Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> برکس دا تواریخی اکٹھ شروع:پاکستانی میڈیا خموش۔چین مخالف مہماں تیز

برکس دا تواریخی اکٹھ شروع:پاکستانی میڈیا خموش۔چین مخالف مہماں تیز

وچار ڈیسک
September 3rd, 2017

پاکستانی میڈیا وچ اجہی خبراں دی تھاں روہنگیاں دا مسلہ چکن دا ایجنڈا چل رہیا ہے۔برکس دی تکلیف تھاں تھاں نظر آرہی ہے۔ روسی تے چینی پردھان ایس سی او تے برکس پاروں دنیا نوں نواں ایجنڈا یا بیانیہ دے رہے نیں۔بھارت بھیڑا پھسیا ہے کہ چینی صدر نے بھارتی وزیر اعظم نوں پہلاں ہی آکھ دتا ہے پئی اوہ پاکستان مخالفت دا ایجنڈا نئی دلی اتے ساوتھ ہال وچ رکھ کے چین آئے۔ ہن بھارت نوں فیصلہ کرنا ہے پئی اوہ ایس سی او، ون بیلٹ۔ون روڈ اتے برکس توں فیدے چکنے نیں یا فیر چین مخالف ایجنڈے وچ فرنٹ لائن ریاست بننا ہے۔ڈوکلام توں فوجاں واپس کرن توں بعدوں ہن مودی ہوری نیوے نیوے ہو کے چین اپڑ رہے نیں۔آر ایس ایس ولوں مودی تے چین نوں کنڈھ وکھاون پاروں تنقیداں ہو رہیاں نیں۔
برکس دا ہی اثر ہے پئی روہنگیاں تے شمالی کوریا دی خبراں تیز ہو رہیاں نیں۔پر ٹرمپ وی پھسیا ہویا ہے کہ اوہ کسی ایسی جنگ وچ نہیں جاناچاہندا جتھے رقماں خرچ کرنیاں پین۔جے جنوبی کوریا رقم دین لئی تیار نہیں اتے جاپان وی زیادہ خرچہ نہیں کردا تے ٹرمپ لئی فیصلہ کرنا سوکھا نہیں ہوئے گا۔
برکس دا نواں تواریخی اکٹھ اج شروع ہو گیا ہے۔بزنس فورم نال خطاب کردے ہوئے چینی صدر آکھیا ہے پئی ون بیلٹ۔ون روڈ دا کوئی جیو پولیٹیکل ایجنڈا نہیں ہے سگوں ایہہ عملی تعاون دا فورم ہے۔ایہہ کوئی غیرملکی امداد دا پروگرام نہیں ہے سگوں رلویں ترقی دا بوتھا ہے۔ایس وچ اک دوجے نال ہر پدر تے سانگے،تعاون تے فیدے ہونے نیں۔ ایہہ گلوبل امن دا ایجنڈا لے کے اگے ودھ سی۔تاں مارے ات گردیاں کلاف کسے اک ملک نے نہیں سگوں سب نے رل مل لڑنا ہے اتے ات گردیاں دی وجوہات نوں سامنے رکھ کے فیصلے کرنے نیں۔ اج دنیا نوں اک نویں اوپن اکانومی دی لوڑ ہے اتے چینی تجربہ ایس دی وڈی مثال ہے۔اج برکس اپنے دوجے دہاکے ول ودھ رہیا ہے اتے ایہہ سب Win-Winاصول تے چلن پاروں ہی ممکن ہویا ہے۔پچھلے دہاکے وچ برکس ملکاں دی رلویں جی ڈی پی179فیصدی، ٹریڈ94فیصدی اتے اربن آبادی28فیصدی ہو چکی ہے۔اگلا سنہری دور برکس نال ہے۔ ایہہ جنگاں دے خلاف بیانیہ ہے اتے وڈے وڈے پردھان ملکاں نوں ایس نوں برداشت کرنا ہوئے گا۔

Reference
http://www.chinadaily.com.cn/world/2017brics/2017-09/03/content_31510217.htm


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels