Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پاکستان دی انڈیا دا چہرہ وکھان وچ غلطی، تصویر کشمیری نہیں فلسطینی کُڑی دی سی۔بی بی سی

پاکستان دی انڈیا دا چہرہ وکھان وچ غلطی، تصویر کشمیری نہیں فلسطینی کُڑی دی سی۔بی بی سی

وچار ڈیسک
September 25th, 2017

جے فوٹو غلط سی تے کسے دی تے ذمہ واری ہوئے گی۔بھارتی میڈیا ہی نہیں بی بی سی وی ایہو آکھ رہیا ہے۔ جے غلطی ہو گئی سی تے من لتی جاندی تے ایڈا بتنگڑ نہ بن دا۔بھارتی میڈیا نوں ایہہ موقعہ کس دتا؟ہن تساں ایہہ خبر آپ پڑھو۔
اقوام متحدہ دی جنرل اسمبلی وچ پاکستان دی مستقل مندوب ڈاکٹر ملیحہ لودھی نے انڈیا دی وزیر خارجہ سشما سوراج دی تقریر تے سخت ردعمل دیندے ہوئے آکھیا انڈیا نوں دہشت گرد دی پالیسی نوں مکانا ہوئے گا۔ ڈاکٹر ملیحہ لودھی نے انڈیا دے کنٹرول والے کشمیر وچ شہریاں تے پیلٹ گن یعنی چھرے والی بندوق دے استعمال دے حوالے توں اک تصویر وی ودکھائی جس وچ اک کُڑی دا چہرہ زخماں نال چھلنی سی۔ ایہہ تصویر کشمیری کُڑی دی نہیں سی سگوں غزہ وچ اسرائیلی دے فضائی حملے وچ زخمی ہون والی اک فلسطینی کُڑی دی ہے۔ سشما سوارج ولوں پاکستان نوں دہشت گردی برآمد کرن والی فیکٹری کہن تے ملیحہ لودھی نے آکھیا کہ انڈین وزیر خارجہ نے جموں و کشمیر دے بنیادی مسئلے نوں نظر انداز کیتا ہے۔ انہاں نے آکھیا کہ میں تہانوں سب نوں انڈین وزیر خارجہ نوں مدعو کردی ہاں پئی اوہ اقوام متحدہ دے نقشے ویکھن جتھے ریاستی فوج دا قبضہ قنونی ہے۔ انہاں آکھیا کہ انڈیا دے ظالمانہ حکمراناں نے ہزاراں لکھ معصوم کشمیری بچیاں، عورتاں تے مرداں دی زندگی ضائع کردتیاں تے اج وی ایہہ ظالمانہ مہم چل رہی ہے۔ ڈاکٹر ملیحہ نے آکھیا کہخارجہ وزیر دی تقریر وچ گولی مارن تے کشمیری بچیاں نوں پیلٹ بندوق دے نال انّاکرن دے واقعات شامل نہیں۔ ہر روز انہاں عورتاں تے بچیاں نوں آزادی دا مطالبہ سڑک تے لیاندا ہے۔ انڈین وزیر خارجہ دی تقریر دے جواب وچ ملیحہ لودھی نے کشمیری خاتون دا ک تصویر وکھاندے ہوئے آکھیا کہ بھارت دا چہرہ ہے۔ پر جے تسی ایس نوں گوگل امیجز وچ تلاش کرو تے ایہہ پتہ چلدا ہے کہ تصویر کسی کشمیری کڑی دی نہیں ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels