Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ چین تے تجارتی پابندیاں لا سکدا ہے۔پاکستان تیار رہے؟

امریکہ چین تے تجارتی پابندیاں لا سکدا ہے۔پاکستان تیار رہے؟

وچار ڈیسک
August 4th, 2017

جے چین امریکہ وچ جھیڑا ودھدا ہے تے پاکستان تے ایس دا اثروادھو پئے گا۔کیہہ پاکستانی سیاست وچ اتھل پتھل نوں ایسے پچھوکڑ نال ویکھنا ہوئے گا؟کیہہ روس نال لڑن دے پریشر نوں ٹرمپ چین مخالفتاں ول موڑنا چاہندا ہے؟ ایہہ سب کھیڈہلے کھل رہیا ہے اتے پاکستان وچ چین مخالف لابی اپنے کم تے لگی ہوئی ہے۔ تسی ذرا خبر پڑھو۔
امریکہ انتظامیہ ایس بارے وچ غور کررہی ہے کہ ایس نوں چین توں امریکہ آن والے تجارتی سامان تے ٹیکس ودھانا چاہیدا ہے یا تجارتی پابندیاں لانیاں چاہیدیاں نیں۔ امریکی میڈیا نے آکھیا ہے کہ صدر ڈونلڈ ٹرمپ ہوری امریکی تجارتی نمائندے رابرٹ لائٹ ہائرز نوں ایہہ ہدایت دین گے کہ اوہ امریکی قنون دے 1974 دے ٹریڈ ایکٹ دے تحت چین دے تجارتی طریقہ کار دی تحقیقاں کرن۔ ایس قنون دا مقصد امریکی صنعتاں نوں بیرونی ملکاں دے غیر منصفانہ تجارتی طور طریقیاں توں تحفظ فراہم کرنا ہے۔ انتظامی عہدے داراں دا کہنا ہے کہ ایس سلسلے وچ اک باضابطہ اعلان آئندہ کجھ دناں وچ کیتا جاسکدا ہے۔ صدر ٹرمپ تے انہاں دی اقتصادی ٹیم دے ارکان اک عرصے توں چین تے ایہہ الزام لاندے آئے نیں کہ اوہ وڈے پیمانے تے تجارت وچ فولاد دی درآمد توں لے کے Intelectual property rights دی چوری ورگے طریقے استعمال کررہیا ہے جس توں امریکی کاروباراں نوں نقصان پہنچ چکیا ہے۔ منگل دے روز وال سٹریٹ جنرل وچ شائع ہون والے اک مضمون وچ امریکی وزیر تجارت ولبر راس نے چین تے یورپ تے الزام لایا کہ اوہ سستے قرضیاں, توانائی وچ رعائیتاں تے ٹیکساں وچ جھوٹ دے ذریعے منصفانہ تجارتاں دی نفی کررہے نیں۔ انہاں شکایتاں دے باجود ٹرمپ انتظامیہ اپنے اقتدار دے پہلے چھ مہنیاں وچ بیجنگ دے نال تعاون کرن تے زور دیندی رہی ہے۔ پر پچھلے مہینے تجارت توں متعلق دو طرفہ مذاکرات کسی معاہدے تے نہیں پہنچ سکے تے ٹرمپ انتظامیہ شمالی کوریا دے جوہری تے میزائل پروگرام تے چین ولوں دباؤ پاون وچ ہچکچاہٹ تے بظاہر ایس توں مایوس ہوچکی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels