Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایران دے بیلسٹک میزائل تجربے تے مغرب دا شدید ردعمل۔وائس آف امریکہ دی ہشیار خبر

ایران دے بیلسٹک میزائل تجربے تے مغرب دا شدید ردعمل۔وائس آف امریکہ دی ہشیار خبر

وچار ڈیسک
September 25th, 2017

میزائل تجربے دی تفصیلاں کسے نوں نہیں پتہ پر ٹرمپ ہوراں ردعمل دے دتا۔ایران نوں شمالی کوریا نال جوڑن والے ٹرمپ ایہہ بھل چکے نیں پئی ایران نال امریکہ سنے چھ ملکاں اک معاہدہ کیتا ہویا ہے۔امریکہ توں اڈ ایس جوہری معاہدے دے ضمانتیاں وچ فرانس،برطانیہ، جرمنی، روس اتے چین رلتی نیں۔امریکہ دا صدر تے پہلاں ہی ایس معاہدے نوں کور آکھ چکیا ہے ات باقی پنج ملکاں وچوں نرے فرانس نے ایران نوں رگیدیا ہے۔باقی چار ملکاں تے بیان وی نہیں دتا پر وائس آف امریکہ دی ہشیار خبر پاروں ایہہ تاثر دتا گیا ہے پئی ہورے سارا مغرب ہی ایران خلاف ہے۔ہن تساں آپ خبر پڑھو
،
ایران ولوں درمیانے فاصلے تک مار کرن والے بیلسٹک میزائل دے کامیاب تجربے دے اعلان تے مغربی راہنماواں نے شدید ردعمل دا اظہار کیتا ہے۔ امریکہ دے صدر ڈونلڈ ٹرمپ نے ہفتہ نوں اپنی اک ٹوئٹ وچ آکھیا کہ ایران نے ہلے بیلسٹک میزائل دا تجربہ کیتاہے جیہڑا اسرائیل تک پہنچن دی صلاحیت رکھدا ہے۔ اوہ شمالی کوریا دے نال وی کم کررہیا ہے۔ ایہہ معاہدے توں مطابقتاں نہیں رکھدا۔ ٹرمپ 2015 وچ ہون والے معاہدے دا حوالہ دے رہے سن جس دے تحت ایران نوں اپنی جوہری سرگرمیاں نوں محدود کرن پاروں اقوام متحدہ لوں لائیاں اقتصادی پابندیاں توں چھٹکارا ملیا سی۔ ایس معاہدے وچ امریکہ سمیت چھ عالمی طاقتاں نے دستخط کیتے سن جیہناں وچ فرانس وی شامل سی۔ فرانس دی وزارت خارجہ نے اک بیان وچ ایران آکھیا کہ ایران خطے وچ انتشار پھیلاون دی ساری سرگرمیاں نوں بند کرے تے قرار داد 2231 وچ شامل ساریاں شقاں دا احترام کرے جوہر کسی دی بیلسٹک سرگرمی نوں ڈکدیاں نیں۔ اسرائیل نے وی ایس میزائل تجربے تے ردعمل دا اظہار کیتا۔ اسرائیلی وزیر دفاع نے ایس تجربے نوں اشتعال انگیزی قرار دیندے ہوئے آکھیا ہے کہ ایس دا نشانہ امریکہ، اسرائیل تے انہاں دے اتحادی نیں۔ انہاں دا کہنا سی کہ ایہہ تجربہ ایران دی عالمی طاقت بنن دی امنگ دا ثبوت ہے اتے ایس پاروں اوہ مشرق وسطیٰ دے ملکاں ا تے دنیا دی جمہوری ریاستاں نوں دھمکا رہیا ہے ۔ ایران دے سرکاری میڈیا نے ہفتہ نوں دسیا سی کہ خرمشہر نامی ایس میزائل دا کامیاب تجربہ کیتا گیا تے ایس دے مناظر وی نشر کیتے گئے۔ پر ایہہ تجربہ کدوں تے کتھے کیتا گیا ایس بارے وچ تفصیلاں پتہ نہیں۔ تہران دے مطابق ایہہ میزائل مختلف نوعیت دے ہتھیار لے جان دی صلاحیت رکھدا ہے تے دو ہزار کلو میٹر تک اپنے ہدف نوں نشانہ بنا سکدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels