Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> 9/11 دے 16سال: نان سٹیٹ ایکٹراں والا’’کتا‘‘ تے کھوہ وچ ہی ہیگا؟

9/11 دے 16سال: نان سٹیٹ ایکٹراں والا’’کتا‘‘ تے کھوہ وچ ہی ہیگا؟

September 11th, 2017

نان سٹیٹ ایکٹر وطنی ریاستاں دا لکواں بوتھا کہ جڈی تگڑی ریاست اڈے اوس دے نان سٹیٹ ایکٹراں نال سانگے۔پئی نکی وڈی ساری ایجنسیاں نان سٹیٹ ایکٹراں نوں ’’اثاثہ‘‘ ہی سمجھدیاں نیں۔جتھے ریاست کوئی گل نہیں منیندی اوتھے ایجنسیاں دا وڈا آسرا ایہہ شوہدے نان سٹیٹ ایکٹر ہی ہوندے نیں۔جد تیک ساری دنیا دے بندے ڈیجیٹل ڈیٹا وچ رلتی نہیں ہوندے نان سٹیٹ ایکٹراں دی ٹوہر جمی رہے گی۔پر جیہڑے جنگی شوہدے نیں اوہ وی نان سٹیٹ ایکٹراں نوں نرا اپنے قابو وچ رکھن دی لڑائیاں لڑدے نیں۔سولہ ورہے اک وڈی رقم ہوندی ہے جے ایس نوں میہنیاں وچ ونڈو تاں پورے192مینے بن دے نیں۔انہاں سولہ سالاں وچ تے اینج جاپدا ہے نان سٹیٹ ایکٹر گھٹن دی تھاں یورپ تے امریکہ تیک وی پھیل گئے نیں۔ انہاں نوں کون، کیوں مدد دے رہیا ہے ایہہ وڈا سوال۔جڈی رقماں افغانستان، عراق، شام،لبیا تے فیر تھاں تھاں تے رڑدیاں رہیاں نیں ایس توں25فیصدی وی ڈیجیٹل ریکارڈبناون تے لائیاں جاندیاں تاں کڈے ہی مسلے حل ہون لگنے سن۔پر جنگے شوہدے ایس دے وی خلاف نیں۔ایہہ جنگی شوہدے تے موسمیاتی وٹاندرے نوں وی کوئی مسلہ نہیں سمجھدے کیونجے اینج عالمی ویہار دا اْلار اسلحہ، تیل تے گیس دی تھاں ڈیجیٹل ول ہو جائے گا۔مہاجر، پناہ گیر تے بے وطنے نان سٹیٹ ایکٹر پیدا کرن دی وڈیاں فیکٹریاں نیں۔وڈے تے نکے ملک اپنی نکمی پالیسیاں پاروں انہاں فیکٹریاں نوں ودھا رہے نیں۔ ایہو گل ٹرمپ دے منہ تے جرمن چانسلر کیتی سی۔لبیا دی مثال وڈی کہ کنج وڈیاں ریاستاں نے لبیا دے واسیاں نوں بے وطنا کیتا اتے جداں ایس دا پرچھاواں مانچسٹر وچ ڈگا تے اپنی کوڑ پالیسیاں بارے لندنی کوئی گل نہ کر سکے۔پر ہر کوئی بے وطنیاں نال کھیڈ رہیا ہے، کوئی انہاں دی حمائیتاں کر کے تے کوئی مخالفتاں کر کے ایس کھیڈ وچ حصہ پا رہیا ہے۔ذرا غور کرو، جہیڑا9/11ویلے دو سال دا سی اوہ ہن جوانی وچ آگیا تے اوہ سوچے گا پئی انہاں سولہ سالاں وچ کیہہ کیتا؟بش ایس نوں کراہے پاون لئی صلیبی جنگ آکھیا تے ٹرمپ بے وطنیاں دے مگر پئی گیا۔ہن ڈاکا مکاون نال کیہہ ات گردیاں مکن گیاں؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels