Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> راحیل شریف کسے اسلامی فوج دے سربراہ نہیں۔سرتاج عزیز۔سعودی اتحادایران مخالف ہے ۔ ائیر مارشل(ر) شاہد لطیف۔

راحیل شریف کسے اسلامی فوج دے سربراہ نہیں۔سرتاج عزیز۔سعودی اتحادایران مخالف ہے ۔ ائیر مارشل(ر) شاہد لطیف۔

وچار ڈیسک
July 24th, 2017

کیہہ راحیل شریف دی نویں نوکری مک رہی ہے؟کیہہ سرتاج عزیز دے بیان دا ایہہ مطلب ہے کہ سعودی اتحاد اک ’’بلف‘‘ سی؟راحیل شریف دی لہور اپڑن دی خبر تے دس جولائی توں اک دن پہلے چلی سی پر اوہ اج کل کتھے نیں ایس بارے کوئی پکی خبر نہیں۔اج اک ٹی وی شو وچ گل بات کردے ہوئے عسکری تجزیہ کار شاہد لطیف آکھیا ہے سعودی اتحاد بارے قوم نوں سچ دسنا لوڑی دا ہے۔ایہہ دسیا گیا سی کہ ایہہ اتحاد ات گردیاں خلاف ہے پر ٹرمپ دے دورے بعدوں ایہہ پتہ چل گیا پئی ایہہ اتحادتے ایران دے خلاف ہے۔ایہہ گل بات روز ٹی وی دے پروگرام کرنٹ افئیر وچ کیتی گئی جس نوں آصف محمود چلاندے نیں۔اینکر ہوراں مشیر خارجہ دے ایس بیان نوں دہرایا جس وچ سرتاج عزیز آکھیا کہ نہ ہی کوئی اسلامی فوج بنی ہے اتے نہ ہی راحیل شریف کسے اسلامی فوج دی سربراہی نہیں کرر رہے نیں۔ہلے تے ٹی او آر بنے ہی نہیں۔آئی ایس پی آر لندن توں اک بیان جاری کیتا سی کہ راحیل شریف دی نوکری اک قومی مفاد ہے۔جے کوئی اسلامی فوج ہلے سعودی عرب بنائی ہی نہیں تاں فیر راحیل شریف سعودی عرب کیوں گئے سن؟پہلے اک تاثر دتا گیا پر ہن ہور گل ہو رہی ہے۔کیہہ ایس بارے کوئی اختلاف سن؟ٹرمپ دے دورے بعدوں ایس اتحاد نوں ایہہ دھچکہ لگیا کہ ترکی ایس توں پیچھے ہٹ گیا اتے ایہہ اتحاد ’’سنی الائنس‘‘ نہ بن سکیا۔فیر سعودی عرب قطر خلاف جو قدم چکیااوہ وی کم نہ آیا۔پاکستان قطر خلاف نہیں گیا ۔جس تے سعودی ناراض وی نیں۔شاہد لطیف آکھیا کہ راحیل شریف نوں گھل کے اساں ایس جھیڑے وچ فریق بن گئے ساں ۔انہاں یمن دے جھیڑے نوں مشرق وسطی وچ جنگی جنون ودھن دی وجہ آکھیا اتے پاکستانی پارلیمنٹ دے نیوٹرل رہن دے فیصلے بارے گل کیتی۔اج ایران ساڈے توں کاوڑیا ہویا ہے ایس دی وجہ وی ایس اتحاد وچ ساڈی رلت اتے راحیل شریف دی نوکری ہے۔اساں اپنے اک مسلم ہمسائے نال کس پاروں وگاڑ ودھایا؟اساں دوجیاں دی جنگاں وچ چھال کیوں لاندے ہاں۔فیر سانوں ہور بیان دینے پیندے نیں۔سعودی اتحاد دی اج کل بھیڑی حالتاں نیں کہ قطر دی حمائیتاں کرن والا ترکی ثالثیاں کر رہیا ہے ۔طیب اردگان ہوری اج سعودی عریبیہ دے دورے تے نیں اتے پھیر کویت جان گے۔
Link of Show
https://www.facebook.com/rozenewsnetwork/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels