Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> یمن : جنگ، بماریاں تے قحط ،امریکہ، برطانیہ اسلحہ ویچ رہے۔پاکستانی میڈیا چپ

یمن : جنگ، بماریاں تے قحط ،امریکہ، برطانیہ اسلحہ ویچ رہے۔پاکستانی میڈیا چپ

وچار ڈیسک
September 11th, 2017

نرے انہاں نو مہینیاں وچ 5676 ائیر سٹرائیکاں کیتیا گیاں جس وچ سعودی عرب تے اوس دے اتحادیاں رلت کیتی۔لکھاں یمنی تباہیاں توں لنگھ رہے نیں۔خانہ جنگی، ہیضے دی بماریاں، نیول بائیکاٹ تے غیر ملکی فوجی مداخلتاں پاروں اج ڈیڑھ کڑوڑ لوک بد حالیاں دا شکار نیں۔ یمن وچ مسلماناں دی آبادی 95 فیصدی ہے پر ایس بدحالی بارے عالمی اسلامی تنظیماں ہی چپ نہیں سگوں ساڈے جیسے میڈیا وچ وی یمن بارے خموشیاں وادھو۔اج روسی ٹی وی وڈی خبر دتی پر بی بی سی تے وائس آف امریکہ دی خموشی سمجھ آندی ہے۔پاکستان وچ روہنگیاں بارے خبراں ، جلسے، جلوس وادھو پر یمن بارے کوئی گل نہیں کر رہیا۔دوجے پاسے امریکہ تے برطانیہ اج کل اوسے سعودی عرب نوں اسلحہ ویچن دی ڈیلاں کر رہے نیں جیہڑا2015توں جاری یمنی تبائیاں وچ وڈا کردار ہے۔یمن وچ ہون والیاں ائیر سٹرائیکاں خلاف اقوام متحدہ وی احتجاج کر چکیا ہے۔لندن توں جاری کیتی گئی کوئین میری یونیورسٹی دی رپورٹ وچ وی یمن دی بھیڑی ھالتاں وچ سعودی عرب دے کردار بارے گل کیتی گئی ہے۔رپورٹ وچ لکھیا ہے پئی ائیر سٹرائیکاں پاروں بہوں سارے ہسپتال تباہ ہو گئے اتے واٹر سپلائی سسٹم تھاں تھاں توں ٹٹ بھج گیا۔ہیضے دی وباء پھیلن دی وڈی وجہ ایہو ہے۔تجارتاں تے سعودی پاندیاں پاروں خوراک تے دوائیاں دی کمی بارے وی رپورٹ لکھیا ہے۔ہیلتھ دا عالمی ادارہ ڈبلیو ایچ او چیخدا پیا ہے پر سب پاسے خموشی ہے۔یمن وچ 80فیصدی خوراک باہروں آندی ہے۔سب توں بھیڑا حال زنانیاں تے بچیاں دا ہے۔روسی ٹی وی نے اک ٹیم یمن گھلی اتے ایس دی رپورٹنگ دا لنک دے رہے ہاں۔
Link of RT report about Yemen
https://www.rt.com/news/402755-war-disease-famine-yemen-crisis/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels