Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایٹمی جنگ رکوان والا روسی ہیرو پورا ہوگیا۔اک فوجی دا غیر فوجی کم

ایٹمی جنگ رکوان والا روسی ہیرو پورا ہوگیا۔اک فوجی دا غیر فوجی کم

وچار ڈیسک
September 21st, 2017

جے اوہ فوجی طریقے تے عمل کردا تاں گل چوڑ ہو جاندی۔سیٹلائٹ دی غلطی پاروں ایٹمی جنگ ہوسکدی سی پر روسی فوجی غیر فوجی کم کیتا۔اوس دے مرن دی خبر چار مہینے بعدوں لوکاں تیک اپڑی کہ ایہہ پرانی روسی ریت ہے۔سوشلزم مک گیا، سویت یونین ترٹ گیا پر آئرن پردہ اتھے ہی ہے۔ہن تساں بی بی سی دی خبر پڑھو۔
سرد جنگ دے عروج تے اپنی حاضر دماغی پاروں امریکہ تے روس دے درمیان ایٹمی جنگ شروع ہون توں روکن والے سابقہ سویت یونین دے فوجی افسر سٹانسلاو پیٹروف 77 سال دی عمر وچ انتقال کرگئے۔ خبراں دے مطابق سٹانسلا و پیٹروف مئی وچ انتقال کرگئے سن پر ایس گل نوں عوام دے سامنے ہون لیایا گیا ہے۔ سویت یونین دے سٹانسلاو پیٹروف 1983 وچ روس دی اک جوہری تنصیب تے متعین سن جداں اوتھے کمپیوٹر نے الارم تے وارننگ دتی کہ امریکہ نے روس ول میزائل داغے نیں۔ سٹانسلاو پیٹروف نے اندازہ لایا کہ ایہہ الارم غلطی نال وجے نیں تے انہاں نے اپنے حکام تک ایہہ گل نہیں جان دتی۔ سٹانسلاو پیٹروف دا ایہہ عمل سالاں بعد منظر عام تے آیا جس توں ایہہ پتہ چلیا کہ اانہاں دے ایس کم توں اک ایٹمی جنگ چھڑن توں بچ گئی۔ سال 2013 وچ بی بی سی نوں دتے گئے اک انٹرویو وچ سٹانسلاو پیٹروف نے واقعے دی تفصیل دسدے ہوئے آکھیا کہ 26 ستمبر 1983 دی صبح اوی دفتر ی کم کررہے سن۔ جداں انہاں نوں کمپیوٹر توں سگنل ملے جیہناں توں بظاہر ایہہ پتہ لگدا سی کہ امریکہ نے میزائل داغے نیں۔ میرے کول اوہ ساریاں معلومات سن جیہناں دی بنا تے ایہہ ظاہر ہوندا سی کہ میزائل حملہ ہویا ہے۔ جے میں انہاں نوں اپنے حکام تک پہنچا دیندا تے کوئی مینوں کجھ نہیں آکھ سکدا سی۔ مینوں صرف اپنا فون چکن دی دیر سسی تاکہ میں اپنے کمانڈراں نال گل کرسکاں۔ پر میں اپنی تھاں توں ہل نہیں سکیا۔ اپنی فوجی تربیت دے برعکس سٹانسلاو پیٹروف نے اعلیٰ فوجی حکام دے بجائے آرمی ہیڈ کوارٹر وچ ایس وقت موجود ڈیوٹی افسر نوں فون کرکے مطلع کیتا کہ انہاں دے سسٹم وچ کجھ خرابی ہے۔ جے سٹانسلاو پیٹروف غلط ثابت ہوندے تے کجھ منٹاں دے بعد جوہری دھماکے ہوچکے ہوندے۔ فون کرن دے 23 منٹ بعد وی کجھ نہیں ہویا تے میرے اوسان بحال ہوئے۔ جے ایس اثنا وچ کوئی حملہ ہوچکیا ہوندا تے سانوں خبر مل چکی ہوندی۔ بعد وچ ہون والی تفتیش توں پتہ چلیا کہ روسی سیٹیلائٹ نے بدلاں تے منعکس ہوندی ہوئی سورج دی کرناں نوں ایٹمی میزائل سمجھ لتا سی۔ کرنل دے عہدے تے ریٹائرڈ ہون والے سٹانسلاو پیٹروف دی وفات 19 مئی نوں ہوئی پر ایس بارے وچ خبر اتفاقیہ طور تے صرف ستمبر وچ منظر عام تے آئی۔ سٹانسلاو پیٹروف دی کہانی نوں دنیا دے سامنے پیش کرن والے جرمنی دے فلم ساز کارل شوما کرن ایس مہینے دے اوائل وچ سالگرہ دی مبارک باد دین لئی فون کیتا سی تے سٹانسلاو پیٹروف دے پُتر دمتری پیٹروف نے دسیا کہ انہاں دے والد دی وفات ہوچکی ہے۔ کارل شوما کرن ایس خبر دا اعلان سوشل میڈیا تے کیتا جس دے بعد بین الاقوامی میڈیا نے ایس خبر نوں رپورٹ کیتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels