Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> برکس: چین وچ حاضریاں تے مودی دا یوٹرن۔اک میہنہ پہلے مودی بڑکاں مار رہیا سی۔ڈاکا دا ڈر؟

برکس: چین وچ حاضریاں تے مودی دا یوٹرن۔اک میہنہ پہلے مودی بڑکاں مار رہیا سی۔ڈاکا دا ڈر؟

وچار ڈیسک
September 4th, 2017

مودی ہوری بھارت دے ٹرمپ نیں اتے یو ٹرن لین وچ تیز۔اگست دی 5تریخ تیک اوہ چین نوں للکار رہے سن پر جداں چین آکھیا کہ ساڈے صبر دا امتحان نہ لوو تاں مودی ہوراں نوں سرت آگئی۔چین دے وڈے اخبار گلوبل ٹائمز نے اگست دے شروع وچ اک سخت اداریہ لکھ کے بھارت نوں دس دتا سی پئی ہن جے جنگ ہوئی تے تساں 1962نوں وی بھل جاو گے۔ایس توں بعدوں بھارتی میڈیا نے وی مودی ہوراں نوں ہوش نال چلن دا آکھ دتا سی۔بس فیر مودی ہوریاں نے ڈوکلام دا محاذ فٹا فٹ ٹھنڈا کیتا تے چین آون دے پتر نوں قبولدے ہوئے چین و چین ہو گئے۔ہن بھارتی میڈیا مودی ہوراں دے مفاہمتی رویے بارے آرٹیکل لکھ لکھ کے پھاوا ہو رہیا ہے۔ بھارت دی کوڑ کوشش ہے پئی برکس دے سانجے اعلامیے وچ پاکستان دا ناں انہاں ملکاں وچ آئی جیہڑے ات گردیاں دے ھامی نیں پر چین تے روس دوناں نے ایس نوں ڈکیا ہے۔چینی صدر اپنے خطاب وچ دس دتا ہے پئی اساں بزنس دے راہیں سب نوں رام کرنا ہے اتے اساں ات گردیاں دے ہی خلاف نہیں سگوں اساں انہاں حرکتاں نوں وی مکانا چاہندے ہاں جس پاروں دنیا ات گردیاں ول جاندی ہے۔ مودی دے ایس یو ٹرن نوں امریکہ وچ DACA پروگرام دے خاتمے نال جوڑیا جا رہیا ہے کہ جس پاروں ست ہزار انڈین امریکی متاثر ہون گے جنہاں دی وڈی فنڈنگ بی جے پی نوں ملدی ہے۔ٹرمپ ہوراں اوبامہ دے ایس پروگرام نوں مکاون دا اعلان کیتا ہویا ہے۔ پر وچلی گل ایہو ہے پئی بھارت کجھ وی کر لے، اوس نوں روس تے چین مخالف کیمپ وچ جان نال فیدے گھٹ نیں۔جے اوہ پاکستان دشمنی نوں بھل کے مڑ گجرال فارمولے ول آ جائے تے گل بن سکدی ہے۔ پر ساوتھ ہال نوں ایہہ منظور نہیں تاں مارے اوہ آر آر ایس توں مودی دی چین یاترا خلاف بیان دوا رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels