Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> فرانس:دفاعی بجٹ وچ کٹوتیاں پاروں فرانس دے آرمی چیف مستعفی۔کسے نے اک دوجے نوں غدار نہیں آکھیا۔میکرون نے نواں چیف بنا دتا

فرانس:دفاعی بجٹ وچ کٹوتیاں پاروں فرانس دے آرمی چیف مستعفی۔کسے نے اک دوجے نوں غدار نہیں آکھیا۔میکرون نے نواں چیف بنا دتا

وچار ڈیسک
July 20th, 2017

سول ملٹری جھیڑے دنیا دے ہر ملک وچ ہوندے نیں پر ایس نوں نہ تے کوئی ’’قومی مفاد‘‘ دا مسلہ بنادا ہے اتے نہ ہی اک دوجے تے ذاتی حملے کیتے جاندے نیں اتے نہ کوئی کسے نوں غدار، مودی دا یار وغیرہ آکھدا ہے۔فوجی سربراہ، سینئیر ترین وی نیں پر انہاں جداں فیس بک تے اپنے غصے نوں رجسٹرڈ کروایا تے ایس نون جمہوری قدراں خلاف سمجھیا گیا۔آرمی چیف نے اپنا مقدمہ پارلیمانی کمیٹی اگے رکھیا پر کمیٹی وی دفاعی بجٹ وچ کٹوتیاں تے راضی رہی۔صدر میکرون ہوراں نے فرانکوئیس لیکوائنٹر ہوراں  نوں نواں آرمی چیف بنا دتا۔ اپوزیشن نے وی ایس مسئلہ نوں سیاست توں وکھرا رکھیا۔مسلہ سول ملٹری جھیڑیاں دا نہیں سگوں اہم گل ایہہ ہے کہ اساں انہاں جھیڑیاں نوں کس انداز وچ حل کریندے ہاں۔جس طراں اج کل پاکستان وچ پانامہ دے مسلہ تے ’’منی ٹریلاں‘‘ دا مینا بازار سجایا گیا ہے اتے اشرافیہ اک دوجے تے الزاماں دی بارشاں کر رہی ہے اوہ دسدا ہے کہ اساں کنج ہر مسلہ نون خراب کردے ہاں۔دفاعی بجٹ تے بحثاں کرنا پارلیمنٹ دا کم ہے اتے ایس پاروں فوج دا وقار گھٹ نہیں ہوندا۔پاکستانی سیاستدانان، غیر منتخب اشرافیہ اتے میدیا نوں ایس بارے سوچنا لوری دا ہے۔
فرانس دی فوج دے سربراہ صدر اعمانیول میکرون ولوں دفاعی بجٹ وچ کٹوتی کرن تے احتجاجاً مستعفی ہوگئے نیں۔ جنرل پیئر ڈی ویلرز نے اک بیان وچ آکھیا ہے کہ اوہ ہن ایس گل دی ضمانت نہیں دے سکدے کہ فوج اینی مضبوط رہ سکدی ہے جوملکی دفاع لئی ضروری ہے۔ خیال رہے کہ بجٹ دے خسارے نوں گھٹ کرن لئی فرانسیسی حکومت نے پچھلے ہفتے دفاعی بجٹ وچ وڈے پیمانے تے کٹوتی کرن دا اعلان کیتا سی جو اوس دا جمہوری اختیار ہے۔ پچھلے ہفتے وزارت دفاع وچ کیتی گئی اک تقریر وچ فرانسیسی صدر نے آکھیا سی کہ کجھ چیزاں تے کھلے عام بحث کرنا باوقار نہیں ہے۔ اسی طراں اک جریدے نوں انٹرویو دیندے ہوئے صدر آکھیا کہ جے فوج دے سربراہ تے صدر وچ کسی گل تے اختلاف ہوئے تے فوجی سربراہ نوں گھر جانا پیندا ہے۔ایہو مہذب جمہوری وطیرہ ہے۔ صدر دا مزید کہنا سی کہ فوجی سربراہ نوں انہاں دی اودوں تک حمایت حاصل رہے گی جداں تک اوہ اپنے اختیارات دے اندر رہ کے کم کرن گے۔ جنرل پیئر ڈی ویلرز حکومت ولوں 2017 دے فوجی بجٹ وچ 850 ملین یورودی کٹوتی تے حکومتی نقطہ نطر توں اتفاق نہین رکھدے سن۔ انہاں ایہہ غلطی وی کر دتی کہ اپنے غصہ لئی فیس بک نوں ورتیا اتے ایس پاروں فرانسیسیاں انہاں نوں رگیدیا۔ایس حوالے جنرل پیئر ڈی ویلرز نے اک پارلیمانی کمیٹی دے سامنے انتہائی سخت الفاظ وچ اپنی برہمی دا اظہار کیتا سی۔ مستعفی ہون دا اعلان کردے ہوئے جنرل پیئر ڈی ویلرز دا کہنا سی کہ اوہ سمجھدے نیں کہ ایہہ انہاں دا فرض ہے کہ اوہ اپنے تحفظات توں سیاستداناں نوں آگاہ کرن۔سابقہ آرمی چیف نے وزیراعظم نوں نہ تے غدار آکھیا اتے نہ ہی اپنی نوکری نون بچاون لئی قومی مفاد دا آسرا لتا۔ اپوزیشن وی ایس مسلہ تے سیاستاں نہیں کیتیاں۔ہر کوئی ایہہ سمجھدا ہے کہ چونویں سرکار ملک دے مفاد وچ ہی فیصلے کردی ہے۔نویں آرمی چیف دا سرکاری پدر تے اعلان اودھوں ہوئے گا جداں میکرون ایس دی منطوریاں کابینہ توں لے لین گے۔
Reference News
http://www.france24.com/en/20170719-france-macron-replaces-military-chief


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels