Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> شامی لہور تے صبح کابل وچ دھماکے، ٹارگٹ سرکاری ملازم: کون کیہہ چاہندا ہے؟چین دی ثالثی بعدوں حملے وادھو

شامی لہور تے صبح کابل وچ دھماکے، ٹارگٹ سرکاری ملازم: کون کیہہ چاہندا ہے؟چین دی ثالثی بعدوں حملے وادھو

July 24th, 2017

کابل تے لہور وچ ہون والے دھماکیاں وچ اک پاسے69توں وادھو بندے مر گئے نیں تے دوجے پاسے انہاں دھماکیاں پاروں دوناں ملکاں وچ اک دوجے تے شک وادھو۔دونوں شہراں وچ ٹارگٹ سرکاری ملازم کہ کتھے طالبان تے کتھے داعش۔ایہہ گل پکی پئی ات گرداں دا نہ کوئی مذہب یا فرقہ ہوندا ہے اتے نہ ہی کوئی قومیت کہ انہاں نوں نرا ات گرد ہی آکھنا چاہیدا ہے۔پر ایسا بیانیہ پاکستان تے افغانستان وچ ہلے تیک نہیں کہ الزام بازیاں تے زور زیادہ۔جس دن توں چین نے پاکستان تے افغانستان وچ ثالثیاں دی پیشکشاں کیتیاں نیں دوناں ملکاں وچ دھماکے وادھو۔پاڑہ چنار توں لہور تیک ہون والے ات گرد حملے اوس ویلے گھجل ہو جاندے نیں جداں انہاں نوں فرقہ واریت تے قومیتی جھیڑیاں ول موڑ دتا جاندا ہے۔اینج ات گرداں دا ٹیچا پورا ہو جاندا ہے۔ات گرد ایہو چاہندے نیں کہ یا تے پاکستان تے افغانستان اک دوجے تے الزام لاون یا فیر انہاں وقوعیاں دا رخ فرقہ واریت یا قومیتی جھیڑیاں ول موڑیا جائے۔اج پاکستان تے افغانستان وچ پارلیمنٹ دی پدر تے زیادہ رابطیاں دی لوڑ وادھو۔ چین دی ثالثی دی کوششاں نوں دوناں ملکاں جی آیا نوں آکھیا پر جاپدا ہے پئی کابل تے اسلام آباد وچ اجہے لوک وادھو نیں جو ایس ثالثی تے خش نہیں۔
لہور دے دھماکے ویلے علاقے وچ تجاوزاں خلاف ایکشن ہو رہیا سی۔ہن تیک 26لوک شہید ہو چکے نیں اتے 14زخمیاں دی حالت بہوں زیادہ وگڑی ہوئی ہے۔دوجے پاسے افغانستان دے دارالحکومت کابل وچ سرکاری ملازمین نوں لے جان والی اک بس تے خودکش حملے وچ گھٹ و گھٹ 35 افراد ہلاک تے 42 زخمی ہوگئے سن۔ کابل پلس دے ترجمان بصیر مجاہد دے مطابق واقعہ پیر نوں سویرے کابل دے مغربی حصے وچ پیش آیا جتھے کئی اہم سیاست داناں تے سرکاری افسراں دی رہائش گاہاں نیں۔ ترجمان دے مطابق حملہ آور نے بارود نال بھری اپنی گڈی سرکاری ملازمین دی بس توں ٹکرا دتی سی جس توں بس مکمل طور تے تباہ ہوگئی۔ بس وچ وزارت پیٹرولیم تے کان کنی دے ملازمین سوار سن۔ دھماکے نال تِن دوجی گڈیاں تے کئی دکاناں وی تباہ ہوئی نیں۔ پلس بلارے نے صحافیاں نوں دسیا کہ حملہ صبح دے اوقات وچ کیتا گیا جداں علاقے وچ دفتراں تے سکولاں جان دا رش سی تے دکاناں کھل رہیاں سن۔ دھماکے وچ کئی بچے زخمی وی ہوئے نیں جو نزدیک ہی واقع اک نجی سکول جارہے سن۔
کولیشن سپورٹ فنڈ مکاون دے اعلان بعدوں پاکستان لئی لوڑی دا ہے کہ چین دی مدد نال اتے پارلیمنٹ دے چینل نال نویں افغان ابشنز بارے غور کرے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels