیسک
September 27th, 2017

ٹوئیٹر تے فیس بک دا تے کوئی مقابلہ نہیں کہ ٹوئیٹر ہن 32کروڑ28لکھ دے ایکٹو ممبراں تیک اپڑی ہے جداں کہ ایس سال فیس بک دے ایکٹوممبر دو ارب نیں۔ہورے تاں مارے ہی ٹوئیٹر والے نویں نویں تجربے پئے کردے نیں۔سوشل میڈیا دی ایہہ دونوں کھیڈاں نویاں نیں پئی فیس بک 2004 اتے ٹوئیٹر2006 توں شروع ہوئیاں اتے چل رہیاں نیں۔
سماجی رابطیاں دی ویب سائٹ ٹوئٹردی اک ٹوئٹ دے اکھراں دی متھی گنتری 140 توں ودھا کے 280 کرن دا تجربہ کررہی ہے۔ کمپنی دے مطابق 280 اکھراں تیک ٹوئٹ کرن دا آپشن تجرباتی طور تے کجھ صارفاں دے اکاؤنٹس نوں دتا گیا ہے جیہناں دے فیڈ بیک دی روشنی وچ اکھراں دی گنتری مستقل ودھان تے غور کیتا جائے گا۔ ٹوئٹ دے حروف دی گنتری وچ اضافے دا علان ٹوئٹر انتظامیہ نے منگل نوں کیتا سی۔ بیان دے مطابق تجربات نال ایہہ گل بات سامنے آندی ہے کہ جے لوکاں تے 140 حروف وچ اپنی گل کہن دی پابندی ہٹادتی جائے تے زیادہ لوکاں نوں ٹوئٹ کرن تے لایاجاسکدا ہے۔ ٹوئٹر دے مطابق 280 حروف دی ایہہ تجرباتی حد انگریزی دے علاوہ دوجی زباناں وچ ٹوئٹ کرن والے صارفاں نوں وی دتی گئی ہے۔حیران نہ ہونا پئی ایہہ سہولت فی الحال جاپانی، کورین تے چینی زباناں وچ نہیں ہوئے گی۔ ٹوئٹر انتظامیہ دا مننا سی پئی انہاں تِن زباناں دے اکھر اں وچ ایڈا پھیلاؤ جے کہ دوجی زباناں دے مقابلے وچ انہاں زباناں دے اک اکھر وچ دگنا مفہوم ادا کیتا جاسکدا ہے ۔تاں مارے فی الحال انہاں زباناں وچ ٹوئٹ دی متھی 140 حروف دی حد ودھان دا تجربہ نہیں کیتا جارہیا۔ یاراں سالہ پہلے وجود وچ آن والی مائیکرو بلاگنگ سائٹ ،ٹوئٹر وچ پہلے دن توں اک ٹوئٹ دی حد 140 حروف متھی گئی سی۔ کمپنی دے مطابق 140 حروف دی حد ایس لئی متھی گئی سی تانجے لوک آسانی نال اپنے موبائل فون دے میسج دے ذریعے ٹوئٹ پوسٹ کرسکن۔چیتے رہے کہ موبائل فون دا اک مسیج 140 اکھراں دا ہی ہوندا سی۔ پرسمارٹ فوناں دے آون توں بعدوں ایہہ حد مک گئی سی اتے ہن ٹوئیٹر وی ایس دے مگر مگر جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels