Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چینی فوج نوں ہلانا پہاڑ ہلان توں وی اوکھا ۔ چین دی بھارت نوں ہشیار ایڈوائس

چینی فوج نوں ہلانا پہاڑ ہلان توں وی اوکھا ۔ چین دی بھارت نوں ہشیار ایڈوائس

وچار ڈیسک
July 25th, 2017

اینج جاپدا ہے پئی مودی سرکار بھارت نوں جنگی جنون وچ جھوکن دی تیاریں کر رہی ہے۔ترقی دے جنہاں نعریاں تے مودی کانگرس نوں ہرایا سی اوہ سفنہ پورا تے نہیں ہو سکدا تاں مارے جنگ پاروں ہن بہانے تلاش کیتے جا رہے نیں۔پر بھارت نوں سعودی عرب دا انجام سامنے رکھنا لوڑی دا ہے۔اج جنگ خرچے دا ناں ہے تے ایہہ خرچہ ہن آپ ہی کرنا پئے گا۔ٹرمپ تے آپ پیسے اکٹھے کردا پھردا ہے۔
چین نے آکھیا ہے کہ انڈیا دی سرحد دے قریب تبت دے علاقے وچ ہور فوج گھلے گا تے اپنی خود مختاری دا ہر قیمت تے دفاع کرے گا۔ چین دی وزارت دفاع دے ترجمان گرج ورج کے ایہہ بیان دتا۔ انہاں نے آکھیا کہ سانجھی تے آپسی گل بات پاروں طے کیتی گئی سرحد تے انڈیا ولوں چوکی عبور کرنا چین دے علاقے دی خلاف ورزی وی ہے اتے بین الاقوامی قنون دی خلاف ورزیاں وی۔ چینی وزارت دفاع نے مزید آکھیا کہ انڈیا ایس غلط فہمی وچ نہ رہے کہ ایس دی پوزیشن تگڑی ہوجائے گی۔ پیپلز لبریشن آرمی دے پچھلے 90 سال دی تریخ نے ایس گل نوں ثابت کیتا ہے کہ چین دی خود مختاری تے علاقے دا دفاع کرن دا لئی اوہ ہمش اگے اگے رہندی ہے۔۔ پریس کانفرنس کردے ہوئے چینی وزارت دفاع دے ترجمان نے مزید آکھیا چین دا اپنی خود مختاری دا دفاع کرنالوڑی دا ہے تے اپنی خود مختاری دی حفاظت ہر قیمت تے کیتی جائے گی۔ انہاں نے آکھیا کہ ایس علاقے وچ چینی سرحدی فوج نے ایمرجنسی اقدام کیتے نیں تے صورتحال نوں ویکھدے ہوئے مزید نفری گھلی جارہی ہے تے تربیت دتی جارہی ہے۔ انہاں نے مزید آکھیا کہ چینی فوج نوں ہلانا پہاڑ ہلان توں وی اوکھاہے۔ چینی وزارت دفاع دے ترجمان نے متنازع علاقے وچ چینی فوج دی تعیناتی تے تربیت دے حوالے توں مزید تفصیلاں نہیں دتیاں۔ چیتے رہے پئی ایہہ جھیڑاپچھلے مہینے سکم دی سرحد دے نیڑے بھوٹان دے ڈو کلام خطے توں شروع ہویا سی۔ چینی فوجی اوتھے سڑک تعمیر بنانا چاہندی ہے۔ انڈیا دا کہنا ہے کہ ایس نے پچھلے مہینے ایس علاقے وچ فوجی ایس لئی گھلی سی تاکہ اوہ ایس علاقے وچ نویں سڑک دی تعمیر نوں روک سکے۔ ایس علاقے تے بھوٹان تے چین دوناں اپنا دعویٰ کردے نیں۔ ایہہ علاقہ انڈیا دے شمال مشرقی صوبے سکم تے پڑوسی ملک بھوٹان دی سرحد نال ملدا ہے تے ایس علاقے تے چین تے بھوٹان دا جھیڑا جاری ہے جس وچ انڈیا بھوٹان دی حمایت کر رہیا ہے۔ انڈیا نوں خدشہ ہے کہ جے ایہہ سڑک مکمل ہوجاندی ہے تے ایس پاروں چین نوں انڈیا تے سڑیٹجک برتری حاصل ہوجائے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels