Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایران جوہری معاہدے دی شرطاں تے عمل کررہیا ہے۔ اقوام متحدہ۔ٹرمپ دی سبکی

ایران جوہری معاہدے دی شرطاں تے عمل کررہیا ہے۔ اقوام متحدہ۔ٹرمپ دی سبکی

وچار ڈیسک
September 3rd, 2017

ٹرمپ تے اوس دی حواریاں دے ایران مخالف بیاناں نوں اقوام متحدہ دے ایٹمی تونائی دے ادارے لفٹ ہی نہیں کروائی۔ٹرمپ دے تیز بیاناں دا ٹیچا ایہو ہے پئی ایران کوئی غلطی کرے۔ایہہ ٹرمپ دی سیاستاں دا خاص انداز ہے۔پر لگدا ہے روحانی ہوراں وی غصے وچ نہ آون دی قسم چکی ہے۔ اوہ آپدی عالمی ذمہ واریاں دھیان نال پوری کر رہے نیں تانجے ایران مڑ توں عالمی رابطے بحال کر لے۔ایہہ کھیڈ اوہ زیادہ چنگا اوہی کھیڈے گا جیہڑا بڑکاں توں بچدے ہوئے ٹھنڈے ٹھنڈے آپدی آبشناں نوں اوپن رکھے گا۔پر جس کول تھوڑی آبشناں ہون گیاں اوہ خساریاں دے سودے کر سی۔ ہن تساں خبر پڑھو جیہڑی وائس آف امریکہ چھاپی ہے۔
جوہری توانائی توں متعلق اقوام متحدہ دے ادارے نے آکھیا ہے کہ ایران اپنی جوہری سرگرمیاں انہاں حداں دے اندر رہ کے انجام دے رہیا ہے جس تے ایس نے کئی عالمی طاقتاں دے نال معاہدے تے دستخط کیتے سن۔ ایران دے کول ایس وقت تقریباً ساڑھے 88 کلو گرام گھٹ سطح دی افزودہ یورینیم موجود ہے۔ ایہہ مقدار ایس توں کتھے گھٹ ہے جس دی اجازتاں ایس نوں جوہری معاہدے وچ دتی گیاں سن۔ معاہدے دے تحت ایران 202 اعشاریہ 8 کلو گرام یورینیم دا ذخیرہ رکھ سکدا ہے۔ ایران تے ایہہ پابندی وی ہے کہ اوہ ایس نوں 3 اعشاریہ 67 فیصد توں زیادہ افزودہ نہیں کرسکدا۔ جنوری وچ صدر ڈونلڈ ٹرمپ دے اپنے عہدے دا حلف چکن دے بعد توں ایہہ عالمی ادارے ولوں جاری کیتی جان والی تیجی رپورٹ ہے۔ ایران معاہدے وچ مقرر کردہ بھاری پانی دی مقدار تے وی عمل درآمد کررہیا ہے۔ ایس نوں اپنے ری ایکٹر نوں ٹھنڈا رکھن لئی 130 ٹن بھاری پانی رکھن دی اجازتاں نیں۔ ایس وقت ایران دے کول 111 ٹن بھاری پانی موجود ہے۔ ماضی وچ ایس دے کول بھاری پانی دی مقررہ حد توں بہوں زیادہ ہوندا سی۔ رپورٹ وچ دسیا گیا ہے کہ ایران ہن اپنے اراک ری ایکڑ دا تعمیراتی کم وی نہیں کررہیا جتھوں اوہ ہتھیاراں دی سطح تیک یورینیم افزودہ کرسکدا ہے۔ ایہو نہیں سگوں ایس نے اپنے یورینیم نوں پر امن مقاصد توں زیادہ افزودہ نہیں کیتا۔ اکتوبر وچ صدر ٹرمپ کانگریس نوں ایہہ تصدیق کرن گے کہ آیا ایران معاہدے دی شرطاں تے سختی نال عمل کررہیا ہے یا نہیں۔ صدر ٹرمپ اپنی تقریراں تے تبصریاں وچ اک توں ودھ وار ایران دے نال جوہری معاہدے نوں تباہ کن تے خوفناک قرار دے کے ایس توں نکلن دی بڑکاں مارچکے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels