Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سئیکل تے دنیا دے گرد چکر لان دا اونترا رکارڈ۔ وائس آف امریکہ

سئیکل تے دنیا دے گرد چکر لان دا اونترا رکارڈ۔ وائس آف امریکہ

وچار ڈیسک
September 23rd, 2017

اک برطانوی سائیکلسٹ مارک بیوماؤنٹ نے دنیا دے گرد 80 دن وچ سئیکل تے چکر لان دا رکارڈ توڑ دتا ہے۔ ایہہ رکارڈ 1873 وچ فلیز فوگ نے بنایا سی۔ دلچسپ گل ایہہ ہے کہ فلیز فوگ کوئی حقیقی کردار نہیں ہے سگوں اوہ 1873 وچ شائع ہون والے اک کلاسیک ناول جس دا ناں’’ دنیا دے گرد 80 دن وچ چکر‘‘ ہے دا اک افسانوی کردار ہے۔ ایس نے دنیا دا سفر ریل گڈی، بحری کشتی تے غبارے تے سواری دے نال پوراکیتا سی۔ ایس کلاسیک ناول دے خالق نیں جولیس ورن جیہناں دی لکھتاں دی شہرتاں سائنس فکشن پاروں وادھو۔ ایس دور وچ ہوائی جہازاں تے آبدوزوں دا کوئی وجود نہیں سی پر انہاں دے ناولاں دے کردار اجہی ایجاداں تے خود کار مشیناں اپنی کہانیاں وچ ورتدے سن۔ برطانوی سائیکلسٹ مارک بیوماؤنٹ نے جولیس ورن دے افسانوی کردار فلیز فوگ دا دنیا دے گرد 80 دن وچ چکر لان دا چیلنج قبول کردے ہوئے اپنا سفر 79 دن وچ مکمل کیتا۔ مزید ایہہ کہ انہاں نے سفر دا زیادہ تر حصہ اپنی سئیکل تے مکمل کیتا ۔بس اوس سمندر وچ سیئکل نہ واڑی کیونجے سمندری پانی وچ اوہ سائیکل چلا نہیں سکدا سی۔ مارک دی عمر 34 سال ہے اتے اوہ شوقیہ طور تے سئیکل چلاندے نیں۔ اپنی ایس مہم دے دوران انہاں نے 76 دن روزانہ 16 گھنٹے تک سئیکل چلائی۔ مارک کہندے نیں کہ میں صبح ساڑھے تِن وجے اپنا سفر شروع کردا سی تے 16 گھنٹے تک مسلسل سئیکل چلاندا سی۔ انہاں نے 79 دناں وچ 29000 کلومیٹر سفر طے کرکے دنیا دے گرد چکر مکمل کیتا۔ بحراوقیانوس تے بحرالکائل ٹپن لئی انہاں نے اپنی سئیکل سنے ہوائی جہاز وچ سوار کیتا۔ مارک نے میڈیا نوں دسیا کہ ایس پوری مہم دے دوران ہوائی سفر وچ انہاں دے صرف تِن دن لگے جداں کہ باقی ماندہ 76 دن تک انہاں نے مسلسل سئیکل چلائی۔ دنیا دے گرد چکر لانا تے 80 دن دا افسانوی ریکارڈ توڑنا اک ایسا سفنہ سی جو مارک بیوروماؤنٹ نکے ہوندے توں ویکھ رہے سن جداں توں اوس ایس ناول دے وچ پڑھیا تے سنیا سی۔ انہاں نے اپنے سفر دا آغاز 2 جولائی دے دیہاڑ پیرس توں کیتا۔ اوہ یورپ توں ہوندے ہوئے روس وچ داخل ہوئے تے فیر بیجنگ اپڑے۔ بیجنگ توں اوہ طیارے تے سوار ہوئے جتھوں انہاں دی منزل مغربی آسٹریلیا دا شہر پرتھ سی۔ اوتھے انہاں دے سئیکل دا سفر مڑ شروع ہویا تے اوہ نیوزی لینڈ جا اپڑے۔ جتھے خشکی دے اخیری سرے تے پہنچن توں بعد انہاں نے الاسکا تک پرواز کیتی تے امریکہ تے کینیڈا نوں اپنے سئیکل تے پیڈل دے زور نال کراس کیتا تے فیر کینیڈا دے شہر بیل فیکس توں جہاز راہیں لسبن اپڑ گئے۔ مارک کہندے نیں کہ سئیکل تے دنیا دے گرد تیز تر چکر لانا سفنہ سی۔ مارک بیوروماؤنٹ دی ایہہ پہلی مہم نہیں ہے۔ انہاں نے اپنا پہلا عالمی ریکارڈ 2008 وچ قائم کیتا سی جس وچ انہاں نے سئیکل تے دنیا بھردا سفر 195 دناں وچ مکمل کیتا سی۔ پر دو سال پہلے نیوزی لینڈ دے انیڈریو نکولسن نے ایہہ سفر 123 دن وچ مکمل کرکے انہاں دا ریکارڈ توڑ دتا۔ 2012 وچ مارک نے ایک ٹیم دے نال کشتی تے بحراقیانوس نوں عبور کرن دی مہم شروع کیتی۔ پر 27 ویں دن کشتی الٹن تے مہم ڈکنی پئی۔ گینیز بک آف رکارڈ دی اک ٹیم مارک بیوروماؤنٹ دے رکارڈ دی جانچ پڑتال کررہی ہے جس دے بعد انہاں دا ناں عالمی رکارڈ دی کتاب وچ رلتی ہوجاسی۔ مارک کہندے نیں کہ 79 دناں وچ سئیکل تے دنیا دے گرد چکر لان دا نہاں دا رکارڈ ٹٹ جائے گا۔ ایس بارے وچ انہاں دی تودلیل سٹ پاون والی نہیں۔ اوہ کہندے نیں کہ میرا قد 6 فٹ 3 انچ تے وزن 90 کلو ہے۔ کوئی وی ایسا سئیکلسٹ جس دا وزن 75 کلو ہوئے اوہ میرے توں وادھوتیزیاں وکھا سکدا ہے۔ مینوں لگدا ہے کہ اک روز کوئی نہ کوئی ایہہ رکارڈ توڑ دے گا۔ مارک کہندے نیں ریکارڈ ٹٹ جان توں کوئی فرق نہیں پیندا۔ ماؤنٹ ایورسٹ نوں درجناں کوہ پیماواں سر کیتا ہے۔ پر لوکاں نوں صرف ایڈمنڈ ہلری دا ناں یاد ہے جو پہلی وار دنیا دی اوہ سب توں اوچی چوٹی تے اپڑیا سی۔ اوہ کہندے نیں کہ ایڈمیڈ دی طراں انہاں دا ناں وی ہمش زندہ رہ سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels