Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سعودی عرب وچ انٹر نیٹ کال تے پابندیاں مک گیاں۔یو اے ای تیار نہیں۔قبضہ سیکورٹی دی آڑ وچ

سعودی عرب وچ انٹر نیٹ کال تے پابندیاں مک گیاں۔یو اے ای تیار نہیں۔قبضہ سیکورٹی دی آڑ وچ

وچار ڈیسک
September 24th, 2017

سیکورٹی دے گھمے نوں لوکائی خلاف ورتن دا کم سعودی عرب، ایران،شمالی کوریا تے متحدہ عرب امارات ورگے ملکاں وچ وادھو پر ڈیجیٹل ورلڈ نوں ایہہ کدوں تیک ڈک سکدے نیں؟اج سعودی عرب پچھے ہٹیا ہے کل باقی وی ہٹن گے۔سعودی عرب دنیا اگے اپنا بوتھا ’’نرم‘‘ وکھانا چاہندا ہے تاں مارے ہن ہشیار پالیسیاں وادھو۔ڈیجیٹل ورلڈ انفرادی آزادیاں دا بوتھا ہے اتے ایس نوں ڈکنا ایڈا سوکھا نہیں رہیا ہن۔جے ایہو کم شمالی کوریا کرے تے عالمی اتے مقامی میڈیا وچ کھپ وادھو اتے جے ایہو کم امریکہ تے مغرب دا کوئی اتحادی کرے تاں در وٹنا لازم۔کدی اسلام تے کدی سیکورٹی دی آڑاں وچ مڈل ایسٹرن ملک انفرادی آزادیاں نوں رگید دے نیں۔ایہہ نکی نکی آزادیاں توں ڈرن والی سرکاراں عالمی پردھاناں نوں سوٹ کردیاں نیں کیونجے انہاں دی بانہواں مڑوڑنیاں سوکھیاں رہندیاں نیں۔تساں ہن خبر پڑھو۔
سعودی عرب نے پچھلے ہفتے توں ملک وچ انٹرنیٹ دے ذریعے فون تے ویڈیو کال کرن توں پابندی چُکن دا اعلان کیتا سی۔ سعودی پریس ایجنسی دے مطابق ایس گل دا علان سعودی عرب دے وزیر برائے مواصلات تے انفارمیشن ٹیکنالوجی عبداللہ السوانے کیتا سی۔ اک ٹویٹ وچ انہاں آکھیا کہ ٹیلی کام دے پارٹنرز اتے صارفاں نوں دی سہولت پاروں انٹرنیٹ دے ذریعے فون تے ویڈیو کال کرن توں پابندی چکن دا فیصلہ کیتا ہے۔ انہاں نے مزید آکھیا کہ اوہ ایپلیکیشنز جو وائس اوور انٹرنیٹ پروٹوکول نوں سپورٹ کردیاں نیں اوہ وی چالو تھی جا سن۔ وزیرانفارمیشن ٹیکنالوجی عبدالسوا نے مزید آکھیا کہ ایہہ فیصلہ ملک دے وژن 2030 نوں مد نظر رکھدے ہوئے کیتا گیا ہے۔ ایس توں پہلے متحدہ عرب امارات لئی واٹس ایپ توں کال کرن دا خواب تقریباً ایس وقت پورا ہویا جداں لوگ ایس دے ذریعے کال کرن وچ کامیاب ہوئے پر انہاں دا سفنہ ایس وقت ترٹ گیا سی جداں متحدہ عرب امارات دی ٹیلی کمیونیکیشن ریگولیٹری اتھارٹی نے ایس دی اجازتاں نہ دتیاں۔ متحدہ عرب امارات وچ وائس اوور انٹرنیٹ پروٹوکول توں پابندی چکن تے بحث اپریل 2016 توں جاری ہے۔ فیڈرل نیشنل کونسل ایس حق وچ ہے کہ انٹرنیٹ دے ذریعے فون تے ویڈیو کال کرن دی اجازت ہونی چاہیدی ہے۔ متحدہ عرب امارات وچ دو ٹیلی کام کمپنیاں نیں تے دونوں ہی نے پچھلے سال سنیپ چیٹ دے ذریعے کال کرن تے وی پابندی عائد کردتی۔ یاد رہے کہ سنیپ چیٹ نے انٹرنیٹ دے ذریعے کال کرن دا فیچر پچھلے سال ،متعارف کرایا سی۔ متحدہ عرب امارات دی ایک تنظیم امارات سیفر انٹرنیٹ سوسائٹی دے چیف ایگزیکٹیو محمد مصطفی دا کہنا ہے کہ اوہ ایس دن دی اڈیک وچ نیں جداں لوگ مفت کال کرسکن گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels