Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> عمران خان: منی ٹریل نشتہ، تحریری جواب سپریم کورٹ وچ جمع۔25جولائی

عمران خان: منی ٹریل نشتہ، تحریری جواب سپریم کورٹ وچ جمع۔25جولائی

وچار ڈیسک
July 23rd, 2017

عمران خان دی اپنی منی ٹریل غائب۔ وکیل نعیم بخاری نے لندن فلیٹ منی ٹریل توں متعلق جواب سپریم کورٹ وچ جمع کرا دتا۔ چیئر مین پی ٹی آئی عمران خان نے سپریم کورٹ وچ منی ٹریل مکمل نہ ہون دا تحریری اعتراف کرلتا۔ جواب وچ آکھیا ہے کہ عمران خان کاؤنٹی کرکٹ کھیڈدے رہے۔ 1971 توں 1988 تک کاؤنٹی کرکٹ کھیڈی ۔کاؤنٹی کرکٹ اپنا 20 سال توں پرانا ریکارڈ نہیں رکھدی۔ جواب وچ مزید آکھیا گیا ہے کہ کاؤنٹی کرکٹ تے آمدن دا ریکارڈ دستیاب نہیں۔ عمران خان ہوری ملازمت دے شیڈول دا ریکارڈ وی نہیں رکھدے۔ عمران خان نے اپنے جواب وچ تحریر کیتا ہے کہ لندن فلیٹ 1984 وچ مورگیج کرایا گیا، ابتدائی رقم 61 ہزار پانڈز ادا کیتی گئی سی۔ فلیٹ دی قیمت اک لکھ 17 ہزار پانڈز سی۔ کسی قسم دی کوئی منی لانڈرنگ نہیں کیتی۔ چیتے رہے تحریک انصاف دے وکیل نعیم بخاری نے سپریم کورٹ نوں یقین دوایا سی پئی اوہ اک ہفتے وچ منی ٹریل جمع کروان گے۔ویلہ مکن تے رجسٹرار سپریم کورٹ نے عمران خان نوں یاد دہانی دا نوٹس گھلیا سی۔ چیتے رہے عمران دے خلاف پاکستان مسلم لیگ لیگ ن دے رہنما حنیف عباسی نے سپریم کورٹ وچ درخاست دائر کر رکھی ہے۔عمران خان تے جہانگیر ترین نااہلی کیس دی پیشی ہن 25جولائی منگل نوں ہو سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels