Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چین نال ٹاکرے۔نیپال وچ 50 کڑوڑ ڈالر دی سرمایہ کاریاں، امریکہ نیپال سمجھوتہ

چین نال ٹاکرے۔نیپال وچ 50 کڑوڑ ڈالر دی سرمایہ کاریاں، امریکہ نیپال سمجھوتہ

وچار ڈیسک
September 19th, 2017

کیہہ نیپال وچ سرمایہ کاریاں چین لئی اک نواں امریکی مورچہ لان پاروں ہے؟ چین بھارت جھیڑے وچ ڈوکلام اوہ تھاں جیہڑی بھارتی ریاست سکم دے نیڑے کہ سکم دے اک پاسے چینی علاقہ تبت، کھبے بھوٹان دا ملک اتے سجے نیپال جے۔نیپال دی لمیری سرحد چین نال ملدی ہے۔ افغانستان وانگ نیپال لینڈ لاک وی ہے اتے ایتھے عالمی جتھے بندیاں دی موجودگی وادھو۔کیہہ امریکہ ایس نوں چین دا کیوبا بنانا چاہندا ہے؟ سوال وادھو پر ایجنڈا ہولے ہولے کھل رہیا ہے۔ہن تساں ہشیار خبر پڑھو

سرمایہ کاری نوں ودھان لئی امریکہ تے نیپال نے 50 کڑوڑ ڈالر دے اک سمجھوتے تے دستخط کیتے نیں جس وچ پنج سالہ گرانٹ وی شامل ہے۔ ایس سمجھوتے تے ملینئم چیلنج کارپوریشن (ایم سی سی) وچ رلت اختیار کرن والے امریکی معاون وزیر خارجہ جان سلیون تے ایم سی سی دے قائم مقام انتظامی سربراہ جوناتھن نیشن تے نیپال دے وزیر خزانہ گیاندرہ بہادر کرکی نے دستخط کیتے نیں۔ اک بیان وچ محکمہ خارجہ دی ترجمان ہیدر نوئرٹ نے آکھیا ہے کہ نیپالی حکومت سرمایہ کاری دے ایس معاہدے دی حمایت وچ مزید 13 کڑوڑ ڈالر دے گی۔ ٹرمپ انتظامیہ ولوں کیتا جان والا ایہہ پہلا معاہدہ تے جنوبی ایشیا لئی پہلا سمجھوتا ہے جس وچ ساجھے دار ملک نوں وڈی مالیت ادا کرن لئی آکھیا گیا ہے۔ ایم سی سی دے نیپال معاہدے دا مقصد نجی سرمایہ کاری نوں فروغ دینا تے غربت دور کرن لئی معاشی گروتھ ودھان لئی آکھیا گیا ہے۔ ایم سی سی دی سرمایہ کاری دے نتیجے وچ جنوبی ایشیا وچ توانائی دی ترسیل ودھائے گی، جس دے نتیجے وچ نیپال دا توانائی دا شعبہ تگڑاہوسی۔ بھارت دے نال بجلی دی تجارت وچ سہولتاں پیدا کرن تے زور دتا جائے گا۔ ترجمان نے آکھیا کہ معاشی طور تے فروغ پاندا ہویا نیپال صرف ملک دے عوام دے بہترین مفاد وچ ہوئے گا، سگوں خطے تے امریکہ دے مفاد وچ ہے۔ایس دے نال نال ہی ملک ا تے ادارے تگڑے ہون گے۔ ایم سی سی تنازعاں دے اڈ قدرتی آفاتاں ورگے عالمی خطریاں دا مقابلہ کرن وچ مدد دے گا۔ ملینئیم چیلنج کارپوریشن امریکہ دا اک وکھری ٹائپ دا سرکاری ادارہ ہے، جس نوں بناون دا ٹیچا عالمی پدر تے غریب ملکاں وچ غربت دا خاتمہ لیانا ہے۔ محکمہ خارجہ دی ترجمان نے آکھیا ہے کہ عالمی سطح تے غربت دور کرن توں دنیا زیادہ مستحکم تے محفوظ ہوئے گی، جس توں اندرونی تے بیرونی طور تے معاشی گروتھ دے زیادہ مواقعے ودھ سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels